Boo-laakalaali 8:8 - LAWA A BOO SONBORE

⁸ Min kɔn nyin biɛ ba a din gɔn, a tɔn boo la a tamaa wa. Min kɔn ba boe la, a na a gɛ̀ lɛawaa zɔ̃ a wo-n nyɛɛn wa. Bɛa zia kɛ lɛ miã, la ǹ gɔn banban wa. Min mɛnɛn bɛ́ baraabaa zɛnɛɛ, baraabaa lɛ ba re ǹ sii a ǹ kaa wa.

LAWA A BOO SONBORE 2011

⁸ Min kɔn nyin biɛ ba a din gɔn, a tɔn boo la a tamaa wa. Min kɔn ba boe la, a na a gɛ̀ lɛawaa zɔ̃ a wo-n nyɛɛn wa. Bɛa zia kɛ lɛ miã, la ǹ gɔn banban wa. Min mɛnɛn bɛ́ baraabaa zɛnɛɛ, baraabaa lɛ ba re ǹ sii a ǹ kaa wa.

Boo-laakalaali 8:8 ပူးပေါင်းရင်းမြစ်များ

Samayeli2 14:14

Minbuiin nɛ tumaa doamaa nɛ a gã sɛn. Bɛ̀ minbuiin nɛ dɔ́ gã, a n goon ka mu na á kaa tán, a ba n goɛ wa. Sɛnɛ, Abusalɔn wɔ kɛ bɛ́ a bie gɛ̀ lɛa wa. Á bɛ́ á min mɛn na á bɔ n ganaa, Lawa n giɛ li, bɛ nyan goã kanaa wa.

Kiin2 7:15

Ǹ nə́ woo Siirii minin lɛn basa la, yǎa ǹ nə́ dɔ Zurdɛ̃ tà li. Á ke, Siirii minin lɛn nə goã ǹ nə́ kɔ zii mɛn lɛ bɛ̀ ǹ bɛ́ baa si, dia dí-a wolen lɛn nə́ mɔnaan laanka ǹ mànan gigiã yɛ kaa-n tán bǎã yii ni. Ǹ nə́ wusoo ǹ nə́ daa a boo da kii lɛ nɛ.

Zɔbu 14:5

N bɛ́ ń lɛawaa lɛ koa a tá kanaa la, ń ná a mui lɛ nimi ń koa, ń biikoo koa, a doamaa bie a kiɛ̃ bɛ la wa,

Zɔbu 34:14

Bɛ̀ Lawa nə n taasɛ ka a dinsɔɔ̃ a sii ni, bɛ̀ a na a yiikoonaa baa ǹ piɛ̃ kɛ sii soekɔn a din li,

Loen 89:48

N yiri koa ma nɛ. Minbuiin nɛ nyin lɛ á kunu, á la yii ni. Ka n pɛ, mà ma nə n zɛnaa papaã taman yii!

Loen 9:17

Dɛnaa Lawa nə́ n din nyaa, á kiri kuru. Á min baraa kũ a din a kan nɛ. Ka tùtu wuu gisĩ. *Doa.

Suusun 12:3

Min mɛn bɛ́ sii baraa zɛnɛɛ, a gòã á tán wa. Sɛnɛ, sii sonbore zɛnaa wole gòã n we-n tán, bìn ba n diɛ a ganaa wa.

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Boo-laakalaali 3:21

Fɔfoã mɛn bɛ́ minbuiin nɛ nɛ, die n bɛ doɛ̃? A n die woe lon, tɔɔ a fɔfoã sɛ n gisĩ woe tán?

Boo-laakalaali 8:13

Sɛnɛ, yii-nyɛɛ ba re yii, sii baraa zɛnaali lon wa. A n die kiɛ̃ ka wúlu bɛ́ lɔn, a nyin nya kunu, a giala, a ba nyɛ́ɛ biɛ Lawa yii-n wa.

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 28:18

Ka lɛ kɔ kɔn la mɛn wɔ ka gɛ̀ nɛ, bɛ á re sàabiɛ, ka ǹ mɛn dɔ wɔ ka geren ne, bɛ dɔ a re yɔrɔ yii wa. Bɛ̀ koe daa, á re ka yɔyɔrɛ.

Izayii 47:10

Ma nə n goã n foo doɛ n sii bɔbɔnɛɛn kɛn ganaa. Ma nə n goã taasɛ: «Min kɔn yii ba ma ganaa wa.» N yiridɛnaabaa laanka n sii-doɛ̃n lɛn man nə́ n sã. Ma nə́ n goã taasɛ: «Ma miã banban, min kɔn ba ka ma bɛ́ lɔn wa.»

Korɛnti1 15:43

Bɛ̀ ǹ nə́ da yala-n, a n bɔbɔnɛɛ, pàã ná a ba a lon wa. Bɛ̀ a yii kaa, a n goɛ̃ siĩni, a n kaka.

Korɛnti2 13:4

Taãn nɛ, maǹ nə́ dere gɔn ganaa pàãwɛɛnaabaa gɔ́ɔ̃ nɛ, sɛnɛ, a yii n koo Lawa a boo sii la pàã ganaa. Masɛ dɔ n pàãwɛɛnaa lɛa maa tá kun ka Krita gɔ́ɔ̃ nɛ, sɛnɛ, maa sii-zɛnaa gɔ́ɔ̃ nɛ kasɛn wɔ paǹ li, ma yii n koo kun ka a din ni Lawa a boo sii la pàã ganaa.

Ebrəə 9:27

A n minbuiin nɛ gogoonmaa mìi ni, a gã gunyin goon toto, bɛ kio kiri dɔ a ganaa.