Busii pɛ 1:21 - LAWA A BOO SONBORE

²¹ Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

LAWA A BOO SONBORE 2011

²¹ Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Busii pɛ 1:21 ပူးပေါင်းရင်းမြစ်များ

Loen 35:15

Sɛnɛ, bɛ̀ masɛ mɛnaa, ǹsɛn manə n lɛ soekɔn, bɛ̀ ǹ na a yaa wɔ. Ǹ nə́ yoo ma gialaa, ma sii mɛn la, ma a doɛ̃ wa. Tiin nə́ n lɛ kaa kun, ǹ nə ǹ ma pɔpɔsɛ, ǹ ba nyɛɛ wa.

Loen 37:13

Sɛnɛ, Dɛnaa Lawa n yaa we min baraa ganaa, a giala, a yii tá a bɔ̀n baa ǹ lɛawaa ganaa die.

Loen 38:16

Dɛnaa Lawa, masɛ nə n yii diɛ n din la. Dɛnaa Lawa, maa Lawa, n din nə die boo diɛ.

Izayii 14:5

Dɛnaa Lawa min baraan pàã nya, ǹ pàã zɛnaa ǹ bàlà ke, á bɛ yiɛ.

Izayii 14:6

Bàlà kɛ lɛ na á goã tɔrɔn dii biikoo tumaa li, ka foo-yoo gole ne, ǹ yɔyɔrɛ, nɔmaa diɛ ǹ mìi ni.

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 48:27

Moabu, nsɛ bie n goã yaa we Izirayeli ganaa wa? A da yaa, Izirayeli ba wurumu lɛa wa. Sɛnɛ, a n siɛ lɔn bɛ̀ n tá a boo diɛ, n nə́ yaa we a ganaa bɛ̀ n tá n mìi papasɛ?

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Zeremii 50:15

Ka ziabaa ǹ lɛ dɛ wɔ a ganaa! Á n gɔnɔn goa lon, á re n din we wɔ gɔn. A sanabolon man kiɛ, a kungɔnɔn kɛn a kiwin tamaɛ, bɛn man kiɛ. Dɛnaa Lawa a gɛ̀ dòo boe ne. Ka kaa gɛ̀ dòo bɔ Baabilonii ganaa. A sii mɛn zɛnaa ǹ miãn manɛ, ka bɛ lɛ zɛnaa a dɔ nɛ.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 50:31

Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:49

Kanaa tumaa nɛ, min gigiã gɛ̀ wɔ Baabilonii taman yii. A din yɔrɔ goon la, Baabilonii doamaa nɛ a mɛnaa Izirayeli minin kɛn lɛa ǹ nə́ gã a taman yii.

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 1:22

Ga ǹ sii baraan kɛn ganaa taãn nɛ. N masɛ yii wɔ̃ lɔn, maa piãn kɛn lɛa, ǹ dɔn yii wɔ̃ miɛ̃. Maa wɔ n ka ginii-n biikoo tumaa li! A n busu lɛa ma ganaa.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Busii pɛ 2:15

Zeruzalɛmu, min mɛn tumaa bɛ́ kiɛ̃ kunu n li, manə n gɔn dii a giala mà ń ziziɛ̃. Maǹ lɛ pii pii ǹ nə́ yaa we n ganaa, ǹ nə́ n mìi papasɛ bɛ̀ ǹ tá pii: Kiwi kɛ lɛ nɛ ǹ nə́ goã bíi "Siĩnbaa lɛpiɛ̃" ka "tán tumaa a foo kɔɔ̃nɛ"?

Busii pɛ 2:16

Á ke, n zɔ́ɔn tumaa n boo diɛ n ganaa. Maǹ nə n yiin wɛɛ n li, ǹ nə́ yaa we n ganaa bɛ̀ ǹ tá pii: «Wɔ gɔn dɔ a ganaa. Wɔ bɛ́ n yii diɛ lɛawaa mɛn la, á ke. A din nə ka kɛ nɛ wɔ yii ná a ganaa.»

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.