Busii pɛ 4:21 - LAWA A BOO SONBORE

²¹ Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

LAWA A BOO SONBORE 2011

²¹ Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

Busii pɛ 4:21 ပူးပေါင်းရင်းမြစ်များ

Siin Giala 36:28

Diizan a nɛnyaanan man ka Usu laanka Aran nɛ.

KZS2 28:19

Sonbore, Dɛnaa Lawa Zudaa gána yii puusə kɔ Izirayelin kii Ahaazi a lɛa. Ahaazi zaman lɛ zulu á da sii baraa zɛnaa ganaa, á n baa bɔlɔgoonbaãdɛnaa lɛa Dɛnaa Lawa nɛ.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Zeremii 49:12

Dɛnaa Lawa n kɛ pii: «Ka n too kɔ: Min mɛnɛn doamaa bɛ́ ǹ bie ǹ maa foo-yoo ǹ paan lɛ a mu mi wa, n dɔn nə́ mi. Edɔmu, nsɛ n die goɛ̃ dɔlɔ baã? Haayii! Kɛa foo-yoo ǹ paan lɛ, n tá re a mu mii, sàabaa ba la wa.

Zeremii 49:7

Edɔmu minin wɔ paǹ li. Dɛnaa Lawa Pàãyiidɛnaa n kɛ pii: «Sii-dɔ̃li ba Teman kiwi doo wa? Yiridɛnan kɛn yiri na á n si ǹ la? Ǹ sii-doɛ̃ lɛ na á nya?

Ezekieli 25:6

Masɛ Dɛnaa Lawa gole a da ǹ boo á ke: «Sii mɛn Izirayeli gána yɛ, ka n ká foo kɔɔ̃nbaa gole yɛ bɛ gɔ́ɔ̃ nɛ, ká n gɔn dɛ, ká bɛ̀ baa, ká ǹ puusə kɔ á la yii ni.

Ezekieli 25:8

Masɛ Dɛnaa Lawa gole a da ǹ boo á ke: Moabu minin laanka Seyiiri minin man pii: «Zudaa minin dɔn nə́ ke, ǹ nə́ n baa ka tɔrɔ kɔsɔn kɛn tumaa bɛ́ lɔn.»

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Abdiasi 1:1

Boon kɛn man Abdiasi a sii-yɛn lɛa Edɔmu minin wɔ paǹ li: Á min dɔ din dia woe pii gána kɔsɔ minin manɛ. Wɔ boo mɛn ma boe Dɛnaa Lawa li, bɛ n ka kɛ nɛ: «Ka yoo, wɔ n ta kiwi lɛ gialaa ka zia nɛ.»

Misee 1:11

Safiiri minin, ka wo ka ka tontoro ne, ka kaa sìi ni. Saanan minin dinin ba re soe doo wa. Bɛti-Esɛli minin dɔn bɛ́ ke wuu kɛ pii, n duduwii, kaa duru ǹ bǎã ba walan doo wa.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»