Busii pɛ 1:10 - LAWA A BOO SONBORE

¹⁰ Á ke, zɔ́ɔn nə́ n gɔn dia, ǹ nə́ a naforo tumaa goa. Min kooron dinin nə́ wɔ a kion sonbore kɛ nɛ. A da yaa, Dɛnaa Lawa nə ǹ kurəə mà ǹ nyan wɔ kun ka a zaman kɛ-n wa.

LAWA A BOO SONBORE 2011

¹⁰ Á ke, zɔ́ɔn nə́ n gɔn dia, ǹ nə́ a naforo tumaa goa. Min kooron dinin nə́ wɔ a kion sonbore kɛ nɛ. A da yaa, Dɛnaa Lawa nə ǹ kurəə mà ǹ nyan wɔ kun ka a zaman kɛ-n wa.

Busii pɛ 1:10 ပူးပေါင်းရင်းမြစ်များ

KZS2 36:18

Á Lawa a kion lɛ a dí nya ǹ mànan tumaa goa á woo ǹ ne Baabilonii, a bɔnboɛɛnɛn ne, a dadaran nɛ, a gɔn mànan tumaa nɛ, kii gɔn mànan nɛ ka a gána nyɛɛnaandɛnan wɔn nɛ.

Nehemii 13:1

Bɛa biikoo lɛ li, ǹ nə́ Muizu a sɛ́wɔ kɛ pɛ zaman lɛ yii ni, ǹ nə́ tɔ́n yɛ kiɛ̃ nɛ a nɛ, mà Amɔn tɔrɔ laanka Moabu tɔrɔ ba re n doe kun ka Lawa a zaman kɛ-n ka duduu wa.

Izayii 63:18

Wɔsɛn, n zaman sonbore ke, gána lɛ na á goã wɔa wɔ lɛa biikoo boɛɛn dinsɔɔ̃ li. Wɔa zɔ́ɔn nə́ n bǎã sonbore lɛ ziziɛ̃.

Zeremii 15:13

Zudaa, ǹ tá re n naforo laanka n gɔn màn giɔ̀mɔ kakaan kɛn kokoe. N ba re màn kɔn yii ǹ dòo wa. N sii baraa mɛn tumaa zɛnaa n gána lɛ nɛ, bɛn lɛn lɛa nɛ.

Zeremii 20:5

Zeruzalɛmu a naforon tumaa nɛ, a dí nya á màn mɛn tumaa yɛ, a màn giɔ̀mɔ kakan nɛ, ka Zudaan kiin naforon ne, man die bɛ yii we ǹ zɔ́ɔn gɔn, ǹ kokoo, ǹ goa ǹ wo ǹ ne *Baabilonii gána nɛ.

Zeremii 27:19

Boo n Dɛnaa Lawa li bìbìn kɛn wɔ paǹ li, doo kaaraa kɛ nɛ, wotoron kɛn nɛ, ka mànan kɛn tumaa nɛ tɔn Zeruzalɛmu.

Zeremii 27:21

Dɛnaa Lawa Pàãyiidɛnaa, Izirayeli a Lawa n kɛ pii màn giɔ̀mɔ kakan kɛn wɔ paǹ li Lawa a kion, Zudaan kii a kii kion ne hinlaa ka Zeruzalɛmu kiwi ni:

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 51:51

Wɔ bɛ́ wɔ́ sɔ kɔn kɛn ma, sìi wɔ kũ. Tiin bɛ́ ǹ nə́ kaa Dɛnaa Lawa a kion a bǎã sonbore kɛ nɛ, sìi na á n kɔ wɔ lɛ.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Busii pɛ 1:7

Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Ezekieli 7:22

Ma á re n bɔyɛɛ man bɔ ǹ li, a giala, maa bǎã sonbore lɛ á re ziziɛ̃. Wurumunun tá re kiɛ a nɛ ǹ gɔ̀ da a ganaa.

Ezekieli 9:7

Dɛnaa Lawa tɔ́n pɛ ǹ nɛ: «Ka *gɔ̀ da maa kion lɛ ganaa. Ka soo ka wo minbuiin lɛ dɛ, ka a sumu gɔ́ɔ̃ pã nɛ.» Ǹ nə́ soo ǹ nə́ woo minbuiin lɛ dɛ kiwi lɛ gɔ́ɔ̃ nɛ.

Marki 13:14

« "Sii bɔnɛɛ mɛn bɛ́ basaã kɔ ǹ sii lɛa", bɛ doamaa bɛ́ a bie a yɛ bǎã mɛn nɛ wa, ka á re yii walan. (Min mɛn bɛ́ sɛ́wɔ kɛ pii, ǹ dɛnaa nə n doa a na a giala ma). Bɛa biikoo li, min mɛnɛn bɛ́ re goɛ̃ Zudee gána nɛ bɛn doamaa nɛ ǹ baa si ǹ wo kelen la.

Timəə dí-pɛn 23:3

Lɔ laanka giĩ a tá-kun mɛn bɛ́ a n zɛnaa a yɔrɔ li wa, bɛa nɛ doamaa bie a giã kun ka Dɛnaa Lawa a zaman nɛ wa. Haalɛ a nɔ̀ɔ fulupaa a fùbaa ǹ wɔn dinin doamaa bie ǹ giã kun ka Dɛnaa Lawa a zaman nɛ wa.

Timəə dí-pɛn 23:4

Amɔn tɔrɔn laanka Moabu tɔrɔn doamaa bie ǹ giã kun ka Dɛnaa Lawa a zaman nɛ ka duduu wa. Haalɛ ǹ nɔ̀ɔ fulupaa a fùbaa ǹ wɔ doamaa bie a giã kun ka Dɛnaa Lawa a zaman nɛ wa.