Busii pɛ 1:14 - LAWA A BOO SONBORE

¹⁴ A yii tá maa sii baraan tumaa ganaa a yɔrɔ-a. Á ǹ kaa kun á ǹ yii, á ǹ kaa ma mìi ni. Ǹ gugurubaa kaa ma la. Dɛnaa Lawa ma pàã kiɛɛrɛ kɔ, á ma wɔ minin gɔn, ma bɛ́ ma a boe la ma yɔ bɔ kɔn ka ǹ mɛnɛn nɛ wa.

LAWA A BOO SONBORE 2011

¹⁴ A yii tá maa sii baraan tumaa ganaa a yɔrɔ-a. Á ǹ kaa kun á ǹ yii, á ǹ kaa ma mìi ni. Ǹ gugurubaa kaa ma la. Dɛnaa Lawa ma pàã kiɛɛrɛ kɔ, á ma wɔ minin gɔn, ma bɛ́ ma a boe la ma yɔ bɔ kɔn ka ǹ mɛnɛn nɛ wa.

Busii pɛ 1:14 ပူးပေါင်းရင်းမြစ်များ

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Izayii 14:25

Ma á re Asiirii minin pàã nyɛɛ maa gána nɛ. Ma á re ǹ yɔyɔrɛ maa kelen kɛn la. Ǹ pàã ke maa zaman wìi li ka zǔu bɛ́ lɔn, ma á re bɛ siɛ ma bɔ ǹ la. Ǹ guĩ guguru ke maa zaman kɔrɔn, ma á re bɛ gisĩ.»

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 27:12

Masɛ Zeremii n má kɛa boo kɛ lɛ miã pɛ Zudaan kii Sedekiasi ni. Má pɛ nɛ: – Nsɛ, n laanka n zaman doamaa nɛ ka lɛ kɔ Baabiloniin kii a pàã kɛ ganaa ka zǔu bɛ́ lɔn. Ka dí nya nɛ, ka dí nya a zaman dɔ nɛ, ka yii á re goɛ̃ koo.

Zeremii 27:8

Kɔntan, gána hinlaa tɔrɔ kɔn tá yii a n piã ka Nebukadenezɔɔrɔ a pàã kɛ nɛ, ke ma da ǹ wìi li ka zǔu bɛ́ lɔn. Á bǐɛ̃ kɔ, man die yui bɛa gána kɛ gialaa ka zia nɛ, bòo ne ka piɛ̃ busu ni. Man die Baabiloniin kii biɛ bɛa gána lɛ a ziziɛ̃ wole lɛa. Dɛnaa Lawa a da ǹ boo ne.

Zeremii 28:13

– Wo pɛ Anania nɛ mà Dɛnaa Lawa n kɛ pii: «Zǔu gɔndɛnaa ke ń yiɛ, ń tá re zǔu fɔlɔdɛnaa diɛ a bǎã nɛ!»

Zeremii 28:14

Dɛnaa Lawa Pàãyiidɛnaa Izirayeli a Lawa n kɛ pii: «Man die zǔu fɔlɔdɛnaa kiɛ kanaa a tɔrɔn tumaa wìi li. Ǹ tumaa á re goɛ̃ Baabiloniin kii Nebukadenezɔɔrɔ a pàã giulun, ǹ dí nya nɛ. Haalɛ gòon mànan dinin, man die ǹ kiɛ a pàã giulun.»

Zeremii 32:3

Sedekiasi din na á toa ǹ nə́ Zeremii da kòso-n. A giala, a n Zeremii zɛ̀rɛ biɛ Dɛnaa Lawa a da ǹ boon kɛn taman yii á pɛ: «Ma á re Zeruzalɛmu we Baabiloniin kii gɔn, a kũ.

Zeremii 32:5

Ǹ tá re woe ka Sedekiasi ni Baabilonii gána nɛ. Á re goɛ̃ walan, yǎa ǹ mɛn waáraa bɛ̀ má n yiri koa li. Dɛnaa Lawa a da ǹ boo ne. Ta ka woo nyɛɛnɛ ka zia nɛ Baabilonii minin ganaa, kooro ne, ka a re boe màn kɔn la wa.»

Zeremii 37:17

Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Ezekieli 11:9

Má á re ka lui ma ka bɔ kiwi lɛ nɛ, ma ka kɔ tɔrɔ kɔsɔn la, ma maa dɔlɔ kɛ bɔ ka ganaa.

Ezekieli 21:31

Ma din Dɛnaa Lawa gole n kɛ pii: Ǹ tá re n kiibaa ǹ bafolo laanka n gɛ̀lɛ boe ǹ bɔ n mìi-a, siin nə n bɔyaa. Min mɛn bɛ́ tán, bɛ á re yui lon, min mɛn bɛ́ lon, bɛ á re gisĩ tán.

Ezekieli 23:28

Ma din Dɛnaa Lawa n kɛ pii: Min mɛnɛn lɛn sii bɛ́ a ba n ganaa wa, ǹ tìĩ bɔ n nyin ni, á ke, man die n we bɛn lɛn gɔn.

Ezekieli 25:4

Bǐɛ̃ kɔ! Ma á re toɛ lɛ̀giala gána minin kɛn nə kaa bǎã lɛ si, ǹ baa ǹ wɔ lɛa. Ǹ tá re ǹ mɔnaa zìãn doɛ kaa bǎã kɛ lɛ nɛ, ǹ giã a nɛ. Ǹ dinin lɛn man die kaa tán-kɔsiɛ mànan bii, ǹ kaa tɔɔn nyɔ bɔɔ̃, ǹ mi.

Ezekieli 25:7

Ka bɛ mɛn zɛnaa ke, ma á re yui ka gialaa, ma ka wɔ tɔrɔ kɔsɔn gɔn, bɛn nə ka gɔn mànan kũ ǹ nə ǹ si ka la. Ma á re ka wɛɛ ma ka bɔ tɔrɔn bii, ma ka dɛ lenlen, ma kaa gána kɛ papaã. Ka á re doɛ̃ ka bɛ-n kəni, mà masɛ din nə Dɛnaa Lawa lɛa.»

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Misee 2:3

Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.