Busii pɛ 5:16 - LAWA A BOO SONBORE

¹⁶ Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

LAWA A BOO SONBORE 2011

¹⁶ Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

Busii pɛ 5:16 ပူးပေါင်းရင်းမြစ်များ

Zɔbu 19:9

Á maa gugurubaa kɛ toɛ̃ á bɔ ma-a, á zín bɔ maa golebaa kɛ nɛ.

Loen 89:39

Sɛnɛ, n din kii mɛn bɔ, ń koa, táa n din foo na á yoo bɛ lɛ li kanna, ń daa, ń tii.

Suusun 14:34

Peperebaa n gána a zaman mìi siɛ lon. Sɛnɛ, sii baraa n tɔrɔn tumaa a sìi lɛa.

Suusun 27:24

a giala, naforo bie duduu wɔ lɛa wa, golebaa dɔ bie yɛ a da yaa lɛa wa.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 4:18

Zeruzalɛmu, n giã ǹ gɔn laanka n zɛnaa ǹ siin taman yii ni kɛ á n yii. N baraabaa lɛ a saraa nɛ. Hiĩ, n koe lɛ á kɔɔsɛ taãn-taãnɛ. A na á n kũ n foo ganaa.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Busii pɛ 2:1

Ebe! Dɛnaa Lawa a foo-busii kɛ taman yii, á *Siɔn da wɔlɔ tì li. A foo bɛ́ á yoo Siɔn li, á n toa lon sɔsɔɔ, á Izirayeli a gugurubaa kɛ zũ tán. A foo-yoo taman yii, a yiri bɔ a kion kɛ din ni, a doamaa bɛ nɛ a giã ǹ mɛn lɛ nɛ.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ezekieli 21:26

Baabiloniin kii na á goã zii màn paa lɛ a sawaa kɔn-a ǹ bǎã nɛ, á n dí nyɛɛ giɛ sii giala li. A na á goã kiɛnɛn zuzuĩ lon, nɔ̀n didiɛ dìn la, gigiɛ màn foon ganaa.

Misee 6:13

Bɛ lɛ n ke, man die ka dii, yǎa ma busu diɛ ka ganaa. Man die basaã koe ka nɛ, kaa sii baraan lɛn taman yii.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 3:11

«Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.