Busii pɛ 2:20 - LAWA A BOO SONBORE

²⁰ E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

LAWA A BOO SONBORE 2011

²⁰ E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

Busii pɛ 2:20 ပူးပေါင်းရင်းမြစ်များ

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Loen 78:64

Ǹ Lawa a wúlu-bɔlen nə́ gɛ̀ kakaarɛ wɔ, ǹ lɔ giɔɔrɔn nə ǹ gɛ̀ wuu pɛ wa.

Bɔ bɛ̀rɛbaa nɛ 32:11

Sɛnɛ, Muizu Dɛnaa Lawa nyankɔ, mà a n foo basã. Á pɛ nɛ: – Dɛnaa, wàa na á baa, n foo-yoo gɔ́ɔ̃ nɛ, n nə yui n din a zaman kɛ gialaa, n din bɛ́ ń zaman mɛn bɔ Ezipti gána nɛ, ń soo ne ka n din pàã gole kɛ nɛ?

Izayii 22:2

Zeruzalɛmu, a n siɛ lɔn bìn diɛ á boe kiwi lɛ-n kɛnɛn, mànan wuu n boe, kiwi lɛ n zɔ́n la? Zia nə n geren lɛn bii wa, ǹ bie ǹ nə́ ǹ dɛ ziabaa ǹ bǎã-n wa.

Zeremii 19:9

Zɔ́ɔn mɛnɛn bɛ́ zoɛ̃ ǹ gɛ̀ li, bɛn tá re kiwi lɛ lɛnpɛnɛ, ǹ yoo ǹ gialaa. Nɔmaa baraa taman yii, ǹ tá re ǹ nɛgiĩn laanka ǹ nɛlɔn siĩ soɛ̃, ǹ dinin dɔn nə kɔn siĩ sɔ̃.

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 4:10

Maa zaman lɛ a koe biikoo li, náa sonboren dinin nə́ ǹ nɛnyaanan kɔrɛ, ǹ nə́ sɔ̃ màn-bii lɛa.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Busii pɛ 4:16

Dɛnaa Lawa ba li a ǹ yɛ doo wa. A dinmaa na á ǹ loo paǹ tumaa li. Min kɔn Lawa a wúlu-bɔlen guguru kɔ doo wa. Ǹ ba min zizin diɛ sii li doo wa.

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Ezekieli 9:7

Dɛnaa Lawa tɔ́n pɛ ǹ nɛ: «Ka *gɔ̀ da maa kion lɛ ganaa. Ka soo ka wo minbuiin lɛ dɛ, ka a sumu gɔ́ɔ̃ pã nɛ.» Ǹ nə́ soo ǹ nə́ woo minbuiin lɛ dɛ kiwi lɛ gɔ́ɔ̃ nɛ.

Lawa a wúlu-bɔlen 26:29

Bòo lɛ taman yii, ka á re ka yɛ ǹ nɛnyaanan soɛ̃.

Timəə dí-pɛn 9:26

Má gòã-kũ da Dɛnaa Lawa ganaa, má pɛ kɛnɛn: «Dɛnaa Lawa, n baran n minin lɛn dɛ wa! Tɔrɔn kɛn lɛn manə n din wɔn lɛa, ń nə́ ǹ si ka n din a boo sii la nɛ, ń nə́ ǹ waa ka pàã nɛ Ezipti ń soo ǹ ne.