Busii pɛ 2:7 - LAWA A BOO SONBORE

⁷ Dɛnaa Lawa nə n piã ka a *wúlu bɔ ǹ bǎã nɛ. Á n la bɔ a bǎã sonbore kɛ ganaa. Á ǹ kion sonboren wɔ ǹ zɔ́ɔn gɔn, Ǹ zɔ́ɔn lɛn manə n lɛ dii Lawa a kion, ka zɔ́n pinaa bɛ́ lɔn.

LAWA A BOO SONBORE 2011

⁷ Dɛnaa Lawa nə n piã ka a *wúlu bɔ ǹ bǎã nɛ. Á n la bɔ a bǎã sonbore kɛ ganaa. Á ǹ kion sonboren wɔ ǹ zɔ́ɔn gɔn, Ǹ zɔ́ɔn lɛn manə n lɛ dii Lawa a kion, ka zɔ́n pinaa bɛ́ lɔn.

Busii pɛ 2:7 ပူးပေါင်းရင်းမြစ်များ

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Loen 89:39

Sɛnɛ, n din kii mɛn bɔ, ń koa, táa n din foo na á yoo bɛ lɛ li kanna, ń daa, ń tii.

Izayii 64:9

Minin ba n kiwi sonboren kɛn nɛ wa. *Siɔn nə diə gole baa, Zeruzalɛmu kɛbɔlɔ baa.

Zeremii 21:4

Dɛnaa Lawa, Izirayeli a Lawa n pii kɛnɛn: «Á ke, ziabaa ǹ mànan mɛnɛn bɛ́ ka gɔn ka n zia biɛ ǹ nɛ kaa zɔ́ɔ Baabiloniin kii laanka a sɔraasin ganaa, man die boe ǹ ne ziabaa ǹ kungɔn lɛ kio, ma da ǹ nɛ kiwi lɛ gɔ́ɔ̃ nɛ.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 39:8

Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.

Zeremii 4:26

Man giɛ, á ke, gána sonbore lɛ diə gole baa. Ǹ ná a kiwin tumaa ziziɛ̃. Dɛnaa Lawa a lɛa nɛ, ka a foo-yoo baraa kɛ nɛ.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Busii pɛ 2:1

Ebe! Dɛnaa Lawa a foo-busii kɛ taman yii, á *Siɔn da wɔlɔ tì li. A foo bɛ́ á yoo Siɔn li, á n toa lon sɔsɔɔ, á Izirayeli a gugurubaa kɛ zũ tán. A foo-yoo taman yii, a yiri bɔ a kion kɛ din ni, a doamaa bɛ nɛ a giã ǹ mɛn lɛ nɛ.

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Ezekieli 7:24

Tɔrɔ mɛnɛn bɛ́ babaraa, man die die ka bɛn nɛ, ǹ tá re minin kionən sii ǹ la. Ma á re min kakan kɛn din gole kɔ nyɛɛ, ǹ wúlu bɔ ǹ bǎãn kɛn, ǹ tá re gɔ̀ diɛ bɛn ganaa.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Lawa a wúlu-bɔlen 26:44

Haalɛ bɛ tumaa kio, ǹ bɛ́ re goɛ̃ ǹ zɔ́ɔn lɛn gána nɛ ǹ mɛn waáraa ke, ma a re n piɛ̃ ǹ nɛ wa, ma a re ǹ tii wa. Ma a re bɛ zɛnɛɛ ma ǹ dɛ ma ǹ nya wa, ma ba re maa lɛ kɔ kɔn la kɛ toɛ̃ ma bɔ kɔn-a ǹ nɛ wa. A giala, masɛ din Dɛnaa Lawa nə ǹ Lawa lɛa.

Amɔɔsi 2:5

Ma á re tɛ diɛ Zudaa gána kɛ ganaa, tɛ á re Zeruzalɛmu a duru ǹ bǎã kakan kɛn kuĩ.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Matiə 24:2

Yezu tɔ́n pɛ ǹ nɛ: «Ka yii tá kɛ din tumaa a siĩnbaa ganaa? Man sonbore pii ka nɛ: Kɔlɔ kɔ́n ba re goɛ̃ ǹ miã lalan kànaa wa. A din tumaa á re kiɛ.»