Busii pɛ 1:15 - LAWA A BOO SONBORE

¹⁵ Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

LAWA A BOO SONBORE 2011

¹⁵ Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

Busii pɛ 1:15 ပူးပေါင်းရင်းမြစ်များ

Kiin2 9:33

Zewu tɔ́n nə n toa: «Ka Zezabɛli kũ ka zũ tán.» Ǹ dɔn nə́ kũ ǹ nə́ zũ tán. Zezabɛli mà soo á n pɛsɛ̃ kiwi lɛ a kungɔn ganaa ka Zewu a sùin mɛnɛn nə tɔtɔrɔ la.

Loen 119:118

Min mɛnɛn tumaa bɛ́ ǹ nə́ n foo sii boon kɛn toa walan, ń nə́ n piã ka bɛn nɛ. A giala, maǹ soɛ dinsɔɔ̃ boe, ǹ nə́ kɔn bebele ne.

Izayii 28:18

Ka lɛ kɔ kɔn la mɛn wɔ ka gɛ̀ nɛ, bɛ á re sàabiɛ, ka ǹ mɛn dɔ wɔ ka geren ne, bɛ dɔ a re yɔrɔ yii wa. Bɛ̀ koe daa, á re ka yɔyɔrɛ.

Izayii 41:2

Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

Izayii 5:5

Sisia, ma bɛ́ re màn mɛn zɛnɛɛ maa rezɛ̃ wuru lɛ nɛ, bɛ á ke: Gɔ̀rɔ mɛn bɛ́ a lɛnpɛnɛ, man die bɛ wurii ma bɔ a ganaa, tɔɔn nə sɔ̃. Kungɔn mɛn bɛa lɛnpɛnɛ, man die yala boe bɛ́ ganaa, kiɛ̃ wolen nə tɔtɔrɔ.

Izayii 63:3

Taãn nɛ, ma dinsɔɔ̃ n má rezɛ̃ tɔrɔ yala-n. Min kɔn goã kun ma-n tɔrɔn bii wa. Bɛ lɛ nɛ, maa foo yoo taman yii, má ǹ yɔyɔrɛ, maa kakaarɛbaa gɔ́ɔ̃ nɛ, má tɔrɔ ǹ la. Ǹ mà paparɛ, á kaa maa mɔnaan ganaa, á ǹ tumaa taã.

Zeremii 13:24

Man die ka pɛsɛ̃ paǹ yii li, ka buu bisin bɛ́ lɔn, diə gole a piɛ̃ n goɛ.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 18:21

A bɛ́ miɛ̃, ǹ nɛnyaanan wɔ bòo gɔn, ǹ wɔ gɔya sa gɔn! Ǹ lɔn ba re nɛ yii wa! Ǹ tá re giɔɔrɔn biɛ! Piɛ̃ busu á re ǹ zuũn dii! Ǹ nɛ tenən tá re giɛ̃ zia la!

Zeremii 37:10

Ta ka n boe Baabilonii gána a sɔraasin tumaa la, ǹ mɛnɛn yii bɛ́ re goɛ̃ koo ǹ bii busulən lɛa, bɛn tá re yui ǹ zìã kionən ne, ǹ tɛ da Zeruzalɛmu kiwi ganaa.»

Zeremii 50:26

Ka bɔ paǹ yii li ka daa, ka a dɔǹɔn lɛ bũ, ka a naforon sɔkɔn, ka tɛ da ǹ ganaa! Ka nyan màn kɔn toa walan wa!

Zeremii 51:34

Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Busii pɛ 2:21

Nɛnyaanan laanka min zizin tá nyɔmaa-n tán zii mìi ni. Ǹ nə́ maa nɛ tenən laanka maa nɛlɔn dɛ ka gɔya sa nɛ. N foo yoo baraa kɛa pinaa, ma n nə́ ǹ dɛ, n nə́ ǹ nyin bɔ, ǹ makara ná a bɔ n ganaa wa.

Busii pɛ 3:34

Bɛ̀ n tɔtɔrɔ gána goon a kòso nɛn tumaa la, Dɛnaa Lawa yii ba a ganaa wa?

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Sii-nyaan 19:15

Gɔya sa lɛbɔle-a n soe a lɛ-n, a n die tɔrɔ din tumaa dii ka bɛ nɛ. A n die ǹ lɛduĩ ka fɔlɔ bàbàla nɛ, a foo-yoo gole kɛ gɔ́ɔ̃ nɛ, a n die tɔrɛ ǹ la, ká ǹ bɛ́ rezɛ̃ tɔrɛ yala-n lɔn.

Sii yɔrɔ-bɔlen 10:8

Bɛa lɛ̀ kɛ lɛ-a, bɛn nə́ bɔ Izirayeli minin lɛn yii ni, ǹ nə́ fuu nyaa ǹ nɛ. Izirayeli minin mɛnɛn tumaa goã Zurdɛ̃ tà kio, Amɔɔrɔ tɔrɔn gána kɛ nɛ Galaati, ǹ nə́ bɔ bɛn dɔn yii ni, lɛ̀ fulukiwisi gɔ́ɔ̃ nɛ.