Busii pɛ 3:11 - LAWA A BOO SONBORE

¹¹ Á ma baã á ma bɔ maa zii la. Á ma tɔtoɛ̃, á ma ziziɛ̃.

LAWA A BOO SONBORE 2011

¹¹ Á ma baã á ma bɔ maa zii la. Á ma tɔtoɛ̃, á ma ziziɛ̃.

Busii pɛ 3:11 ပူးပေါင်းရင်းမြစ်များ

Zɔbu 16:7

Sɛnɛ kanna, Lawa bɛ́ á ma pàã tumaa nya. A ke, á maa kion tumaa ziziɛ̃.

Loen 143:4

Ma gù yii gã ma din-a, ma a boe sii kɔn din la doo wa.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Zeremii 15:3

Dɛnaa Lawa a da ǹ boo á ke: «Man die yui ǹ gialaa ka yɔrɔ sii ni: Gɔya sà gɛ̀ nɛ, ginin tá re ǹ giɛrɛɛ ǹ wo ǹ ne sɔsɔɔ, zèwon tá re ǹ mui tolokan nə ǹ sɔ̃ ǹ nə ǹ bɔ tán.

Zeremii 19:8

Man die Zeruzalɛmu biɛ nyɛ́ɛ da ǹ kiwi lɛa, yaa da ǹ màn lɛa. A ziziɛ̃ a la yii-n kɛ á die tɔwaa biɛ kiɛ̃ wolen tumaa ganaa.

Zeremii 32:43

Ka ǹ pii: Gána kɛ na á n wɔ Baabilonii minin gɔn. Kanna, a n diə gole lɛa, minbuiin nɛ ka tɔɔ goon din ba a-n wa. A da yaa, bɛa gána lɛ nɛ, ǹ tá re wusii ǹ wurun pii a nɛ.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Busii pɛ 1:13

Á n toa lon á tɛ dia, á ma kũ yǎa ma wen ganaa. Á kan kɔ ma gòãn li, á ma làfu kɔ tán. Á ma da ma gɔrɔn, man busu koe lɛawaa yii li.

Busii pɛ 3:10

Dɛnaa Lawa lɛ n gòon màn gole lɛa masɛ ganaa, zoɛ̃ li mà a parɛ. A n ka yàra bɛ́ lɔn durii-n tewon ne.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Matiə 23:38

Haya, ka á re soe, ka kaa Lawa a kion kɛ toa walan ka lenlen, a ziziɛ̃ ka lon.

Sii-nyaan 18:19

Maǹ nə́ goã gusuũ goɛ kiɛ ǹ mìi ni, ǹ nə́ wuu pii, ǹ nə́ n duwii, ǹ nə́ n lɛ dii: «Bɔ̀n woo bɔ̀n! Asɛ-n bɔ̀n gole kiwi gole lɛ yɛ! A din a pàãmabaa na á yìsi mu la ǹ dí-nyali tumaa baa pàãma lɛa. Sɛnɛ, a màn lɛ tumaa á ke á papaã biikoo goon toto dinsɔɔ̃ gɔ́ɔ̃ nɛ.»