Boo-laakalaali 8:13 - LAWA A BOO SONBORE

¹³ Sɛnɛ, yii-nyɛɛ ba re yii, sii baraa zɛnaali lon wa. A n die kiɛ̃ ka wúlu bɛ́ lɔn, a nyin nya kunu, a giala, a ba nyɛ́ɛ biɛ Lawa yii-n wa.

LAWA A BOO SONBORE 2011

¹³ Sɛnɛ, yii-nyɛɛ ba re yii, sii baraa zɛnaali lon wa. A n die kiɛ̃ ka wúlu bɛ́ lɔn, a nyin nya kunu, a giala, a ba nyɛ́ɛ biɛ Lawa yii-n wa.

Boo-laakalaali 8:13 ပူးပေါင်းရင်းမြစ်များ

Zɔbu 14:2

A n da buũ lɛa, n lɛ buĩ bɛ̀ a wusoo a na a mɛnaa. A n da wúlu lɛa baa sii, a beleboe wa.

Zɔbu 18:5

Sɛnɛ, min baraa a tɛ fúlu á re nimi, a kùsì tɛ á re kuĩ lɛ diɛ.

Zɔbu 20:5

mà min baraan nyɛnyɛɛ a tɛ wa, Lawa bɔlɔ-tiili a foo kɔɔ̃nbaa a lui wa.

Zɔbu 21:30

Bɛ̀ bɔ̀n daa ǹ mɛn pinaa, a min baraa yii wa. Lawa a foo-yoo pinaa, asɛ n kanbiɛ.

Loen 11:5

Dɛnaa Lawa n min pepere a sii gɔsiɛ. Min baraa nɛ, ka kakaarɛbaa bɛ́ kɔɔ̃n min mɛn ganaa, a n bɛn biɛ zɔ́ɔ.

Loen 144:4

Minbuiin nɛ n ka piɛ̃ bɛ́ lɔn, a tá kanaa lɛ n kiɛ̃ ka lɛ̀ wúlu ni.

Loen 37:1

Davida a loe n ke. N foo baran busu min baraan zɛnaa ǹ sii a lɛa wa. N yii baran bɔ sii baraa-zɛnaalin zɛnaa ǹ sii li wa.

Loen 39:5

Dɛnaa Lawa, ma nyin bɛ́ re nyɛɛ ǹ mɛn waáraa, bɛ pɛ ma nɛ. Ma bɛ́ tɔn lɛawaa lɛ mɛn zɛnɛɛ kanaa, bɛ pɛ ma nɛ. Ma á re doɛ̃ kəni, máa ma a màn kɔn lɛa wa.

Loen 55:23

N taasiɛ siin tumaa kɔ Dɛnaa Lawa la. Á re pàã koe n la. A re toɛ min pepere lɛ tatalaa duduu wa.

Boo-laakalaali 3:14

Má dɔ̃, máa Lawa bɛ́ sii mɛn tumaa zɛnɛɛ, bɛ n bele-boe yǎa duduu. Màn kɔn ba n diɛ li doɛ̃ wa, màn kɔn ba n boe lɛ doɛ̃ wa. Lawa n bɛ zɛnɛɛ, màn mɛn bɛ́ toɛ ǹ nyɛ́ɛ baa asɛ yii ni.

Boo-laakalaali 5:7

Bɛ̀ ń yɛ gána nɛ, ǹ nə́ boe doobaa yii ni, ǹ nə́ sii yɔrɔ bɔ ǹ zii laanka peperebaa toɛ walan, bɛ baran kaãbaa da n-a wa. A giala, min mɛn nə́ ke nyɛɛn gole, min kɔsɔ tan gole bɛ dɔ mìi la, bɛn dɔn mìi la doo, minin tan dadara.

Boo-laakalaali 6:12

A minbuiin nɛ toa a yii ń koo, a bɛ́ lɛawaan mɛnɛn zɛnɛɛ kanaa, yii ná a doe ǹ gɔ́ɔ̃-n wa, bɛn man kiɛ̃ fufuu ka wúlu bɛ́ lɔn. Bɛa lɛawaan lɛn gɔ́ɔ̃ nɛ, màn mɛn bɛ́ siĩn minbuiin nɛ wɔ lɛa, die n bɛ doɛ̃? Sii mɛn bɛ́ re minbuiin nɛ yii a kanaa toa kio, die n boe la a bɛ pɛ nɛ?

Boo-laakalaali 7:15

A ma toa kanaa kɛ nɛ, má n ma a siin giala miɛ wa, ma yii sii tumaa yɛ. Min pepere n boe la a papaã a peperebaa gɔ́ɔ̃ nɛ. A da yaa, min baraa yii n boe la a goã koo, a baraabaa gɔ́ɔ̃ nɛ.

Boo-laakalaali 7:18

Á siĩni n nə n gɔn paraa bɛ lɛ ganaa, n nə n gɔn paraa bɛa doree màn paa kɛ lɛ ganaa. A giala, min mɛn bɛ́ nyɛ́ɛ biɛ Lawa nɛ, a foɛ̃ bɛa sii paa kɛ lɛ kɔn baalɛ wa.

Boo-laakalaali 8:8

Min kɔn nyin biɛ ba a din gɔn, a tɔn boo la a tamaa wa. Min kɔn ba boe la, a na a gɛ̀ lɛawaa zɔ̃ a wo-n nyɛɛn wa. Bɛa zia kɛ lɛ miã, la ǹ gɔn banban wa. Min mɛnɛn bɛ́ baraabaa zɛnɛɛ, baraabaa lɛ ba re ǹ sii a ǹ kaa wa.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Izayii 30:13

Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

Izayii 57:21

Maa Lawa pɛ: «Yii-nyɛɛ goon din banban min baraan wɔ lɛa wa.»

Izayii 65:20

Nɛnyaan tiɛɛ̃n ba re yii, a ná a beleboe wa. Min zizin ba re giɛ̃, bɛ̀ ǹ nə́ ǹ zizi kɔ wa. Min mɛn bɛ́ re giɛ̃ ten, bɛ n die goɛ̃ lɛ̀ paabiɛ. Bɛ̀ min mɛn gã a ná a dɔ lɛ̀ paabiɛ wa, bɛ n goon ka lɛn baraa bíi ni.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Zaã a sɛ́wɔ 5:29

ǹ yii á die kiɛ. Min mɛnɛn bɛ́ ǹ nə́ goã sii bǐɛ̃ zɛnɛɛ, bɛn yii á die kiɛ ǹ yiikoonaabaa yɛ, min mɛnɛn bɛ́ ǹ nə́ goã sii baraa zɛnɛɛ, bɛn yii á die kiɛ, dɔlɔ nə n bɔ ǹ ganaa.

Zaaki 4:14

A da yaa, ka a màn kɔ́n dɔ doɛ̃ ka dinin wɔ gɔn la biɛ̃ ǹ sii gɔ́ɔ̃-n wa! A giala, ka a beleboe wa. Ka n ka furuməə bɛ́ lɔn, bɛ̀ á bɔ, boɛɛn nɛ gɔrɔ, a n papaɛ̃.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.