Busii pɛ 2:2 - LAWA A BOO SONBORE

² Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

LAWA A BOO SONBORE 2011

² Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 2:2 ပူးပေါင်းရင်းမြစ်များ

Zɔbu 2:3

Dɛnaa Lawa tɔ́n pɛ nɛ: «Táa ń masɛ a dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ. A ke, a tɔn sii kɔn la wa, n dɔ á ke ma diɛ a dɛ ganaa kooro.»

Loen 21:9

Kii, n gɔn tá re doe n zɔ́ɔn kɛn tumaa ganaa, n gɔn tá re doe n baa zɔ́ɔbaa wolen kɛn ganaa.

Loen 74:7

Ǹ nə́ tɛ da n din a Kion sonbore kɛ ganaa. Ǹ nə́ n din a giã ǹ bǎã kɛ dɛ, ǹ nə́ kaa, ǹ nə́ *gɔ̀ lɔ a ganaa.

Izayii 22:5

A giala, pelo, Dɛnaa Lawa Pàãyiidɛnaa na á koe dia wɔ la, bɔ̀n nɛ, ka yiri lɔlɔkɔn nɛ.» "Sii-nyaa ǹ nyankɔrɔ basa nɛ", kungɔn gole mɛnaa, gú diɛ lɛ n boe woe kelen la.

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 25:12

Moabu, n kungɔn kakan kɛn n tamaɛ taãn-taãnɛ, Dɛnaa Lawa nə ǹ wuru, á ǹ nyɛɛnaa á ǹ kaa.

Izayii 26:5

Min mɛnɛn bɛ́ giã-n kele mìin ni a n bɛn boe ǹ kiɛ. Kiwi mɛn bɛ́ tamaa nɛ, a n bɛ ziziɛ̃. An noɛ̃ á zũ tán furu-n, a zũ gusuũ li.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 43:28

Bɛ lɛ nɛ, má bǎã sonbore kɛa kiãn nɔɔ má ǹ kaa, má Zakɔba tɔrɔ lɛ wɔ a ziziɛ̃ wolen gɔn, má Izirayeli toa a sɔ kaa ma la wolen gɔn.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 13:14

Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 5:10

Ka dii kungɔn la ka *rezɛ̃ da kɛ ziziɛ̃. Sɛnɛ, ka nyan ziziɛ̃ lenlen wa. Ka a gùrùn kukuru, ǹ bie masɛ wɔn lɛa wa.

Busii pɛ 2:17

Dɛnaa Lawa golee sii mɛn li, a na á bɛ zɛnaa. A boo mɛn da a biikoo ná a kànaa wa, a na á toa bɛ yɔrɔ yɛ. Á basaã kɔ, a makara bɔ wa. Á n zɔ́ɔn foo kɔɔ̃n kɔ, ka n bɔ̀n da ma-a kɛ nɛ. Á màn da ǹ pàã li.

Busii pɛ 2:21

Nɛnyaanan laanka min zizin tá nyɔmaa-n tán zii mìi ni. Ǹ nə́ maa nɛ tenən laanka maa nɛlɔn dɛ ka gɔya sa nɛ. N foo yoo baraa kɛa pinaa, ma n nə́ ǹ dɛ, n nə́ ǹ nyin bɔ, ǹ makara ná a bɔ n ganaa wa.

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Busii pɛ 3:43

N foo-yoo taman yii n wɔ kio loo, n wɔ dɛ, n makara bɔ wɔ ganaa wa.

Ezekieli 5:11

Dɛnaa Lawa a da ǹ boo á ke: Ma tɔ taman yii, ka bɛ́ ka *gɔ̀ da maa kion sonbore kɛ ganaa kaa sii babaraan kɛn tumaa laanka kaa sii bɔbɔnɛɛn kɛn tumaa nɛ, man die ka dii lenlen, ka ǹ bɛ́ min mìi koɛ̃ lenlen lɔn. Ma a re makara boe ka ganaa wa, ma a re ka toɛ walan wa.

Ezekieli 7:4

Ka makara a die ma kuĩ, ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Kaa sii bɔbɔnɛɛn kɛn lɛn dɔlɔ á re kuĩ ka dinin mìi ni. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.»

Ezekieli 7:9

Ka makara a die ma kuĩ ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Sii bɔbɔnɛɛn kɛn lɛn dɔlɔ á re kuĩ ka dinin mìi ni, kaa á re doɛ̃ ka bɛ lɛ-n kəni, mà masɛ Dɛnaa Lawa din nə dɔlɔ boe.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Misee 5:14

Tɔrɔn mɛnɛn bɛ́ ǹ maa boo si wa, ma foo á die yui bɛn li parsiini, ma á die dɔlɔ boe ǹ ganaa.»

Malakii 1:4

Bɛa minin kɛn lɛn tá re pii: Ǹ nə́ wɔ yɔyɔrɛ, sɛnɛ, wɔ n die wusii wɔ wɔa kiwi soen lɛn dɔ. Masɛ Dɛnaa Lawa Pàãyiidɛnaa, man kɛ pii: Ka wusoo ka dɔ, man die kaa dí lɛ ziziɛ̃. Ǹ tá re tɔ kɛ koe a ganaa: «Gána mɛn bɛ́ sii baraa na á nɛ» ká «zaman mɛn bɛ́ Dɛnaa Lawa foo n yoo-n li biikoo yii li».

Matiə 18:33

Nsɛ a boe la n makara bɔ ǹ miã lɛ ganaa, ka masɛ bɛ́ ma makara bɔ n dɔ ganaa lɔn wa?»

Korɛnti2 10:4

Haayii, wɔsɛn ziabaa ǹ mànan bie kanaa a minbuiinin wɔn lɛa wa, sɛnɛ, ǹ pàã n boe Lawa li, ǹ nə́ Lawa a zɔ́ɔn sii ziziɛ̃. Min mɛnɛn bɛ́ taasiɛ gole we ǹ dinin ganaa, maǹ bɛn taasiɛ ziziɛ̃.

Timəə dí-pɛn 28:52

Ǹ tá re die ka lɛnpɛnɛ kaa kiwin lɛn tumaa nɛ. Kaa kungun sasa dadaran kɛn kaa kiwin lɛn lɛnpɛnɛ, ka foo bɛ́ doa nɛ ǹ mɛnɛn lɛn ganaa, yǎa bɛn nə kiɛ kaa gána lɛ nɛ. Kaa Lawa, Dɛnaa Lawa gána mɛn lɛ kɔ ka la, ǹ tá re die koe kaa gána lɛ tumu lɛ, ǹ kaa kiwin kɛn tumaa lɛnpɛnɛ.

Timəə dí-pɛn 32:22

Maa foo a yoo lɛ gɔ́ɔ̃ nɛ, tɛ na á soo. Bɛa tɛ lɛ kũ yǎa geren piɛ, á màn tumaa kũ tán la, á kelen giala wɔ ǹ bǎãn kukũ.