Busii pɛ 4:20 - LAWA A BOO SONBORE

²⁰ Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

LAWA A BOO SONBORE 2011

²⁰ Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Busii pɛ 4:20 ပူးပေါင်းရင်းမြစ်များ

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Siin Giala 44:30

Bɛ̀ ma dɔ maa díi li sisia, nɛginin kɛ ná a kun ka wɔ-n wa, a bɛ́ na á n baa a nyin lɛa,

Samayeli2 1:14

Davida tɔ́n pɛ nɛ: «Kɛ na á saa lɔn? Dɛnaa Lawa kii mɛn bɔ á koa, wàa na á baa, n nyɛ́ɛ baa bɛa dɛ-n wa?»

Samayeli2 1:21

Gilboa kelen lɛn, pele nyan kɔ ka la doo wa, la nyan kaa ka la doo wa. Wuru nyan yɛ walan doo, ǹ màn lɛ bibinaa bɔ a-n wa. A giala, walan lɛ nɛ, zia-baalin goóro *gɔ̀ baa. Sayulu a goóro ke, nyɔɔ goã n loe a ganaa wa,

Samayeli2 18:3

Sɛnɛ, zaman lɛ pɛ-n kɛnɛn: «Wɔ ba lɛ koe duduu, n soo n wo kun ka wɔsɛn nɛ wa. A giala, bɛ̀ ǹ nə́ baa da wɔ gòã li, min kɔn ba re n yiri koɛ wɔ li wa. Ta wɔa talɛɛ na á gã, min kɔn ba re n yiri koɛ wɔ li wa. Sɛnɛ, nsɛ bɛ́ wɔ miã duu fù boe, á soɛ nsɛ goã piɛ, n nə n toa kiwi lɛ nɛ, bɛ̀ n nə n dɔ wɔ lɛ.»

Samayeli2 19:21

A giala, ma á doɛ̃ máa ma sii baraa zɛnaa. Sɛnɛ, pelo, ma din nə ke má daa n da maa dɛnaagiĩ kii lɛ, gɔsɛ a lɛ̀gɔn la gána minin kɛn tumaa nyɛɛnɛ.»

KZS2 35:25

Lawa a boo gii-dali Zeremii gɛ̀ loe kiɛ̃ Zoziasi wɔ lɛa. A kũ bɛa waáraa kɛ ganaa a da kaa pelo lɛ, giĩ loe-lɔli laanka lɔ loe-lɔli tumaa n Zoziasi boo diɛ, bɛ̀ ǹ tá gɛ̀ loe loe. Bɛ na á landa baa Izirayeli gána nɛ. Ǹ boon tá gɛ̀ loen sɛ́wɔ nɛ.

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Zeremii 39:5

Sɛnɛ, Baabilonii sɔraasin nə́ ǹ kio loo, ǹ nə́ dɔ Sedekiasi ganaa Zerikoo nyankɔrɔ lɛ nɛ. Ǹ nə́ kũ, ǹ nə́ baa kòso nɛ lɛa, ǹ nə́ woo ne Ribla kiwi, Amaati gána nɛ, Baabiloniin kii Nebukadenezɔɔrɔ yɔrɔ-a. Nebukadenezɔɔrɔ kiri wɔ Sedekiasi ganaa walan.

Zeremii 52:8

Sɛnɛ, Baabilonii sɔraasin nə́ kii Sedekiasi kio loo, ǹ nə́ dɔ a ganaa Zerikoo a wuru bǎãn kɛn nɛ. A sɔraasin tumaa nə n na ǹ nə́ n bɔ a ganaa kəni.

Zeremii 52:9

Baabilonii sɔraasin nə́ baa kòso nɛ lɛa, ǹ nə́ woo ne Ribla kiwi Amaati gána nɛ Baabiloniin kii yɔrɔ-a. Á kiri wɔ Sedekiasi ganaa walan.

