Busii pɛ 2:19 - LAWA A BOO SONBORE

¹⁹ Yoo, n nə n lɛ dɛ tèlò-n, kɔn gɔn lɛsi ǹ biikoo tumaa li. Ń gɔ́ɔ̃ toɛ̃ Dɛnaa Lawa yɔrɔ-a, ka mu bɛ́ baa sii lɔn. Ń nɛnyaanan kɛn giɛ̃ bòo gɔn ziin bɔ kɔn-a ǹ bǎã nɛ, n gɔnɔn dia lon Lawa la bɛn lɛa.

LAWA A BOO SONBORE 2011

¹⁹ Yoo, n nə n lɛ dɛ tèlò-n, kɔn gɔn lɛsi ǹ biikoo tumaa li. Ń gɔ́ɔ̃ toɛ̃ Dɛnaa Lawa yɔrɔ-a, ka mu bɛ́ baa sii lɔn. Ń nɛnyaanan kɛn giɛ̃ bòo gɔn ziin bɔ kɔn-a ǹ bǎã nɛ, n gɔnɔn dia lon Lawa la bɛn lɛa.

Busii pɛ 2:19 ပူးပေါင်းရင်းမြစ်များ

Zɔbu 3:24

A giala, ginii maa màn-bii baa, maa lɛ-baa ba nyɛɛ wa, ka mu n baa sii tán.

Loen 119:55

Tèlò-n, ma nə n yiri koe ka n din tɔ kɛ-n, Dɛnaa Lawa. Ma nə n landa boon kɛn tamaɛ.

Loen 134:2

Ka n gɔnɔn dia bǎã sonbore kɛ la, ka barka da Dɛnaa Lawa nɛ.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 142:2

Ma nə n lɛ dii kɔsɛkɔsɛ, man lɛ diɛ Dɛnaa Lawa la. Ma nə n lɛ dii kɔsɛkɔsɛ, ma nə n lɛ dii Dɛnaa Lawa li.

Loen 142:3

Man maa busii pii a din yɔrɔ-a, man maa nɔmaa nyɛɛ a din yɔrɔ-a.

Loen 28:2

Bɛ̀ ma tá n din a kion sonbore kɛ nɛ, bɛ̀ ma á n gɔn diɛ n din la, bɛ̀ ma á n lɛ dii n ganaa n too kɔ, n maa gòã-kũ si.

Loen 42:3

Lawa yiikoonaa kɛ sii n ma ganaa. Man die we a kion kɛ-n biĩ doo, ma golee a yɔrɔ-a?

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Loen 42:8

Ma gɔ́ɔ̃ nə́ n lɔlɔkɔn ka mu bɛ́ lɔn. A wuu n boe lon bɛ̀ a kaa, a nə n duwii tán miɛ̃, a n birikəə̃. Bɛa foo-ziziɛ̃ lɛ, n din nə́ n toa a ma mui ka mu bɛ́ min mui lɔn.

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Loen 63:4

Má goã loe loe n tɔ boe ne, a giala, n kɔn-narɛɛ gole ke, á soɛ yiikoonaabaa nɛ.

Izayii 26:9

Tèlò-n, man giɛ n li ka ma foo tumaa nɛ. Hiĩ, man giɛ n li ka ma parsii taãn nɛ. Bɛ̀ n tá dɔlɔ boe tán ganaa biikoo mɛn li, kanaa minin manə n darɛɛ peperebaa ganaa.

Izayii 51:20

N nɛnyaanan man tán-a zii tumaa mìi ni, pàã ba ǹ lon wa, ka don a luu bɛ́ lɔn kan kũ, Dɛnaa Lawa a foo yoo taman yii, n Lawa a paraa-mali kɛ taman yii.

Zeremii 14:18

Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

Zeremii 9:20

«Gɛ̀ n we ka wɔa fenɛtərə ne, a n we wɔa kion sonboren kɛn nɛ, a n nɛnyaanan dii ziin la, a nɛ tenən dɛ bǎã dadaran nɛ.»

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Ezekieli 5:16

Ma á re bòo babaraa diɛ ka gialaa, ka kiɛ babaraa bɛ́ lɔn basaã koe. Man die bɛ lɛ diɛ a da ka dɛ. Man die bòo lɛ baraa koe ka ganaa, a ka gɔn li ǹ màn-bii tumaa nya lenlen.

Misee 1:16

Zeruzalɛmu minin lɛn, ka n mìi kɔɔ̃. Ka zèwon bɛ́ lɔn, ka nyan ka toa ka mìi-n wa, kaa là-paparɛɛ taman yii, kaa nɛnyaanan kɛn lɛn lɛa, ka tá ǹ narɛ. A giala, maǹ die ǹ goɛ, ǹ wo ǹ ne bɛ̀rɛbaa ǹ bǎã nɛ, ǹ wɔlɔ lui ka ganaa.

Nahumu 3:10

Sɛnɛ a dɔ a biikoo bɛ́ á dɔ, ǹ ná a minin goa, ǹ nə́ woo ǹ ne bɛ̀rɛbaa ǹ bǎã nɛ. Ǹ ná a nɛnyaanan yɔyɔrɛ ziin bɔ kɔn-a ǹ bǎã tumaa nɛ, ǹ nə́ n pã gána lɛ a nyɛɛnaandɛnan ganaa, ǹ nə́ fɔlɔbiɛn kaa ǹ min dadaran ganaa.

Matiə 14:25

Koonən wuu pɛ waáraa, Yezu tɔ wɔ mu la, á tele a kialandɛnan lɛn ganaa.

Marki 1:35

Bɛ lɛ a lɛawaa, baayɛlɛ yiisoon ne, bɛ̀ wɔlɔ bɛ́ tɔn tì, Yezu yoo á woo Lawa nyankɔ don.

Marki 13:35

Ka dɔn nə n yii toa koo, a giala, ka a kiondɛnaa lɛ a daa biikoo doɛ̃ wa: wasamiɛn nɛ la, làan nɛ la, koonən wuu pɛ waáraa-n la, hinlaa baayɛlɛ, min ba doɛ̃ wa.

Luku 6:12

Bɛa biikoo kɛ lɛ li, Yezu woo Lawa nyankɔ kele mìi ni, á Lawa nyankɔ ka tèlò tumaa nɛ.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Sii yɔrɔ-bɔlen 7:19

Làan nə́ pii mà a n die koe, Zediɔ̃ laanka giĩ paabiɛ mɛn bɛ́ kun, ǹ nə́ dɔ Madiã minin giã ǹ bǎã lɛ lɛkoro-a. Bɛ á zɛnɛɛ, bɛ̀ ǹ nə́ bǎã-lɛduə̃lin lonkɔ, a tɔn belebɔ wa. Izirayeli minin ná a giala kɔ, ǹ nə́ bɛnɛn pɛpɛ. Dɔ́nɔn mɛnɛn nə goã ǹ gɔn, ǹ nə́ bɛn yuyu tán.

Samayeli1 1:15

«Haayii, maa dɛnaagiĩ, masɛ n lɔ lɛa, lɔ mɛn foo á ke ziziɛ̃ nɛ. Ma yɔ mi wa, ma yɔ kakaarɛ kɔn mi wa. Man má goã ǹ gɔ́ɔ̃ dinsɔɔ̃ pii Dɛnaa Lawa yɔrɔ-a.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.