Busii pɛ 2:4 - LAWA A BOO SONBORE

⁴ A ná a sa dii ka zɔ́ɔ bɛ́ lɔn, a gusin nə kiɛ la, zoɛ̃ mà a n gɔn bɔ a ganaa. Minin mɛnɛn tumaa bɛ́ kɔɔ̃n wɔ ganaa, á bɛn tumaa dɛ. A ná a foo-yoo kɛ zuzuu ka tɛ bɛ́ lɔn Lawa a kion kɛ la.

LAWA A BOO SONBORE 2011

⁴ A ná a sa dii ka zɔ́ɔ bɛ́ lɔn, a gusin nə kiɛ la, zoɛ̃ mà a n gɔn bɔ a ganaa. Minin mɛnɛn tumaa bɛ́ kɔɔ̃n wɔ ganaa, á bɛn tumaa dɛ. A ná a foo-yoo kɛ zuzuu ka tɛ bɛ́ lɔn Lawa a kion kɛ la.

Busii pɛ 2:4 ပူးပေါင်းရင်းမြစ်များ

KZS2 34:21

«Ka wo nɔ̀n da Dɛnaa Lawa la maa lɛa, kɔnlɛ ka Izirayeli laanka Zudaa a zaman gialakun kɛ nɛ. Ka nɔ̀n da ka sɛ́wɔ kɛa boon ne wɔ́ yɛ sisia. Taãn nɛ, wɔ digolon nə kɔ a boon lɛ wa. Boo mɛn bɛ́ kiɛ̃ nɛ sɛ́wɔ kɛ nɛ, ǹ kɔ bɛ lɛ wa. Bɛ lɛ nɛ, Dɛnaa Lawa foo doamaa nɛ a n yui wɔ li taãn-taãnɛ.»

KZS2 34:25

Zeruzalɛmu minin nə́ n la bɔ ma ganaa. Ǹ nə́ da yon gìĩ kɔɔ̃n kɔ dìn la. Ǹ zɛnaa ǹ sii tumaa ma foo yoo. Bɛ lɛ nɛ, bɛa foo yoo baraa kɛ á kiɛ Zeruzalɛmu la, a ná a ba n lɛ kuĩ wa.

Zɔbu 19:11

A foo n yoo-n ma li, á ma baa a zɔ́ɔ kɔn lɛa.

Zɔbu 6:4

A giala, Pàãyiidɛnaa a kiɛn nə́ ma fɔ̃, ma gɔ̀nɔn nə́ ǹ sèwò mi. Lawa a nyɛ́ɛ da ǹ siin man kiɛ kɔn kio, ǹ nə́ die ma gialaa.

Loen 37:14

Min baraan lɛn nə́ ǹ gɔya sa woɛ̃, ǹ nə́ ǹ sa dii, ǹ nə́ zoɛ̃ mà ǹ pàãwɛɛnaa laanka doobaa dɛ, ǹ nə́ zoɛ̃ mà ǹ tɔ pepere wɔle bɔlɔ kuru.

Loen 7:13

Bɛ̀ min baraa wusoo a sii kio wa, Lawa na a sɛmiɛ̃ lɛ loe, a na a sa dii, a n yii da la.

Izayii 42:25

Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Zeremii 10:20

Sɛnɛ, maa mɔnaa kion lɛ ziziɛ̃. A biɛn tumaa nana. Maa nɛnyaanan nə woo ǹ nə́ ma toa walan. Min kɔn banban a maa kion lɛ dɔ wa, a maa giã ǹ bǎã kɛ zɛnaa wa.»

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 21:5

Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Busii pɛ 1:13

Á n toa lon á tɛ dia, á ma kũ yǎa ma wen ganaa. Á kan kɔ ma gòãn li, á ma làfu kɔ tán. Á ma da ma gɔrɔn, man busu koe lɛawaa yii li.

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Busii pɛ 3:3

A n masɛ didii, lɛawaa tumaa li.

Busii pɛ 4:1

Wui! Sana lɛ a tɛ pii doo wa. Sana sonbore lɛ tɛ pɛ lɛ da. Lawa a kion a kɔlɔn kɛn, a n siɛ lɔn bɛn tá pɛsiɛ̃-n bǎã tumaa nɛ zii gialaa.

