Busii pɛ 5:17 - LAWA A BOO SONBORE

¹⁷ Bɛ lɛ n wɔ foo busi, wɔ yii a wɔlɔ yii doɛ̃ wa.

LAWA A BOO SONBORE 2011

¹⁷ Bɛ lɛ n wɔ foo busi, wɔ yii a wɔlɔ yii doɛ̃ wa.

Busii pɛ 5:17 ပူးပေါင်းရင်းမြစ်များ

Zɔbu 17:7

Ma yii nàn pàã nya yɔrɔ-kɔsiɛ gɔn, má pɛrɛ, má n baa ka màn nyín ni.

Loen 31:9

ń ma toa maa zɔ́ɔ gɔn wa. Ń ma saa ń ma da lon, ń piɛ̃ kaa ma ganaa.

Loen 38:8

Ma kii yii n paparɛ, ma gɔ̀nɔn tumaa n busi.

Loen 6:7

Ginii n die ma pàã nyɛɛ. Bɛ̀ wɔlɔ tii lɔn, ma yii mu n maa piì basɛ̃, ma yii mu n ka a maa waa ǹ piì mui.

Loen 69:3

Ma na a gialaa we bɛrɛɛ zuzulu kɔn li, gòãn doa ǹ wɔlɔ ba ma la wa. Má papaã mu zuzulu li, a n ma siɛ woe ma nɛ.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 38:14

Maa lɛ-dɛ n goon ka leere bàan a lɛ baa nɛ. Maa purii n goon ka kɔlɔ wɔ nɛ. Má nɔmaa ka ga lon ganaa nɛ. Dɛnaa, ma gù gã. N dɔ ma lɛ.

Zeremii 46:5

Ma yii n wàa ganaa ke? Nyɛ́ɛ nə ǹ ganaa, maǹ wusii ǹ kio ne! Ǹ nə́ boo ǹ zia-baali zanbian lɛn la. Maǹ nə n mìi foɛ̃, nyɛ́ɛ taman yii, ǹ ba n bɔyɛɛ ǹ kio-n wa. Nyɛ́ɛ n bǎã tumaa nɛ. Dɛnaa Lawa a da ǹ boo ne.

Zeremii 8:18

Màn kɔn ba boe la a maa foo busii kɛ nya wa. Ma foo n ka a yu!

Busii pɛ 1:13

Á n toa lon á tɛ dia, á ma kũ yǎa ma wen ganaa. Á kan kɔ ma gòãn li, á ma làfu kɔ tán. Á ma da ma gɔrɔn, man busu koe lɛawaa yii li.

Busii pɛ 1:22

Ga ǹ sii baraan kɛn ganaa taãn nɛ. N masɛ yii wɔ̃ lɔn, maa piãn kɛn lɛa, ǹ dɔn yii wɔ̃ miɛ̃. Maa wɔ n ka ginii-n biikoo tumaa li! A n busu lɛa ma ganaa.

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Ezekieli 21:15

A lɛ na á n lɔ minin bɔlɔ-kurii taman yii, a gɔ̀nɔn na á n zɔnɔ, tɛ pii taman yii.

Ezekieli 21:7

– Minbuiin a nɛ, n yɔrɔ dia Zeruzalɛmu la. Yoo ǹ wúlu bɔ ǹ bǎãn kɛn gialaa, n maa boo da Izirayeli gána ganaa.

Lawa a wúlu-bɔlen 26:36

Kaa min mɛnɛn yii bɛ́ re goɛ̃ koo, ma á re foo biɛ niɛ diɛ bɛn ganaa, kaa zɔ́ɔn lɛn gána nɛ. Ta da luu na á na lon á mɛnaa, ǹ tá re n gòã diɛ baa nɛ. Ǹ tá re baa sii ka min nə ǹ kio ka gɔya sa nɛ. Ǹ tá re boe bɛ̀ ǹ nə n duduwəə tán min dɔ ná a bie ǹ lui wa.

Misee 6:13

Bɛ lɛ n ke, man die ka dii, yǎa ma busu diɛ ka ganaa. Man die basaã koe ka nɛ, kaa sii baraan lɛn taman yii.

Timəə dí-pɛn 28:65

Bɛa tɔrɔn kɛn lɛn bii, ka a re là nyantoro yii wa, ka a re gòã da ǹ bǎã din yii wa. Dɛnaa Lawa á re gɔ́ɔ̃-bii diɛ ka ganaa walan, ka foo biɛ na laanka nyin-soo ne.