Busii pɛ 1:17 - LAWA A BOO SONBORE

¹⁷ Siɔn nə n gɔnɔn diɛ á n giɛ dɔmalɛ li. Min banban a tá a foo wɛɛ wa. Dɛnaa Lawa na á baa ǹ miãkɛnɛn zɔ́ɔ lɛa. Zeruzalɛmu gɔ̀ da a din-a ǹ bii.

LAWA A BOO SONBORE 2011

¹⁷ Siɔn nə n gɔnɔn diɛ á n giɛ dɔmalɛ li. Min banban a tá a foo wɛɛ wa. Dɛnaa Lawa na á baa ǹ miãkɛnɛn zɔ́ɔ lɛa. Zeruzalɛmu gɔ̀ da a din-a ǹ bii.

Busii pɛ 1:17 ပူးပေါင်းရင်းမြစ်များ

Kiin1 8:22

Salomɔn golee Dɛnaa Lawa a *wúlu bɔ ǹ bǎã lɛ nyɛɛnɛ, Izirayeli zaman lɛ tumaa yɔrɔ-a, á n gɔnɔn goa, á ǹ dia lon á pɛ:

Kiin1 8:38

ta n zaman Izirayeli minin kɛn goon mɛn a nyankɔ lɛ din nə lɔn, bɛ̀ ǹ gogoonmaa ná a din a fuu dɔ̃, yǎa ǹ nə́ ǹ gɔnɔn lɛ bɔ ǹ nə́ ǹ dia kion kɛ lɛ la,

Kiin2 25:1

Sedekiasi a kiibaa lɛ̀ manangɔrɔbaa ǹ wɔ, lɛ̀ a mui a fùbaa ǹ wɔ a lɛawaa fù, *Baabilonii gána a kii Nebukadenezɔɔrɔ daa Zeruzalɛmu kiwi gialaa, kun ka a zia-baalin tumaa nɛ. Á giã kiwi lɛ yɔrɔ-a, ǹ nə́ bèlèn dɔ, ǹ nə́ kiwi lɛ lɛnpɛnɛ nɛ.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Izayii 54:11

Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

Zeremii 12:9

Maa wɔ bɛ́ ka min mɛnɛn nɛ, bɛn man nə́ n baa ka bàan sisia bɛ́ lɔn, zèwon nə́ piɛ̃ nɛ a ganaa? Ka gòon màn tumaa sɔkɔn, ǹ da màn bii!

Zeremii 15:5

Dɛnaa Lawa pɛ: Die n die makara boe n ganaa doo Zeruzalɛmu? N sii n die busi die ganaa? Die n die n din nɔmɛɛ a nɔ̀n da n li? Min kɔn!

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 6:3

Tɔɔ-lɛduəlin tá re die a gialaa, kun ka ǹ tɔɔn tumaa nɛ. Ǹ tá re mɔnaa kionən doe ǹ na a lɛnpɛnɛ nɛ. Didie á re a tɔɔn lɛduĩ a bǎã nɛ.

Zeremii 8:18

Màn kɔn ba boe la a maa foo busii kɛ nya wa. Ma foo n ka a yu!

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 1:21

Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Ezekieli 36:17

Minbuiin a nɛ, n too kɔ. Izirayeli tɔrɔn bɛ́ ǹ nə́ goã ǹ gána lɛ nɛ, ǹ dinin man nə́ ǹ gána lɛ gɔgɔrɛ kɔ, ka ǹ giã ǹ gɔn laanka ǹ zɛnaa ǹ siin ni. Masɛ yii li, ǹ giã ǹ gɔn lɛ n ka lɔ a *gɔ̀ bɛ́ lɔn, bɛ̀ a lɛawaa tá a ganaa.

Ozee 8:8

Izirayeli minin wɔ ziziɛ̃, ǹ nə́ ke tɔrɔ kɔsɔn bii ka màn mɛn bɛ́ a là ná a banban.