Busii pɛ 1:7 - LAWA A BOO SONBORE

⁷ Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

LAWA A BOO SONBORE 2011

⁷ Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Busii pɛ 1:7 ပူးပေါင်းရင်းမြစ်များ

Zɔbu 29:2

– Ee, die n die toɛ ma wusoo man baa ka maa lɛlɛ ǹ kɛ bɛ́ lɔn, Lawa bɛ́ á goã giɛ ma walan biikoo mɛn waáraa.

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Loen 77:3

Bɛ̀ ma á nɔmaa gɔ́ɔ̃ nɛ, ma nə n yɔrɔ diɛ Dɛnaa la. Tèlò-n, ma nə n gɔnɔn diɛ a din la, ma a n susui wa, ma nə n piɛ̃ ka foo-wɔraa nɛ.

Loen 79:4

Wɔ á ke, wɔ miãkɛnɛn nə́ sɔ kiɛ wɔ la. Min mɛnɛn bɛ́ wɔ lɛnpɛnɛ, bɛn man wɔ diɛ yaa lɛa, ǹ nə́ wɔ pɔpɔsɛ.

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Izayii 64:11

Dɛnaa Lawa, koen kɛn ba n yii li ǹ sii lɛa wa? Ma n die n lɛ tiɛ̃ n wɔ yii puusə kɔ a la yii ni?

Zeremii 37:7

– Dɛnaa Lawa Pàãyiidɛnaa, Izirayeli a Lawa n kɛ pii: «Zudaan kii mɛn nə ka dia ma li, ka wo pɛ-n kɛnɛn: Faarahɔn a sɔraasin mɛnɛn nə soo mà man die n doe ka lɛ, ǹ nə́ n bɔyaa ǹ nə́ woo Ezipti gána nɛ.

Zeremii 48:27

Moabu, nsɛ bie n goã yaa we Izirayeli ganaa wa? A da yaa, Izirayeli ba wurumu lɛa wa. Sɛnɛ, a n siɛ lɔn bɛ̀ n tá a boo diɛ, n nə́ yaa we a ganaa bɛ̀ n tá n mìi papasɛ?

Busii pɛ 4:17

Haalɛ bibi, wɔ yii laa zii á gama-a gunun. Wɔ n yii da dɔmalɛ la wɔ fɔ̃. Wɔ n toa wɔa wɔlɔ lɛduə̃ ǹ bǎã nɛ, wɔ n yii da tɔrɔ kɔsɔ a daa la, wáa a wɔ kirisibaa. Sɛnɛ, màn kɔn!

Ezekieli 25:3

A pɛ Amɔn tɔrɔn lɛn manɛ, mà ǹ nə n too kɔ masɛ Dɛnaa Lawa a boo kɛ li. Masɛ Dɛnaa Lawa n kɛ pii: «Zɔ́ɔn bɛ́ ǹ nə́ maa kion sonbore lɛ ziziɛ̃ ǹ mɛn waáraa, ǹ nə́ basaã kɔ Izirayeli gána kɛ nɛ, ǹ nə́ ǹ goa ǹ nə́ woo ǹ ne gána kɔsɔ nɛ, táa ka n ka yaa wɔ?

Ezekieli 25:6

Masɛ Dɛnaa Lawa gole a da ǹ boo á ke: «Sii mɛn Izirayeli gána yɛ, ka n ká foo kɔɔ̃nbaa gole yɛ bɛ gɔ́ɔ̃ nɛ, ká n gɔn dɛ, ká bɛ̀ baa, ká ǹ puusə kɔ á la yii ni.

Ozee 2:7

Ǹ dan lɛ na á kɔrɔbaa zɛnaa. Lɔ mɛn lɛ nə ǹ yɛ, bɛ na á sìi da ǹ sii zɛnaa. A giala, á goã á pɛ kɛnɛn: «Ma n die baa sii maa tɔntɔraan lɛn kio. Ǹsɛn mɛnɛn bɛ maa màn-bii laanka maa mi ǹ mu koe ma la, mɔnaa sonbore laanka gɛ̀sɛ sonbore ne, nyɔɔ laanka duvɛ̃ nɛ.»

Misee 4:11

Sɛnɛ sisia, gána gigiã nə́ n lɛ sɔkɔn, ǹ tá ka gialaa. Maǹ pii: «Ka daa wɔ Zeruzalɛmu zaãbaa, bɛ̀ wɔ yii nàn diɛ̃ bɔ a kɛbɔlɔ la.»

Luku 15:17

Á tɔ́n golee á n taasɛ a din a sii ganaa, yǎa a pɛ a din ni mà dí-nyali á mɔnaa nɛ asɛ di lon, ǹ nə́ màn bii a giala n goɛ̃. A da yaa asɛ n giɛ̃ bòo-n kànaa.

Luku 16:25

Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.