Boo-laakalaali 9:1 - LAWA A BOO SONBORE

¹ Ma màn mɛn tumaa yɛ, má tɔ́n nə n yii wɔ bɛ nɛ, má ga a ganaa. Má yɛ, máa min peperen ne, sii-dɔ̃lin ni, ǹ nya ǹ dín ni, maǹ Lawa gɔn. Lawa n die n yɔrɔ bǐɛ̃ diɛ minbuiin nɛ la, hinlaa a na a die n yɔrɔ bǐɛ̃ diɛ la wa, min ba bɛ doɛ̃ wa. Min ba boe la a bɛ kɔn toa nyɛɛnɛ a dɔ̃ wa.

LAWA A BOO SONBORE 2011

¹ Ma màn mɛn tumaa yɛ, má tɔ́n nə n yii wɔ bɛ nɛ, má ga a ganaa. Má yɛ, máa min peperen ne, sii-dɔ̃lin ni, ǹ nya ǹ dín ni, maǹ Lawa gɔn. Lawa n die n yɔrɔ bǐɛ̃ diɛ minbuiin nɛ la, hinlaa a na a die n yɔrɔ bǐɛ̃ diɛ la wa, min ba bɛ doɛ̃ wa. Min ba boe la a bɛ kɔn toa nyɛɛnɛ a dɔ̃ wa.

Boo-laakalaali 9:1 ပူးပေါင်းရင်းမြစ်များ

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Zɔbu 27:12

Ka dinin tumaa bɛ́ ka Lawa a nya ǹ dí lɛ yɛ. Wàa na á baa doo, ká n tɔn taasiɛ kooro we?

Zɔbu 5:8

Bɛ̀ masɛ nɛ, man maa sii lɛ pii Lawa nɛ, man maa sii lɛ toɛ Lawa gɔn.

Loen 10:14

Sɛnɛ, Lawa, ǹ bɛ́ basaã mɛn koe minin manɛ, ǹ nə́ fuu nyɛɛ ǹ nɛ, n din bɛ tumaa yɛ. Ǹ sii tumaa saa n gɔn. Doobaa na a sii tumaa toɛ n din gɔn. N din nə n doe nɛ toen lɛ.

Loen 119:109

Koe n ma lɛnpɛnɛ biikoo tumaa li, sɛnɛ, masɛ yiri a boe ka n landa boon kɛn nɛ wa.

Loen 31:5

Ǹ kan mɛn koa ma nɛ, n din tá re ma kanbiɛ bɛ ganaa, a giala, n din nə ma tamaali lɛa.

Loen 73:3

A giala, ma foo na á goã wuu pii din gole-kɔlen kɛn li, ma yii na a ganaa, min baraan sii n bǐɛ̃ koe.

Suusun 16:3

N bɛ́ sii mɛn tumaa zɛnɛɛ, a sii wɔ Dɛnaa Lawa gɔn. Ń sii mɛn lɛ bɔ, bɛ á re yɔrɔ yii.

Boo-laakalaali 1:17

Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.

Boo-laakalaali 10:14

Baãnaa n boo mɔnɛɛ. Sii mɛn bɛ́ re n zɛnɛɛ, minbuiin nɛ ba bɛ doɛ̃ wa. Sii mɛn bɛ́ re n zɛnɛɛ a gɛ̀ kio, die n die bɛ pii ni?

Boo-laakalaali 7:15

A ma toa kanaa kɛ nɛ, má n ma a siin giala miɛ wa, ma yii sii tumaa yɛ. Min pepere n boe la a papaã a peperebaa gɔ́ɔ̃ nɛ. A da yaa, min baraa yii n boe la a goã koo, a baraabaa gɔ́ɔ̃ nɛ.

Boo-laakalaali 7:25

Má tɔ́n nə n din kɔ, daraa laanka ga sii giala li la. Sii-doɛ̃ bɛ́ màn mɛn lɛa, man má goã zoɛ̃ bɛ li, ka siin woo ǹ bǎã dɔ nɛ. Má yɛ, máa baraabaa hinlaa baãnaabaa n gàãnaabaa lɛa.

Boo-laakalaali 8:14

Sii goon tá n zɛnɛɛ kanaa kɛ nɛ, a giala banban. Min peperen manə ǹ tan, min baraan nə kɔnbɔ ka sii mɛn nɛ, bɛ nə ǹ yii. Min baraan dɔn manə ǹ tan, min peperen nə kɔnbɔ ka sii mɛn nɛ, bɛ nə ǹ yii. Ka ma pɛ lɔn lɛn, bɛ ba a zii la wa! Kɛ yɛ masɛ nɛ.

Boo-laakalaali 8:16

Min bɛ́ siɛ lɔn a tɔn sii-dɔ̃li baa, má da ma foo ne, máa ma bɛ giala ma. Minbuiin nɛ bɛ́ màn mɛn tumaa zɛnɛɛ kanaa kɛ nɛ, má n yii wɔ bɛ gɔ́ɔ̃-n sɔnbɔraanɛ. Má yɛ, máa ta wɔ n goɛ̃ wɔ yii ń koo, tèlò laanka penleen ne, wɔ ba boe la, wɔ Lawa a sii zɛnaa giala ma wa. Minbuiinin tá boe la, ǹ nə n gɔ̀nɔn da ǹ dinin-a, ǹ ga a giala li, sɛnɛ ǹ ba yii wa. Ta sii-dɔ̃li din pɛ mà asɛ á doɛ̃, a ba boe la, a na a giala ma wa.

Boo-laakalaali 8:7

Sii mɛn bɛ́ re n zɛnɛɛ, a bɛ doɛ̃ wa. Bɛa sii lɛ bɛ́ re n zɛnɛɛ lɔn, die n die bɛ pii ni?

Boo-laakalaali 9:6

Ǹ kɔn-narɛɛ nɛ, ǹ baa zɔ́ɔbaa nɛ, ǹ foo a wuu pɛ nɛ, bɛn nə́ nya gɔrɔ. Màn mɛn din tumaa bɛ́ n zɛnɛɛ kanaa kɛ nɛ, ǹ ba re, ǹ wɔ gii yii bɛ-n doo duduu wa.

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Zeremii 43:6

Giĩn nə́ goã ǹ tan, lɔn nɛ, nɛnyaanan nɛ, kii a nɛlɔn nɛ, ka min mɛnɛn bɛ́ bǎã-lɛduə̃lin goledɛnaa Nebuzaradan nə́ ǹ koa Ayikaamu a nɛgiĩ Gedalia li, Safan a nɔ̀ɔn lɛa. Ǹ nə́ Lawa a boo gii-dali Zeremii dɔ kũ ka Neriya a nɛgiĩ Baruku ni.

Timəə dí-pɛn 33:3

Sonbore, Dɛnaa Lawa á minin narɛ, min mɛnɛn bɛ́ a wɔn lɛa, ǹ mɛnɛn bɛ́ woe giɛ̃ tán a li, bɛ̀ ǹ nə n too kɔ a boo li, bɛn lɛn sii na a gɔn.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Samayeli1 2:9

Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.