Busii pɛ 1:1 - LAWA A BOO SONBORE

¹ Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

LAWA A BOO SONBORE 2011

¹ Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Busii pɛ 1:1 ပူးပေါင်းရင်းမြစ်များ

Kiin2 23:33

Eziptin kii *Faarahɔn Nekoo Zoakazi da biɛ nɛ Ribla kiwi, Amaati gána nɛ, màn mɛn bɛ́ toɛ, a kiibaa zɛnaa lɛ da Zeruzalɛmu kiwi. Faarahɔn Nekoo lɛ wɔrɔ kilo duu sɔɔ ka biɛsii (3 400) da gána lɛ mìi ni, ka sana kilo pɔsɔɔwensii ni, nyin giɔ̀mɔ lɛa.

Kiin2 23:35

Zoakiimu lɛ wɔrɔ lɛ laanka sana lɛ kɔ Faarahɔn Nekoo lɛ la. Faarahɔn lɛ bɛ́ mà wɔrɔ lɛ mɛn doamaa nɛ a n saraa, bɛ laan bɛ̀ a n kɔ, Zoakiimu na á gána lɛ a minin kaa wɔrɔ laanka sana bɔ ganaa ka pàã nɛ, á kɔnpɛ ka didie pàã yii ni. Á tɔ́n bɛ lɛ kɔ Faarahɔn Nekoo la.

KZS2 9:26

Salomɔn din ni kiin tumaa mìi la, a kũ Efrati tà ganaa a wo Filisiti gána yaa, a kiɛ̃ a wo yǎa Ezipti gèlè ganaa.

Ɛsidrasi 4:20

KIIN nə́ yɛ Zeruzalɛmu, pàã nə́ ǹ lon, ǹ nə́ lɛ̀nyɛɛn gɔn la a bǎã kɛ tumaa da ǹ pàã giulun, maǹ nə́ goã nyin giɔ̀mɔ sarɛɛ, wusuru ni, ka zii tɔ wɔ ǹ wusuru ni.

Nehemii 5:4

Gialakunun dɔn man nə́ goã pii kɛnɛn: «Wɔsɛn man wɔrɔ nyɛnɛɛ diɛ wɔa wurun laanka wɔa rezɛ̃ dan bɔlɔ-a, kii a nyin giɔ̀mɔ saraa ǹ wɔ lɛa.

Nehemii 9:37

N wɔ kaa kiin mɛnɛn pàã giulun, wɔa siin baraan taman yii, bɛn wɔ n ka gána lɛ a màn damata kɛ nɛ. Maǹ giɛ̃ wɔ dinin laanka wɔa tɔɔn mìi la, ǹ dinin foo yii li. Wɔ n foo ziziɛ̃ gole gɔ́ɔ̃ nɛ.

Loen 122:4

Izirayeli tɔrɔn man woe Zeruzalɛmu, Dɛnaa Lawa, Lawa a minin lɛn man woe walan, maǹ woe Dɛnaa Lawa tɔ boe, a kɔnpɛ ka landa mɛn bɛ́ koa-n Izirayeli gána nɛ.

Izayii 14:12

Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

Izayii 22:2

Zeruzalɛmu, a n siɛ lɔn bìn diɛ á boe kiwi lɛ-n kɛnɛn, mànan wuu n boe, kiwi lɛ n zɔ́n la? Zia nə n geren lɛn bii wa, ǹ bie ǹ nə́ ǹ dɛ ziabaa ǹ bǎã-n wa.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 49:21

N tá re pii n din gɔ́ɔ̃-n kəni: Die na á nɛnyaanan kɛn tumaa kɔ ma la? Man má goã gɛlaa lɛa, maa nɛ banban. Man má goã bɛ̀rɛbaa ǹ bǎã nɛ, gɔn dɔ̀ɔ̃ nɛ. Kɛn bíi-a, die na á ǹ too? Ma bɛ́ má goã bíi-a ma dinsɔɔ̃, bɛa nɛnyaanan kɛn man nə́ goã maa kəni?

Izayii 50:5

Dɛnaa Lawa má toon bũ, man piã wa, ma wusoo ma kio-n wa.

Izayii 52:2

Gusuũ mɛn nə n kɔ n lɛ, bɛ duduu n bɔ n ganaa. Zeruzalɛmu, yoo, n giã tán! Siɔn, kòso nɛ, zɔrɔka bɔ n bɔ n bɔlɔ-a!

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Zeremii 31:7

Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

Zeremii 40:9

Ayikaamu a nɛgiĩ, Safan a nɔɔn Gadalia pɛ sɔraasin lɛn laanka ǹ nyɛɛnaandɛnan manɛ: «Ka nyan toa nyɛ́ɛ ka kũ ka dí nya Baabilonii minin ma-n wa. Ka giã gána lɛ nɛ, ka dí nya Baabiloniin kii ni. Bɛ á re toɛ kaa sii tumaa bǐɛ̃ kɔ.

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Zeremii 44:2

– Dɛnaa Lawa Pàãyiidɛnaa, Izirayeli a Lawa n kɛ pii: «Ma koen mɛnɛn da Zeruzalɛmu laanka Zudaa kiwin tɛnɛn mìi ni, táa ka bɛn yɛ. Pelo, ǹ tumaa kɛbɔlɔ baa, min goon din ba ǹ nɛ wa.

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zeremii 50:23

Baabilonii na á goã yele lɛa, kanaa tumaa yɔyɔrɛ. Á ke, á yɔyɔrɛ, á pɔpɔsɛ. Bɛ na á saa lɔn kəni? A na á saa lɔn, Baabilonii kɛbɔlɔ baa tɔrɔn bii?

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 2:1

Ebe! Dɛnaa Lawa a foo-busii kɛ taman yii, á *Siɔn da wɔlɔ tì li. A foo bɛ́ á yoo Siɔn li, á n toa lon sɔsɔɔ, á Izirayeli a gugurubaa kɛ zũ tán. A foo-yoo taman yii, a yiri bɔ a kion kɛ din ni, a doamaa bɛ nɛ a giã ǹ mɛn lɛ nɛ.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Busii pɛ 4:1

Wui! Sana lɛ a tɛ pii doo wa. Sana sonbore lɛ tɛ pɛ lɛ da. Lawa a kion a kɔlɔn kɛn, a n siɛ lɔn bɛn tá pɛsiɛ̃-n bǎã tumaa nɛ zii gialaa.

Busii pɛ 5:16

Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Ezekieli 5:5

Masɛ Dɛnaa Lawa n kɛ pii: «Bɛ lɛ n die Zeruzalɛmu yii. Man má Zeruzalɛmu bɔ tɔrɔ kɔsɔn bii má koa, gána kɔsɔn ná a lɛnpɛnɛ.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»