Busii pɛ 4:16 - LAWA A BOO SONBORE

¹⁶ Dɛnaa Lawa ba li a ǹ yɛ doo wa. A dinmaa na á ǹ loo paǹ tumaa li. Min kɔn Lawa a wúlu-bɔlen guguru kɔ doo wa. Ǹ ba min zizin diɛ sii li doo wa.

LAWA A BOO SONBORE 2011

¹⁶ Dɛnaa Lawa ba li a ǹ yɛ doo wa. A dinmaa na á ǹ loo paǹ tumaa li. Min kɔn Lawa a wúlu-bɔlen guguru kɔ doo wa. Ǹ ba min zizin diɛ sii li doo wa.

Busii pɛ 4:16 ပူးပေါင်းရင်းမြစ်များ

Siin Giala 49:7

Ǹ foo golebaa lɛ, ǹ tá re a koen goɛ. A giala, ǹ tá kakaarɛ á la yii ni. Ǹ sii zɛnaa a là diɛ kɛ lɛ, ǹ tá re a koen goɛ, a giala, mà makara ba ǹ lon wa. Ma á re ǹ tɔrɔn niniɛ, ma ǹ bɔ kɔn Izirayeli gána nɛ. Ma á re ǹ sasawɛɛ, ma ǹ bɔ kɔn gána lɛ gɔ́ɔ̃ nɛ.

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Loen 106:27

Á n liɛ dɔn, mà asɛ n die ǹ nɛnyaanan sasawɛɛ bǎã tumaa-n, gánan gɔ́ɔ̃ nɛ, a toa ǹ gã tɔrɔ kɔsɔn bii.

Loen 106:44

Ka bɛ yii ni, Dɛnaa Lawa ga ǹ nɔmaa ganaa, á ǹ lɛ dɛ ma.

Izayii 24:2

A din sii goon lɛ n die min tumaa yii: min mɛnɛn bɛ́ Lawa a wúlu-bɔlen lɛa, ka min mɛn bɛ́ min kooro lɛa, min mɛn bɛ́ maadigiĩ lɛa ka min mɛn bɛ́ bɛ̀rɛ lɛa, min mɛn bɛ́ maadigiĩ a lɔ lɛa ka min mɛn bɛ́ bɛ̀rɛ lɔ lɛa, min mɛn bɛ́ màn siɛ̃, ka a pii wole ne, min mɛn bɛ́ giɔ̀mɔ diɛ, ka min mɛn bɛ́ giɔ̀mɔ siɛ, min mɛn bɛ́ giɔ̀mɔ ná a bɔlɔ-a ka min mɛn bɛ́ a giɔ̀mɔ n kanaa.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 15:4

Bɛa biikoo li, kanaa a tɔrɔn tumaa á re bìn diɛ nyɛ́ɛ gɔn. Zudaan kii Ezekiasi a nɛgiĩ Manaasee sii baraan mɛnɛn zɛnaa Zeruzalɛmu, bɛn lɛn lɛa nɛ.»

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 52:24

Kii-lɛduə̃lin goledɛnaa lɛ wúlu-bɔlen goledɛnaa Seraya kũ, a kiodɛnaa Sefania nɛ ka Lawa a wúlu-bɔle sɔɔ nɛ Lawa a kion lɛ a kiɛnlɛ lɛduĩ.

Busii pɛ 2:20

E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

Busii pɛ 2:6

A ná a zìã lɛ yiɛ ka dù gɔrɔ bɛ́ lɔn. Dakɔnlɛ ǹ bǎã ke a din wɔ lɛa, á bɛ yu. Dɛnaa Lawa toa Siɔn kiwi yiri bɔ zɔ́n pinaa nɛ, ka *susu ǹ pii ni. A foo yoo baraa lɛ gɔ́ɔ̃ nɛ, á kiin laanka Lawa a wúlu-bɔlen yii puusə kɔ.

Busii pɛ 5:12

Ǹ dininmaan nə́ kiwi lɛ a nyɛɛnaandɛnan tɛnɛn bɔlɔ yu. Ǹ min golen guguru kɔ wa.

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 32:26

A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.

Ebrəə 8:9

Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.