Boo-laakalaali 5:2 - LAWA A BOO SONBORE

² Sonbore, taasiɛ gigiã n die ka narɛɛ nɛ. Boo gigiã n min biɛ baãnaa lɛa.

LAWA A BOO SONBORE 2011

² Sonbore, taasiɛ gigiã n die ka narɛɛ nɛ. Boo gigiã n min biɛ baãnaa lɛa.

Boo-laakalaali 5:2 ပူးပေါင်းရင်းမြစ်များ

Siin Giala 18:27

Abrahamu wusoo á pɛ: «Masɛ mɛn bɛ́ tii kooro laanka ton lɛa, man die n yii we maa Dɛnaa la, ma boo da nɛ.

Siin Giala 18:30

Abrahamu wusoo á pɛ: «Dɛnaa, n foo baran yoo ma li wa. Toa ma boo da doo. Kɔntan, pɔsɔɔ á yii kiwi lɛ nɛ.» Dