Boo-laakalaali 9:3 - LAWA A BOO SONBORE

³ A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

LAWA A BOO SONBORE 2011

³ A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

Boo-laakalaali 9:3 ပူးပေါင်းရင်းမြစ်များ

Siin Giala 6:5

Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Zɔbu 15:16

sanparɛ, ka minbuiin nɛ bɔnɛɛ babaraa kɛ nɛ, sii baraa zɛnaa n woe la ka mi ǹ mu ni.

Zɔbu 21:26

Ǹ dinin paanan man die wɛɛ tii kɛ lɛ giulun tán kun, nyuunun nə n tã ǹ nə n kɔ ǹ lɛ.

Zɔbu 9:22

A din goon ne, a din lɛ n ke má pɛ: A n zɛ̀rɛbaãnaa dii, ka a bɛ́ zɛ̀rɛdɛnaa dii lɔn.

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Loen 64:7

Maǹ taasiɛ we kɔkɔrɔbaa siin ganaa. Maǹ pii mà ǹsɛn sii yɔrɔ bɔ á nya, mà minbuiin nɛ gɔ́ɔ̃ kɛ á zuzulu, min ba boe la a dɔ̃ wa.

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Boo-laakalaali 1:17

Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Boo-laakalaali 2:14

Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

Boo-laakalaali 7:2

Gɛ̀ gã kion mɛn nɛ, bɛa woo á soɛ, kion kɛ wɔ nɛ, zɔ́n ná a nɛ. A giala, gɛ̀ lɛ n min tumaa a gɔn nyɔmɔɔ ǹ bǎã lɛa. Yǎa yiikoonaan nə n yiri koɛ bɛ li taãnɛ.

Boo-laakalaali 7:25

Má tɔ́n nə n din kɔ, daraa laanka ga sii giala li la. Sii-doɛ̃ bɛ́ màn mɛn lɛa, man má goã zoɛ̃ bɛ li, ka siin woo ǹ bǎã dɔ nɛ. Má yɛ, máa baraabaa hinlaa baãnaabaa n gàãnaabaa lɛa.

Boo-laakalaali 8:11

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Boo-laakalaali 9:2

A din sii goon nə min tumaa yii. A din sii goon nə min pepere laanka min baraa yii. Min mɛn bɛ́ wúlu boe, a n bɛ yii, min mɛn bɛ́ a wúlu boe wa, a n bɛ dɔ yii. A n min bǐɛ̃ yii, ka sii baraa-zɛnaali dɔ nɛ. Min mɛn bɛ́ n liɛ, a n bɛ yii, min mɛn bɛ́ a n liɛ wa, a n bɛ dɔ yii.

Boo-laakalaali 9:4

Sɛnɛ, min mɛnɛn tumaa yii bɛ́ koo, foo-doa tá bɛn lon. A giala, doobaa yiikoonaa á soɛ pàãma gere ne.

Zeremii 16:12

Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Luku 15:17

Á tɔ́n golee á n taasɛ a din a sii ganaa, yǎa a pɛ a din ni mà dí-nyali á mɔnaa nɛ asɛ di lon, ǹ nə́ màn bii a giala n goɛ̃. A da yaa asɛ n giɛ̃ bòo-n kànaa.

Luku 6:11

Landa sii-daraalin lɛn ka Fariziɛ̃n lɛn foo yoo parsiini. Ǹ bɛ́ re boe la ǹ sii mɛn zɛnaa Yezu ni, maǹ nə́ goã bɛ pii kɔn nɛ.

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.

Nya ǹ dín 26:11

Man má goã we lɛsɔkɔn kionən ne gunyin damata, bɛ̀ ma Lawa a minin lɛn nɔmaa, man má goã giɛ li, ǹ nə n piã ka ǹ golee Lawa li ni. Maa foo-yoo lɛ bɛ́ á gole kɔ á la yii ni, má goã ǹ kio lui yǎa kiwi kɔsɔn nɛ, ma nə́ ǹ nɔmiɛ.

Nya ǹ dín 26:24

Pooli bɛ́ boo diɛ miɛ̃, Fɛstusu nə́ n lɛ bũ á pɛ ka lɛn gole ne: «Pooli ganaa, n yii a kɔɔ̃n wa! N daraa gole lɛ ná a n yiri yoo.»

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Piɛrɛ2 2:16

Sɛnɛ, á doroo yɛ a bɔlɔ tii lɛ a lɛa. Dii mala ǹ tɔɔ mɛn bɛ́ a boo diɛ doɛ̃ wa, bɛ́ minbuiin nɛ lɛn bɔ, á Lawa a boo gii-dali kɛ a baãnaabaa nyaa nɛ.