Boo-laakalaali 9:13 - LAWA A BOO SONBORE

¹³ Sii-doɛ̃ wɔ paǹ li, má n yiri kɔ sii kɔn li kanaa kɛ nɛ, á sii gole lɛa ma yii li.

LAWA A BOO SONBORE 2011

¹³ Sii-doɛ̃ wɔ paǹ li, má n yiri kɔ sii kɔn li kanaa kɛ nɛ, á sii gole lɛa ma yii li.

Boo-laakalaali 9:13 ပူးပေါင်းရင်းမြစ်များ

Samayeli2 20:22

Lɔ lɛ woo dɔ zaman lɛ tumaa li ka a sii-doɛ̃ boo lɛ nɛ, a ná a yɔrɔ nyaa ǹ nɛ. Ǹ nə́ Bikrii a nɛgiĩ Sebaa mìi kuru, ǹ nə́ zũ Zoabu la. Bɛ kio, Zoabu bɛn pɛ. Zia-baalin lɛn nə́ n zɔ̃ ǹ nə́ n bɔ kiwi lɛ ganaa, ǹ nə́ sasawaa, didie woo piɛ. Zoabu sɛ nə́ n bɔyaa á woo kii li Zeruzalɛmu.

Boo-laakalaali 6:1

Má koe sii goon yɛ kanaa kɛ nɛ, á guguru minin mìi ni.

Boo-laakalaali 7:15

A ma toa kanaa kɛ nɛ, má n ma a siin giala miɛ wa, ma yii sii tumaa yɛ. Min pepere n boe la a papaã a peperebaa gɔ́ɔ̃ nɛ. A da yaa, min baraa yii n boe la a goã koo, a baraabaa gɔ́ɔ̃ nɛ.

Boo-laakalaali 7:19

Sii-doɛ̃ n pàã koe sii-dɔ̃li la, a la goledɛnaa fù wɔ nɛ kiwi.

Boo-laakalaali 8:16

Min bɛ́ siɛ lɔn a tɔn sii-dɔ̃li baa, má da ma foo ne, máa ma bɛ giala ma. Minbuiin nɛ bɛ́ màn mɛn tumaa zɛnɛɛ kanaa kɛ nɛ, má n yii wɔ bɛ gɔ́ɔ̃-n sɔnbɔraanɛ. Má yɛ, máa ta wɔ n goɛ̃ wɔ yii ń koo, tèlò laanka penleen ne, wɔ ba boe la, wɔ Lawa a sii zɛnaa giala ma wa. Minbuiinin tá boe la, ǹ nə n gɔ̀nɔn da ǹ dinin-a, ǹ ga a giala li, sɛnɛ ǹ ba yii wa. Ta sii-dɔ̃li din pɛ mà asɛ á doɛ̃, a ba boe la, a na a giala ma wa.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Boo-laakalaali 9:14

Kiwi boɛɛn goon na á goã, a zaman ba tɛ wa. Kii gole goon na á daa kɔ lɛ á kũ, á bǎãn tã a ganaa.