Boo-laakalaali 9:9 - LAWA A BOO SONBORE

⁹ N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

LAWA A BOO SONBORE 2011

⁹ N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

Boo-laakalaali 9:9 ပူးပေါင်းရင်းမြစ်များ

Siin Giala 26:8

Izaaki giã walan á belebɔ. Ǹ kɔn pinaa, Filisitin kii Abimelɛki nə́ n toa a kion, á n yii kɔ kanaa, á Izaaki laanka a lɔ Rebeka yɛ sàn koe kɔn lɛ.

Loen 144:4

Minbuiin nɛ n ka piɛ̃ bɛ́ lɔn, a tá kanaa lɛ n kiɛ̃ ka lɛ̀ wúlu ni.

Loen 39:5

Dɛnaa Lawa, ma nyin bɛ́ re nyɛɛ ǹ mɛn waáraa, bɛ pɛ ma nɛ. Ma bɛ́ tɔn lɛawaa lɛ mɛn zɛnɛɛ kanaa, bɛ pɛ ma nɛ. Ma á re doɛ̃ kəni, máa ma a màn kɔn lɛa wa.

Suusun 18:22

Bɛ̀ min mɛn lɔ yɛ, a na á là nyantoro yɛ. Dɛnaa Lawa na á bǐɛ̃ baa nɛ.

Suusun 19:14

N tá boe la n kion laanka díin gɔn màn yɛ kíɛ̃ lɛa sɛnɛ, lɔ yiridɛnaa n Dɛnaa Lawa a bǐɛ̃ lɛa.

Boo-laakalaali 2:10

Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Boo-laakalaali 3:13

A giala, bɛ̀ min woo min tá màn bii, á n màn mii, a bɛ́ màn mɛn boe a dí ni, a nə́ n nyɛnyɛɛ bɛ la, Lawa a bǐɛ̃ n ka bɛ nɛ.

Boo-laakalaali 3:22

Má tɔ́n yɛ, máa màn kɔn din ba soɛ minbuiin nɛ ganaa wa. Bɛ̀ á n bɔ, a bɛ́ dín mɛnɛn nyɛɛ, a n nyɛnyɛɛ bɛn la. Bɛ lɛ na a wɔ gii lɛa, a giala sii mɛn bɛ́ re n zɛnɛɛ a gɛ̀ kio, die n die kuĩ a da bɛ nyaa nɛ?

Boo-laakalaali 5:18

Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

Boo-laakalaali 6:12

A minbuiin nɛ toa a yii ń koo, a bɛ́ lɛawaan mɛnɛn zɛnɛɛ kanaa, yii ná a doe ǹ gɔ́ɔ̃-n wa, bɛn man kiɛ̃ fufuu ka wúlu bɛ́ lɔn. Bɛa lɛawaan lɛn gɔ́ɔ̃ nɛ, màn mɛn bɛ́ siĩn minbuiin nɛ wɔ lɛa, die n bɛ doɛ̃? Sii mɛn bɛ́ re minbuiin nɛ yii a kanaa toa kio, die n boe la a bɛ pɛ nɛ?

Boo-laakalaali 7:15

A ma toa kanaa kɛ nɛ, má n ma a siin giala miɛ wa, ma yii sii tumaa yɛ. Min pepere n boe la a papaã a peperebaa gɔ́ɔ̃ nɛ. A da yaa, min baraa yii n boe la a goã koo, a baraabaa gɔ́ɔ̃ nɛ.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.