Busii pɛ 2:5 - LAWA A BOO SONBORE

⁵ Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

LAWA A BOO SONBORE 2011

⁵ Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Busii pɛ 2:5 ပူးပေါင်းရင်းမြစ်များ

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

Zɔbu 13:24

Wàa na á baa n tá n yɔrɔ bɔyɛɛ boe ma la, n nə́ ma kuĩ n zɔ́ɔ lɛa?

Zɔbu 19:11

A foo n yoo-n ma li, á ma baa a zɔ́ɔ kɔn lɛa.

Loen 89:40

N din lɛ kɔ kɔn la mɛn wɔ ka n bɛ̀rɛgiĩ ni, ń nə́ n piã ka bɛa lɛ kɔ kɔn la lɛ nɛ, ń ná a kii bafolo zũ tán, ń baa màn kooro lɛa.

Loen 89:41

Ń ná a lɛduə̃ ǹ kungɔnun tumaa yiɛ, ń nə́ ǹ kaa a nɛ, ń ná a bǎã kakan tumaa baa kɛbɔlɔn lɛa.

Izayii 29:2

Sɛnɛ, man die n ziziɛ̃ Zeruzalɛmu. N tá re gungunun sii, n yii mu pã a kaa, sɛnɛ ma n die goɛ̃ masɛ wɔ lɛa.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 21:4

Dɛnaa Lawa, Izirayeli a Lawa n pii kɛnɛn: «Á ke, ziabaa ǹ mànan mɛnɛn bɛ́ ka gɔn ka n zia biɛ ǹ nɛ kaa zɔ́ɔ Baabiloniin kii laanka a sɔraasin ganaa, man die boe ǹ ne ziabaa ǹ kungɔn lɛ kio, ma da ǹ nɛ kiwi lɛ gɔ́ɔ̃ nɛ.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 2:4

A ná a sa dii ka zɔ́ɔ bɛ́ lɔn, a gusin nə kiɛ la, zoɛ̃ mà a n gɔn bɔ a ganaa. Minin mɛnɛn tumaa bɛ́ kɔɔ̃n wɔ ganaa, á bɛn tumaa dɛ. A ná a foo-yoo kɛ zuzuu ka tɛ bɛ́ lɔn Lawa a kion kɛ la.

Ezekieli 2:10

Á bɛa sɛ́wɔ lɛ lɛ bũ ma yɔrɔ-a. Màn na á goã kiɛ̃ nɛ a yɔrɔ laanka a dɔ̀ɔ̃ la. Màn mɛn goã kiɛ̃-n sɛ́wɔ lɛ nɛ, gɛ̀ loen manɛ, yɔrɔ-kɔsɛ ǹ siin ni, ka lɛ-dɛ ǹ siin ni.

Samayeli1 28:16

Samayeli tɔ́n pɛ nɛ: «Sɛnɛ, wàa na á baa n tá nɔ̀n diɛ masɛ la n din dɔn doɛ̃ mà Dɛnaa Lawa nə́ n bɔ n li, á n baa a zɔ́ɔ lɛa.