Busii pɛ 4:11

Dɛnaa Lawa foo yoo á la yii ni, ǹ miã din da yɛ. A na á n yii taã Siɔn kiwi li. Á tɛ da a ganaa, á kiwi lɛ kũ, yǎa a gòã daa ganaa.

Ezekieli 13:13

Bɛ lɛ na á toa masɛ Dɛnaa Lawa á kɛ pii: «Maa foo-yoo lɛ gɔ́ɔ̃ nɛ, ma á re piɛ̃ gole diɛ bɔ ganaa, ma la gole da kaa ganaa. Maa foo busii lɛ gɔ́ɔ̃ nɛ, la a gii mɛn nə ke wɔlɔ yui, ma á re bɛ kiɛ ǹ la.

Ezekieli 20:34

Ma goã má ka pɛsɛ̃ gánan mɛnɛn nɛ, tɔrɔn mɛnɛn bii, ma á re maa foo-yoo kɛ nyɛɛ ka nɛ, ma tɔn ka waa bɛn bii ka pàã laanka boo sii la nɛ, ma ka sɔkɔn.

Ezekieli 22:22

Wɔrɔ bɛ́ yoe a yo ǹ kùsì-n lɔn, ka dɔn tá re yoe Zeruzalɛmu kiwi lɛ gɔ́ɔ̃-n miɛ̃. Ka á re doɛ̃ ka bɛ lɛ-n kəni mà ma din nə Dɛnaa Lawa lɛa, maa foo-yoo lɛ a dɔlɔ boe ka ganaa.»

Ezekieli 24:25

Minbuiin a nɛ, n too kɔ: «Màn mɛn lɛ bɛ́ ǹ pàã lɛa, màn mɛn lɛ sii bɛ́ kɔɔ̃nɛ ǹ ganaa, ǹ bɛ́ nyaǹ boe màn mɛn lɛ la, ǹ bɛ́ n parɛɛ bǎã mɛn lɛ ganaa ǹ foo n doa nɛ a ganaa, ǹ kɔn pinaa, ma á re bɛ kuĩ ma si ǹ la, kun ka ǹ nɛgiĩn laanka ǹ nɛlɔn nɛ.

Ezekieli 36:18

Ǹ mà mɛn kaa gána lɛ nɛ, ǹ gána lɛ gɔgɔrɛ kɔ ka dìn mɛnɛn nɛ, bɛ lɛ na á toa masɛ foo yoo ǹ li.

Ezekieli 5:13

Ma foo mɛn yoo ke, yǎa ma a nyɛɛ ǹ bǎã yii. Man die n foo nyɛɛ ka dinin lɛn la, ma maa gɛ̀ dòo bɔ ka ganaa. Ka á re doɛ̃ ka bɛ-n kəni mà ma din Dɛnaa Lawa n má boo da ka nɛ, a giala ma foo na á goã yoo-n ka li kaa lɛ-tii kɛ lɛ a lɛa.

Ezekieli 6:12

Ǹ mɛnɛn wɔlɔ bɛ́ sɔsɔɔ, piɛ̃ busu á re bɛn dii. Ǹ mɛnɛn wɔlɔ bɛ́ kunun, bɛn tá re giɛ̃ zia la. Ǹ nə n mɛnɛn kũ ǹ yii n koo, bòo á re bɛn dii. Man die bɛ lɛ zɛnɛɛ ǹ nɛ yǎa ma foo nyɛɛ.

Ezekieli 7:14

Bɛn tá re n pii, mà ka n yɔrɔ bɔ, sɛnɛ, min kɔn ba a re yii a wo zia la wa. A giala, ma foo n yoo-n gána lɛ a minin tumaa li.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Timəə dí-pɛn 32:22

Maa foo a yoo lɛ gɔ́ɔ̃ nɛ, tɛ na á soo. Bɛa tɛ lɛ kũ yǎa geren piɛ, á màn tumaa kũ tán la, á kelen giala wɔ ǹ bǎãn kukũ.

Samayeli1 28:16

Samayeli tɔ́n pɛ nɛ: «Sɛnɛ, wàa na á baa n tá nɔ̀n diɛ masɛ la n din dɔn doɛ̃ mà Dɛnaa Lawa nə́ n bɔ n li, á n baa a zɔ́ɔ lɛa.