Boo-laakalaali 9:2 - LAWA A BOO SONBORE

² A din sii goon nə min tumaa yii. A din sii goon nə min pepere laanka min baraa yii. Min mɛn bɛ́ wúlu boe, a n bɛ yii, min mɛn bɛ́ a wúlu boe wa, a n bɛ dɔ yii. A n min bǐɛ̃ yii, ka sii baraa-zɛnaali dɔ nɛ. Min mɛn bɛ́ n liɛ, a n bɛ yii, min mɛn bɛ́ a n liɛ wa, a n bɛ dɔ yii.

LAWA A BOO SONBORE 2011

² A din sii goon nə min tumaa yii. A din sii goon nə min pepere laanka min baraa yii. Min mɛn bɛ́ wúlu boe, a n bɛ yii, min mɛn bɛ́ a wúlu boe wa, a n bɛ dɔ yii. A n min bǐɛ̃ yii, ka sii baraa-zɛnaali dɔ nɛ. Min mɛn bɛ́ n liɛ, a n bɛ yii, min mɛn bɛ́ a n liɛ wa, a n bɛ dɔ yii.

Boo-laakalaali 9:2 ပူးပေါင်းရင်းမြစ်များ

Siin Giala 24:3

N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Zɔbu 9:22

A din goon ne, a din lɛ n ke má pɛ: A n zɛ̀rɛbaãnaa dii, ka a bɛ́ zɛ̀rɛdɛnaa dii lɔn.

Loen 73:3

A giala, ma foo na á goã wuu pii din gole-kɔlen kɛn li, ma yii na a ganaa, min baraan sii n bǐɛ̃ koe.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Boo-laakalaali 3:19

A giala sii mɛn bɛ́ minbuiinin yii, a din lɛ dɔ n tɔɔn yii. Sii goon nə ǹ dinin tumaa yii. Tɔɔn bɛ́ giɛ̃ lɔn, minbuiin nɛn dɔn man giɛ̃ miɛ̃. Fɔfoã mɛn bɛ́ ǹ nɛ, a n goon. Minbuiin nɛ ba soɛ tɔɔ-n wa. Sii kɔn din giala banban.

Boo-laakalaali 6:6

Ta goon kɛ lɛ din na á nyin sasa yɛ, á woo n timəə lɛ̀ duu goon la gunyin paa, a yii-nyɛɛ yii wa. Táa ǹ tumaa a woo ǹ bǎã n goon?

Boo-laakalaali 7:18

Á siĩni n nə n gɔn paraa bɛ lɛ ganaa, n nə n gɔn paraa bɛa doree màn paa kɛ lɛ ganaa. A giala, min mɛn bɛ́ nyɛ́ɛ biɛ Lawa nɛ, a foɛ̃ bɛa sii paa kɛ lɛ kɔn baalɛ wa.

Boo-laakalaali 7:2

Gɛ̀ gã kion mɛn nɛ, bɛa woo á soɛ, kion kɛ wɔ nɛ, zɔ́n ná a nɛ. A giala, gɛ̀ lɛ n min tumaa a gɔn nyɔmɔɔ ǹ bǎã lɛa. Yǎa yiikoonaan nə n yiri koɛ bɛ li taãnɛ.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Boo-laakalaali 9:3

A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

Zeremii 43:6

Giĩn nə́ goã ǹ tan, lɔn nɛ, nɛnyaanan nɛ, kii a nɛlɔn nɛ, ka min mɛnɛn bɛ́ bǎã-lɛduə̃lin goledɛnaa Nebuzaradan nə́ ǹ koa Ayikaamu a nɛgiĩ Gedalia li, Safan a nɔ̀ɔn lɛa. Ǹ nə́ Lawa a boo gii-dali Zeremii dɔ kũ ka Neriya a nɛgiĩ Baruku ni.

Malakii 3:15

Wɔ́ dɔ̃ kanna kəni, din gole-kɔlen lɛn man ke ǹ foo n kɔɔ̃nɛ. Sii baraa-zɛnaalin lɛn man ke màndɛnan lɛa. Ta ǹ nə́ ga Lawa lɛ li, maǹ nə n boe a-n biikoo yii li.»

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Samayeli1 14:26

Sɔraasin lɛn bɛ́ ǹ nə́ wɔ daã lɛ nɛ ǹ mɛn waáraa, bɛ̀ zoo nyɔɔ lɛ á ke baa si tán a nɛ. Sɛnɛ, min kɔn gɔn wo a lɛ-a wa, a giala, zaman lɛ na á goã nyɛ́ɛ biɛ Sayulu a liɛ lɛ nɛ.