Busii pɛ 1:6 - LAWA A BOO SONBORE

⁶ Zeruzalɛmu kiwi a gugurubaa tumaa n soe n boe a nɛ. A nyɛɛnaandɛnan man ka don a luun mɛnɛn bɛ́ buu banban ǹ nə́ soɛ̃ wa. Pàã wɛɛ nə ǹ ganaa, ǹ nə́ baa sii ǹ kio-loolin lɛn nyɛɛnɛ.

LAWA A BOO SONBORE 2011

⁶ Zeruzalɛmu kiwi a gugurubaa tumaa n soe n boe a nɛ. A nyɛɛnaandɛnan man ka don a luun mɛnɛn bɛ́ buu banban ǹ nə́ soɛ̃ wa. Pàã wɛɛ nə ǹ ganaa, ǹ nə́ baa sii ǹ kio-loolin lɛn nyɛɛnɛ.

Busii pɛ 1:6 ပူးပေါင်းရင်းမြစ်များ

Kiin2 19:21

Dɛnaa Lawa bɛ́ boo mɛn diɛ Senankeribu ganaa bɛ á ke: A n zɔ̀ɔ doe n ne, a n yaa we n ganaa, *Siɔn nɛlɔ kɛ lɛ, a ná a giĩ doɛ̃ wa. A nə n kɔkɔrɔ zuĩ n kio wɔlɔ-a, Zeruzalɛmu a nɛlɔ lɛ.

Kiin2 25:4

ǹ nə́ yala bɔ kiwi lɛ a kungɔn ganaa. Zia-baalin lɛn tumaa baa si tèlò basa li, kiɛnlɛ ke kungɔn màn paa lɛ biin ni, kunu kii a dù gɔrɔ kɛ li, ǹ nə́ bɔ bɛ nɛ. A laanɛ, Kalde minin nə́ goã ǹ nə́ kiwi lɛ da bii, nyankɔrɔ lɛ ke ǹ nə́ bíi Arabaa, ǹ nə́ bɛa zii kɛ saa ǹ nə́ woo.

Kiin2 25:5

Kalde minin zia-baalin lɛn nə́ tɔ́n kii lɛ kio loo, ǹ nə́ woo dɔ a ganaa Zerikoo kiwi a nyankɔrɔ lɛ kɛ nɛ. A zia-baalin tumaa sawaa ǹ nə́ toa walan.

Loen 50:2

Zeruzalɛmu, siĩnbaa lɛ piɛ̃ n walan, a giala, Lawa wɔlɔ fúlu kaa walan.

Loen 96:9

Kanaa minin lɛn, bɛ̀ Dɛnaa Lawa ná a siĩnbaa lɛ nyaa, ka tumaa kaa tán, ka a guguru kɔ. Ka tumaa bìn da a yɔrɔ-a.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 4:5

Bɛa waáraa, Siɔn kele la, ka zaman mɛn tumaa bɛ́ soe-n kɔn, á re labara boe penleen, a tɛmaa laanka tɛ buə̃ bɔ tèlò-n. Dɛnaa Lawa a gugurubaa n die n koe ǹ tumaa lɛ ka zìã gole bɛ́ lɔn,

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 29:4

– Dɛnaa Lawa Pàãyiidɛnaa, Izirayeli a Lawa n kɛ pii goa wolen kɛn wɔ paǹ li, á ǹ goa Zeruzalɛmu á woo ǹ ne Baabilonii gána nɛ:

Zeremii 47:3

Sùin gòã wuu n boe, ziabaa ǹ wotoron wuu n boe, Ǹ gòã wuu n nyɛ́ɛ diɛ. Díin foo ziziɛ̃, ǹ ba giɛ ǹ nɛnyaanan walan doo wa.

Zeremii 48:41

Ǹ nə́ Keriyɔti kiwi kũ, Bǎãn mɛnɛn bɛ́ tamaa nɛ, ǹ nə́ bɛn si la. Nyɛ́ɛ n Moabu a zia-baali foo-taãn-an ganaa ka lɔ bɛ́ lɔn a nɛ yɛ biikoo li.

Zeremii 52:11

Bɛ kio, á Sedekiasi yii nànan fɔ̃fɔ̃, ǹ nə́ tɔn yii ka zan zɔrɔka naakɔn paa nɛ. Á dia Baabilonii ka bɛa yɔrɔ kɛ lɛ nɛ, á baa kòso nɛ lɛa yǎa a gɛ̀ pinaa.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Ezekieli 24:25

Minbuiin a nɛ, n too kɔ: «Màn mɛn lɛ bɛ́ ǹ pàã lɛa, màn mɛn lɛ sii bɛ́ kɔɔ̃nɛ ǹ ganaa, ǹ bɛ́ nyaǹ boe màn mɛn lɛ la, ǹ bɛ́ n parɛɛ bǎã mɛn lɛ ganaa ǹ foo n doa nɛ a ganaa, ǹ kɔn pinaa, ma á re bɛ kuĩ ma si ǹ la, kun ka ǹ nɛgiĩn laanka ǹ nɛlɔn nɛ.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?