Busii pɛ 2:11 - LAWA A BOO SONBORE

¹¹ Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

LAWA A BOO SONBORE 2011

¹¹ Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 2:11 ပူးပေါင်းရင်းမြစ်များ

Zɔbu 16:13

A kiɛn nə́ ma lɛnpɛnɛ paǹ tumaa li, a n ma foɛ̃ ma kii ganaa, a din ba giɛ ma makara-a wa. Á ma sɔrɔ yu á kaa.

Zɔbu 30:27

Ma gɔ́ɔ̃ n pipi, a golee wa, nɔmaa lɛawaan nə́ daa kaa ma la.

Loen 119:82

N nə n lɛ kɔ ma la ka màn mɛn nɛ, má n yii da bɛ la, má nɔmaa. Bɛ lɛ-n ma á pii máa biĩ ni, n tá re ma foo basɛ̃?

Loen 22:14

Maǹ nə́ n lɛ tii ma li. Maǹ ka yàran mɛnɛn bɛ́ siĩ wɔ̃woɛ̃, ǹ nə́ wɔɔsaa we.

Loen 31:9

ń ma toa maa zɔ́ɔ gɔn wa. Ń ma saa ń ma da lon, ń piɛ̃ kaa ma ganaa.

Loen 38:8

Ma kii yii n paparɛ, ma gɔ̀nɔn tumaa n busi.

Loen 6:7

Ginii n die ma pàã nyɛɛ. Bɛ̀ wɔlɔ tii lɔn, ma yii mu n maa piì basɛ̃, ma yii mu n ka a maa waa ǹ piì mui.

Loen 69:3

Ma na a gialaa we bɛrɛɛ zuzulu kɔn li, gòãn doa ǹ wɔlɔ ba ma la wa. Má papaã mu zuzulu li, a n ma siɛ woe ma nɛ.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Izayii 38:14

Maa lɛ-dɛ n goon ka leere bàan a lɛ baa nɛ. Maa purii n goon ka kɔlɔ wɔ nɛ. Má nɔmaa ka ga lon ganaa nɛ. Dɛnaa, ma gù gã. N dɔ ma lɛ.

Izayii 51:20

N nɛnyaanan man tán-a zii tumaa mìi ni, pàã ba ǹ lon wa, ka don a luu bɛ́ lɔn kan kũ, Dɛnaa Lawa a foo yoo taman yii, n Lawa a paraa-mali kɛ taman yii.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Zeremii 44:7

Kanna kəni, Dɛnaa Lawa Pàãyiidɛnaa, Izirayeli a Lawa n kɛ pii: «Wàa na á baa ka á baraa kɛ tumaa zɛnɛɛ ka dinin manɛ? Ka ǹ zoɛ̃ li mà ka Zudaa a giĩn dɛ, a lɔn nɛ, a nɛ tenən ne ka a nɛnyaan bɔnboɛɛnɛn nɛ? Ka ǹ li ka bɔ̀nbaa lenlen?

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Busii pɛ 1:11

A zaman tumaa n gini. Maǹ giɛ màn-bii li. Maǹ nə ǹ gɔn màn sonboren koe màn-bii ganaa, ǹ yii boo la a goã koo. Zeruzalɛmu pɛ: «Dɛnaa Lawa, ga. Ǹ bɛ́ ma pɔpɔsɛ ka yɔrɔ mɛn nɛ, n bɛ yɛ.»

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 5:17

Bɛ lɛ n wɔ foo busi, wɔ yii a wɔlɔ yii doɛ̃ wa.

Luku 23:29

A giala lɛawaan nə́ ke die, minin nə́ die pii ǹ mɛnɛn gɔ́ɔ̃ nɛ mà lɔ nɛ-yɛlebaãnaan wɔ á sóɛ, mà min mɛnɛn bin nɛ yɛ, ǹ nə́ gũ ǹ nə́ nyɔ kɔ la wa, mà bɛn wɔ á sóɛ.

Samayeli1 30:4

Davida laanka ǹ miãn lɛn nə́ kaa wuu ni. Ǹ nə́ wuu pɛ miɛ̃, yǎa pàã din ba ǹ lon doo ǹ tá wuu pii wa.