Busii pɛ 4:22 - LAWA A BOO SONBORE

²² Siɔn kiwi, n dɔlɔ lɛ nya kəni. Lawa a re woe n ne bɛ̀rɛbaa ǹ bǎã-n doo wa. Sɛnɛ, nsɛ Edɔmu, Dɛnaa Lawa á re n sii baraan dɔlɔ boe n ganaa. Á re n sii baraan lɛn nyɛɛ bii-a panparaan nɛ.

LAWA A BOO SONBORE 2011

²² Siɔn kiwi, n dɔlɔ lɛ nya kəni. Lawa a re woe n ne bɛ̀rɛbaa ǹ bǎã-n doo wa. Sɛnɛ, nsɛ Edɔmu, Dɛnaa Lawa á re n sii baraan dɔlɔ boe n ganaa. Á re n sii baraan lɛn nyɛɛ bii-a panparaan nɛ.

Busii pɛ 4:22 ပူးပေါင်းရင်းမြစ်များ

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Zeremii 33:8

Ǹ sii baraa mɛn tumaa zɛnaa masɛ nɛ, ma á re ǹ *yoreen koe, ma ǹ sii baraan toa ǹ nɛ ka ǹ gòãn dii ǹ siin kɛn nɛ masɛ ganaa.

Zeremii 49:10

Sɛnɛ, ma dinmaa n die Ezawu a kion minin lɛn lon dudui. Ma á re toɛ ǹ nə ǹ duru ǹ bǎãn kɛn wɔlɔ yɛ. Ǹ ba re boe la ǹ wo walan doo wa. Ǹ tá re ǹ nɛnyaanan dii, ǹ dɔɔ̃nɔn nɛ, ka ǹ miãkɛnɛn tumaa nɛ. Min kɔn ba re pii ǹ ni:

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Busii pɛ 4:21

Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

Busii pɛ 4:6

Maa zaman lɛ a sii baraa gole kɔ á la Sodɔmu kiwi kɛ wɔ nɛ. A na á n yu bǎã goon, min kɔn boo la á sii kɔn zɛnaa wa.

Ezekieli 37:28

Maa giã ǹ bǎã mɛn bɛ́ re goɛ̃ ka bii yǎa duduu, bɛ̀ má bɛ́ dɔ ǹ mɛn waáraa, tɔrɔ kɔsɔn tá re doɛ̃, mà ma din Dɛnaa Lawa n Izirayeli *yoreen koe.»

Ezekieli 6:12

Ǹ mɛnɛn wɔlɔ bɛ́ sɔsɔɔ, piɛ̃ busu á re bɛn dii. Ǹ mɛnɛn wɔlɔ bɛ́ kunun, bɛn tá re giɛ̃ zia la. Ǹ nə n mɛnɛn kũ ǹ yii n koo, bòo á re bɛn dii. Man die bɛ lɛ zɛnɛɛ ǹ nɛ yǎa ma foo nyɛɛ.

Abdiasi 1:10

Ka kakaarɛbaa ǹ sii mɛnɛn zɛnaa, ka dɔɔ̃n Zakɔba tɔrɔn kɛn manɛ, bɛ lɛ n ke, sìi gole á die ka kuĩ. Ǹ tá re ka dii, ǹ ka nya lenlen.

Malakii 1:3

má Ezawu toa walan. Ezawu tɔrɔn nə goã kele yii mɛn nɛ, má bɛ ziziɛ̃, má gána lɛ kɔ diə gole a tolokan la.

Malakii 1:4

Bɛa minin kɛn lɛn tá re pii: Ǹ nə́ wɔ yɔyɔrɛ, sɛnɛ, wɔ n die wusii wɔ wɔa kiwi soen lɛn dɔ. Masɛ Dɛnaa Lawa Pàãyiidɛnaa, man kɛ pii: Ka wusoo ka dɔ, man die kaa dí lɛ ziziɛ̃. Ǹ tá re tɔ kɛ koe a ganaa: «Gána mɛn bɛ́ sii baraa na á nɛ» ká «zaman mɛn bɛ́ Dɛnaa Lawa foo n yoo-n li biikoo yii li».