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ezekieli 12:13

Sɛnɛ, masɛ Lawa á re kan koɛ nɛ a kũ. Ma á re woe ne *Baabilonii, Kalde gána nɛ. Á re giɛ̃ walan, a yii ná a re gána lɛ yii wa.

Ezekieli 17:18

A liɛ mɛn wɔ, á n lɛ bɔ, a lɛ kɔ kɔn la lɛ ziziɛ̃. Á goã á n lɛ kɔ taãn-taãnɛ, sɛnɛ, a din na á wusoo á siin kɛn lɛn tumaa zɛnaa. Bɛ lɛ na á toa, a ba re n boe a-n wa.

Ezekieli 31:17

Tɔrɔn mɛnɛn lɛ nə goã giɛ̃ a wúlu li, ǹ nə́ n doe lɛ, bɛn lɛn dɔn man die woe kun ni geren piɛ, ǹ wo minin kɛn yaa ǹ nə́ ǹ dɛ zia la.

Ozee 13:10

N kii lɛa maa kəni? Asɛ mɛn doamaa nɛ a n kirisibaa n kiwin ni? N bɔ sii-n wolen lɛn man maa? N pɛ ǹ mɛnɛn lɛn manɛ, mà ǹ kii kɔ nsɛ la ka nyɛɛnaandɛnan nɛ.

Sii yɔrɔ-bɔlen 9:15

Daãn nyɛndɛnaa lɛ sɛ́ dan lɛn lɛ si: «Bɛ̀ ka tá li sonbore, ka masɛ bɔ ka masɛ koa kii lɛa ka mìi la, ka kiɛ̃ ka da giã maa wúlu li. Sɛnɛ, bɛ̀ ka zɛnaa miɛ̃ wa, tɛ á re soe daãn nyɛndɛnaa lɛ nɛ, á re Liban da sɔsɔrɔn kɛn kuĩ.»

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 12:5

Á pɛ ǹ nɛ doo: «Dɛnaa Lawa n kaa siére lɛa. Lawa kii mɛn bɔ, a dɔ n siére lɛa pelo kɛ lɛ nɛ, ka màn kɔn yɛ ma gɔn wa.» Ǹ ná a lɛ si: «A n miɛ̃ lɛn.»

Samayeli1 16:6

Ǹ bɛ́ ǹ nə́ dɔ, Samayeli Eliabu yɛ, á taasɛ mà Dɛnaa Lawa min mɛn bɔ, mà a din ni ke asɛ nyɛɛnɛ.

Samayeli1 24:10

Davida pɛ Sayulu ni: – Min mɛnɛn bɛ́ pii, mà á ke, mà Davida n giɛ li a sii baraa zɛnaa n nɛ, wàa na á baa, n tá n too koe ǹ lon?

Samayeli1 24:6

Sɛnɛ bɛ kio, Davida foo ná a din zɛ̀rɛ baa, a giala, a na á Sayulu a dɔnkɛ lɛkoro kuru.

Samayeli1 26:16

N sii mɛn zɛnaa ke, a bǐɛ̃ kɔ wa. Dɛnaa Lawa Yiikoonaa tɔ taman yii, kaa dɛnaagiĩ lɛ, Lawa bɔ á koa, ka bɛ́ ka a lɛduə̃ mɛnɛn ke wa, ka kɔnbɔ ka gɛ̀ nɛ. Kii lɛ a sɛmiɛ̃ laanka a mu tɔn mɛn goã a mìi li, ga sisia bɛn bɛ́ maa.»

Samayeli1 26:9

A din ba doe maa fɔ̃ gunyin paa ganaa wa.» Davida pɛ Abisayii ni: «N baran dɛ wa! Dɛnaa Lawa min mɛn bɔ á koa, die gɔn nə boe la a mɛn bɛ ganaa, ǹ dɛnaa goã kooro dɔlɔ bɔmaa baã?»