Busii pɛ 3:17 - LAWA A BOO SONBORE

¹⁷ Á yii-nyɛɛ si ma la. Ma yiri bɔ ka là nyantoro ne.

LAWA A BOO SONBORE 2011

¹⁷ Á yii-nyɛɛ si ma la. Ma yiri bɔ ka là nyantoro ne.

Busii pɛ 3:17 ပူးပေါင်းရင်းမြစ်များ

Siin Giala 41:30

Bɛ kio, bòo gole á die we lɛ̀ sɔbaa gɔ́ɔ̃ nɛ. Màn gigiã mɛn tumaa yɛ lɛlɛ, minin yiri á re boe, ka bɛ din tumaa-n Ezipti gána nɛ. Bòo lɛ á re gána lɛ nɔmiɛ̃.

Zɔbu 7:7

Dɛnaa, n yiri koa li n dɔ̃ mà maa yiikoonaabaa lɛ n ka piɛ̃ kooro bɛ́ lɔn. Masɛ bie re yii-nyɛɛ yii doo wa.

Loen 119:155

Kirisibaa wɔlɔ á lui-n min baraan kɛn ganaa. A giala, ǹ ba giɛ n foo sii li, ǹ nə́ koe lɛ wa.

Izayii 38:17

Á ke, maa foo-ziziɛ̃ gole nə́ n bɔyaa á là nyantoro baa. Hiĩ, n maa yiikoonaabaa narɛɛ á la yii ni yǎa n ma kanbaa gɛ̀ ganaa, n maa sii baraan tumaa zũ n kio sɔsɔɔ.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 59:11

Wɔ tumaa n lɛ biɛ ka don màn babaraa bɛ́ lɔn. Wɔ n gini ka zɛrɛkatoãnən bɛ́ lɔn. Wɔ nə n yii diɛ sonborebaa la, sɛnɛ, màn kɔn. Wɔ nə n yii diɛ kirisibaa la sɛnɛ, a nə n wɔlɔ lui wɔ ganaa.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 16:5

Dɛnaa Lawa wusoo á boo da ma-n doo á pɛ: «Minin bɛ́ ń soekɔn gɛ̀ koɛ kion mɛn nɛ, n nyan wɔ bɛ-n wa. N nyan gɛ̀ wuu pɛ wa. N nyan gɛ̀ fòo da wa. A giala, má maa là nyantoro laanka maa kɔn-narɛɛ ka maa makara doɛ̃ lɛ si maa zaman la. Masɛ Dɛnaa Lawa a da ǹ boo ne.

Zeremii 8:15

Wɔ nə n yii diɛ là nyantoro la, sɛnɛ, sii sonbore kɔn ba n zɛnɛɛ wa. Wɔ nə n yii diɛ busu á nya la, sɛnɛ, nyɛ́ɛ n die.

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Zakarii 8:10

Lɛlɛ, saraa goã minbuiin nɛn dí-n wa. Là goã tɔɔn dí dɔ-n wa. Zɔ́ɔn taman yii, yii-nyɛɛ goã zii tɔ wɔ-n wa. A giala, man má minbuiin nɛ tumaa yii soo kɔn-a.