Busii pɛ 1:20 - LAWA A BOO SONBORE

²⁰ Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

LAWA A BOO SONBORE 2011

²⁰ Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 1:20 ပူးပေါင်းရင်းမြစ်များ

Zɔbu 30:27

Ma gɔ́ɔ̃ n pipi, a golee wa, nɔmaa lɛawaan nə́ daa kaa ma la.

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Loen 22:14

Maǹ nə́ n lɛ tii ma li. Maǹ ka yàran mɛnɛn bɛ́ siĩ wɔ̃woɛ̃, ǹ nə́ wɔɔsaa we.

Loen 38:8

Ma kii yii n paparɛ, ma gɔ̀nɔn tumaa n busi.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Izayii 16:11

Bɛ lɛ taman yii, ma foo á ziziɛ̃ nɛ Moabu a paǹ li. Maa ginii n ka tùtu wuu bɛ́ lɔn. Man gini Kiiri-Herɛsi la.

Izayii 38:14

Maa lɛ-dɛ n goon ka leere bàan a lɛ baa nɛ. Maa purii n goon ka kɔlɔ wɔ nɛ. Má nɔmaa ka ga lon ganaa nɛ. Dɛnaa, ma gù gã. N dɔ ma lɛ.

Zeremii 14:18

Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

Zeremii 14:20

Dɛnaa Lawa, wɔ á doɛ̃ wáa wɔ́ sii baraa zɛnaa. Wɔ á wɔ digolon siɛ̃n doɛ̃. Wɔ́ sii baraa zɛnaa n nɛ.

Zeremii 2:35

A laan bɛ yii ni, n nə n pii: «Zɛ̀rɛ ba ma-a wa. Dɛnaa Lawa a foo yoo kɛ á re n boe ma kio.» Sɛnɛ, n bɛ́ pii mà nsɛ sii kɔn zɛnaa baraa wa, man die kiri we n ganaa.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Zeremii 48:36

Bɛ lɛ nɛ ma á gini Moabu la, maa ginii n ka pìi bɛ́ lɔn, man gini Kiiri-Erɛsi la, maa ginii n ka pìi bɛ́ lɔn: Ǹ naforo mɛn yii sɔkɔn, a yii bɔ̀n baa.

Busii pɛ 1:11

A zaman tumaa n gini. Maǹ giɛ màn-bii li. Maǹ nə ǹ gɔn màn sonboren koe màn-bii ganaa, ǹ yii boo la a goã koo. Zeruzalɛmu pɛ: «Dɛnaa Lawa, ga. Ǹ bɛ́ ma pɔpɔsɛ ka yɔrɔ mɛn nɛ, n bɛ yɛ.»

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 5:16

Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

Ezekieli 7:15

Zia n die goɛ̃ wɛɛ̃-n kanaa, piɛ̃ busu laanka bòo ne, bɛn nə́ wɛɛ̃-n kion. Min mɛn bɛ́ don, ǹ tá re bɛ dii zia la. Min mɛnɛn bɛ́ kiwi gɔ́ɔ̃ nɛ, bòo laanka piɛ̃ busu á re wɛɛ bɛn la.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»