Busii pɛ 5:19 - LAWA A BOO SONBORE

¹⁹ Sɛnɛ, nsɛ Dɛnaa Lawa, ma n kii lɛa yǎa duduu. Kiibaa mɛn bɛ́ a nyɛɛ wa, bɛ nə n wɔ lɛa yǎa duduu.

LAWA A BOO SONBORE 2011

¹⁹ Sɛnɛ, nsɛ Dɛnaa Lawa, ma n kii lɛa yǎa duduu. Kiibaa mɛn bɛ́ a nyɛɛ wa, bɛ nə n wɔ lɛa yǎa duduu.

Busii pɛ 5:19 ပူးပေါင်းရင်းမြစ်များ

Loen 10:16

Dɛnaa Lawa n kii lɛa yǎa duduu. Á Lawa doɛ̃baã wolen loo á ǹ bɔ a gána nɛ.

Loen 102:12

Maa yiikoonaabaa n kiɛ̃ ka wúlu bɛ́ lɔn, ma din nə laɛ kəni, ka buu bɛ́ lɔn.

Loen 145:13

N kiibaa lɛ a nyɛɛ wa, a na a tan yǎa duduu. N pàã lɛ n goɛ̃ yǎa duduu. Lawa n bɔlɔgoondɛnaa lɛa a da ǹ boo tumaa gɔ́ɔ̃ nɛ, a zɛnaa ǹ sii tumaa n siĩni.

Loen 146:10

Dɛnaa *Lawa a kiibaa ba nyɛɛ wa. *Siɔn kele minin lɛn, a n kaa Lawa lɛa yǎa duduu. Aleluya, ka Dɛnaa Lawa tɔ bɔ!

Loen 29:10

Dɛnaa Lawa n kii lɛa mu gole kɛ lalan, a n die goɛ̃ kiibaa la yǎa duduu.

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Loen 9:7

Zɔ́ɔ kɛ wɔ nya, a wɔ ziziɛ̃ duduu. Ń ná a kɛbɔlɔ kaa, a sii din papaã, á n bɔ minin yiri ni.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Loen 93:2

Dɛnaa Lawa, n kiibaa lɛ giala n we-n haalɛ lɛlɛ-lɛlɛ. N dinmaa dɔ nə n tan, biikoo ná a ba la wa.

Abakuku 1:12

A kũ a giala kɔ waáraa ganaa, n din nə Dɛnaa Lawa lɛa. Maa Lawa nɛ n nɛ, n tá sonbore. Wɔ a re giɛ̃ wa. Dɛnaa Lawa, n din ni n Baabilonii minin bɔ mà ǹ kiri kuru wɔ la. N din nə maa gɛ̀fu kaka lɛa, n nə ǹ dia mà ǹ da dɔlɔ bɔ wɔ ganaa.

Zaã a sɛ́wɔ 1:38

Yezu nə́ n bɔyaa, a bɛ́ á yɛ mà maǹ koe asɛ kio lɛ, á tɔ́n pɛ ǹ nɛ: «Ka ǹ giɛ wàa li?» Ǹ nə́ Yezu lɛ si ǹ nə́ pɛ: «Rabii, n piɛ n maa? (Bɛa Rabii lɛ giala mà Mìinaa).»

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»