Boo-laakalaali 7:14 - LAWA A BOO SONBORE

¹⁴ Nyɛnyɛɛ biikoo li, n nyɛnyɛɛ. Nɔmaa biikoo li, n taasɛ. Lawa bɛ́ á yii-nyɛɛ lɛ zɛnaa lɔn, a na á nɔmaa lɛ dɔ zɛnaa miɛ̃, màn mɛn bɛ́ toɛ, minbuiinin baran ǹ dinin biɛ̃ ǹ sii kɔn dɔ̃ wa.

LAWA A BOO SONBORE 2011

¹⁴ Nyɛnyɛɛ biikoo li, n nyɛnyɛɛ. Nɔmaa biikoo li, n taasɛ. Lawa bɛ́ á yii-nyɛɛ lɛ zɛnaa lɔn, a na á nɔmaa lɛ dɔ zɛnaa miɛ̃, màn mɛn bɛ́ toɛ, minbuiinin baran ǹ dinin biɛ̃ ǹ sii kɔn dɔ̃ wa.

Boo-laakalaali 7:14 ပူးပေါင်းရင်းမြစ်များ

Kiin1 8:47

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

Zɔbu 2:10

Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

Loen 119:71

Maa nɔmaa kɛ din na á bǐɛ̃ baa ma ganaa. Á ke á toa má n foo siin dɔ̃.

Loen 40:3

Á ma bɔ nyankɔrɔ baraa kɛ nɛ, á ma bɔ bɛrɛɛ nyankɔrɔ zuzulu kɛ nɛ. Á ma saa á ma da lon, á ma gòãn kaa gɛ̀fu la, á ma foo doa.

Boo-laakalaali 10:14

Baãnaa n boo mɔnɛɛ. Sii mɛn bɛ́ re n zɛnɛɛ, minbuiin nɛ ba bɛ doɛ̃ wa. Sii mɛn bɛ́ re n zɛnɛɛ a gɛ̀ kio, die n die bɛ pii ni?

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Boo-laakalaali 12:8

Sii-dɔ̃li lɛ na á pɛ mà: a giala din na a banban, sii woo sii, a giala din na a banban.

Boo-laakalaali 3:22

Má tɔ́n yɛ, máa màn kɔn din ba soɛ minbuiin nɛ ganaa wa. Bɛ̀ á n bɔ, a bɛ́ dín mɛnɛn nyɛɛ, a n nyɛnyɛɛ bɛn la. Bɛ lɛ na a wɔ gii lɛa, a giala sii mɛn bɛ́ re n zɛnɛɛ a gɛ̀ kio, die n die kuĩ a da bɛ nyaa nɛ?

Boo-laakalaali 3:4

Wuu-pɛ biikoo tan, yaa-wɔ biikoo tan. Lala-diɛ biikoo tan, bɛ̀-baa biikoo tan.

Boo-laakalaali 5:17

Ma màn mɛn yɛ siĩni, bɛ á ke: min nə siĩni, a màn bii, a màn mi. Lawa bɛ́ á lɛawaan mɛnɛn kɔ la kanaa, a bɛ́ dí mɛn tumaa nyɛɛ bɛn gɔ́ɔ̃ nɛ, a bɛ́ màn mɛn tumaa boe bɛ nɛ, a n siĩni, a n nyɛnyɛɛ bɛ la, a giala a wɔ gii n ka bɛ lɛ nɛ.

Boo-laakalaali 8:7

Sii mɛn bɛ́ re n zɛnɛɛ, a bɛ doɛ̃ wa. Bɛa sii lɛ bɛ́ re n zɛnɛɛ lɔn, die n die bɛ pii ni?

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 42:25

Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Busii pɛ 3:38

Lon a Lawa a boo bie die ka sii tumaa-n wa? Koe ne ka là nyantoro ne.

Misee 6:9

Dɛnaa Lawa lɛ á boe kiwi lɛ gialaa. Min mɛnɛn bɛ́ nyɛ́ɛ biɛ nɛ, á die bɛn kirisibiɛ. Dɔlɔ mɛn nə n da ka mìi ni, ka n yii da bɛ la. Min mɛn dɔ da ka mìi ni, ka n too kɔ bɛ lon.

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Timəə dí-pɛn 26:11

Kaa Lawa, Dɛnaa Lawa bǐɛ̃ mɛn tumaa baa ka la, ka dinin laanka kaa kion minin ni, ka bɛa nyɛnyɛɛ wɔ kun ka *Levii tɔrɔn laanka gùlin kɛn nɛ, ǹ mɛnɛn lɛn bɛ́ giã-n ka bii.

Timəə dí-pɛn 28:47

Ka bɛ́ re goɛ̃ kiɛ̃ nɛ ǹ mɛn waáraa, bɛ̀ ka dí nya kaa Lawa, Dɛnaa Lawa lɛ n bɛa waáraa ka nyɛnyɛɛ laanka foo sonbore-n wa,

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Timəə dí-pɛn 8:5

Ka dɔ̃ ka bɛ lɛ-n kəni, mà kaa Lawa, Dɛnaa Lawa lɛ n giɛ li a ka doroo, ka díi bɛ́ a nɛ doree lɔn.

Zaaki 5:13

Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.