Busii pɛ 3:40 - LAWA A BOO SONBORE

⁴⁰ Ka daa wɔ ga wɔa giã ǹ gɔn ganaa taãn nɛ, wɔ n bɔyaa wɔ da Dɛnaa Lawa li.

LAWA A BOO SONBORE 2011

⁴⁰ Ka daa wɔ ga wɔa giã ǹ gɔn ganaa taãn nɛ, wɔ n bɔyaa wɔ da Dɛnaa Lawa li.

Busii pɛ 3:40 ပူးပေါင်းရင်းမြစ်များ

KZS2 30:6

Dia dí-a wolen lɛn nə́ woo Izirayeli ka Zudaa gánan nɛ ka sɛ́wɔn lɛn nɛ kii gɔn nɔɔ n la ka zaman nyɛɛnaandɛnan wɔ nɛ. Ká kii pɛ ǹ nɛ lɔn, ǹ nə́ pɛ kɛnɛn: «Izirayeli minin lɛn, kasɛn mɛnɛn nə n si Asiiriin kii a pàã la, ka wusoo ka da Dɛnaa Lawa li, Abrahamu, Izaaki ka Zakɔba a Lawa ke, á re wusii a da ka li.

KZS2 30:9

Bɛ̀ ka wusoo ka daa Dɛnaa Lawa li, min mɛnɛn nə ka dɔɔ̃nɔn laanka kaa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ, ǹ makara á re boe ǹ ganaa, ǹ nə n gɔn bɔ ǹ ganaa, ǹ wusoo ǹ da gána kɛ nɛ. Dɛnaa Lawa n makaradɛnaa lɛa, a n foo basiɛ̃wole lɛa. Bɛ̀ ka wusoo ka daa a li, a ba re n yɔrɔ bɔyɛɛ a bɔ ka la wa.»

Loen 119:59

Má n taasɛ ka maa tɔ wɔ ǹ gɔn nɛ. Má wusoo má maa sii tele n gɔn waa ma-n boon kɛn li.

Loen 4:4

Ka dɔ̃ mà Dɛnaa Lawa na á ma bɔ, bɛ̀ ma tá a bíi we, a n ma lɛ sii.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Ezekieli 18:28

Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Korɛnti1 11:28

Didie tumaa golee a dinmaa li taãnɛ, a tɔn buuru kɛ sɔ̃ a màn mi paan kɛ nɛ.

Korɛnti1 11:31

Bɛ̀ wɔ́ n gɔ́ɔ̃ ti wɔ ga a ganaa, ǹ ba re kiri we wɔ ganaa wa.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Timəə dí-pɛn 4:30

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.