Busii pɛ 3:25 - LAWA A BOO SONBORE

²⁵ Min mɛn foo bɛ́ doa-n Dɛnaa Lawa ganaa, a n giɛ li ka a parsiini, a n bǐɛ̃ biɛ bɛ la.

LAWA A BOO SONBORE 2011

²⁵ Min mɛn foo bɛ́ doa-n Dɛnaa Lawa ganaa, a n giɛ li ka a parsiini, a n bǐɛ̃ biɛ bɛ la.

Busii pɛ 3:25 ပူးပေါင်းရင်းမြစ်များ

Siin Giala 49:18

E Dɛnaa, ma nə n yii diɛ, máa n din ma kirisibaa!

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 19:3

Sɛnɛ, a da yaa dɔn n sii sonbore zɛnaa. A giala, ń dì gɔnɔn kɛn tumaa papaã gána lɛ nɛ, ń ga Lawa li ka n foo tumaa nɛ.»

KZS2 30:19

min mɛn tumaa bɛ́ giɛ n li ka ǹ foo tumaa nɛ, ǹ sii baraa toa ǹ nɛ, nsɛ Dɛnaa Lawa wɔ digolon Lawa, haalɛ ta ǹ ba yoreen wa ka ǹ doamaa bɛ nɛ ǹ goã yoreen lɔn màn sonboren kɛn lɛa.»

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

Ɛsidrasi 8:22

A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»

Loen 105:3

Ka n din koa, ka Dɛnaa Lawa tɔ sonbore kɛ nɛ. Ka n nyɛnyɛɛ, kasɛn mɛnɛn bɛ́ giɛ Dɛnaa Lawa li.

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 25:8

Dɛnaa Lawa á siĩni, á pepere, bɛ lɛ n ke, á sã wolen diɛ zii la.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Loen 27:8

Dɛnaa Lawa, n boo mɛn da, mà: «Ka ga ma li», man taasiɛ we bɛa boo lɛ ganaa. Dɛnaa Lawa, man giɛ n din li.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Loen 39:7

Sonbore, minbuiin nɛ nə n binbirin boe, a n ka wúlu ni, a beleboe wa. Sonbore a nə n din didii, sɛnɛ kooro ne. A n gɔn màn soekɔn, sɛnɛ, a bɛ́ re min mɛn wɔ biɛ, a bɛ doɛ̃ wa.

Loen 61:1

LOE-saalin goledɛnaa a loe goon ne. A nə n loe ka da loe li ǹ màn biɛdɛnaa nɛ. Davida a loe ne.

Loen 61:5

Á kɔɔ̃n ma ganaa, ma goã n kion yǎa duduu, ma duru ǹ bǎã yɛ n nyàa kan giulun.

Loen 69:32

Bɛ din nə kɔɔ̃n Dɛnaa Lawa ganaa, á la dii ni, á la dii gɔ̀lɔ̀ gole ne.

Loen 71:14

Masɛ wɔ paǹ li, ma foo n tɔn doa nɛ. Man die n tɔ dɔ boe miɛ̃, ma wo-n nyɛɛnɛ.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 26:9

Tèlò-n, man giɛ n li ka ma foo tumaa nɛ. Hiĩ, man giɛ n li ka ma parsii taãn nɛ. Bɛ̀ n tá dɔlɔ boe tán ganaa biikoo mɛn li, kanaa minin manə n darɛɛ peperebaa ganaa.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 40:31

Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Izayii 64:4

Min mɛnɛn bɛ́ koe peperebaa lɛ ka foo kɔɔ̃nbaa nɛ, ǹ nə́ n yiri koɛ li ǹ tá koe n ziin kɛn lɛ, maǹ die n diɛ bɛn lɛ. Bɛ̀ n foo yoo, wɔa siɛ̃n lɛa nɛ. Sɛnɛ, bɛ̀ wɔ kɔ lɛlɛ ǹ ziin kɛn lɛ, wɔ á re kirisibiɛ.

Busii pɛ 3:26

N yii da Dɛnaa Lawa a bɔ sii-n la, kiĩn ni, sii sonbore ne.

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Zaaki 5:7

Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.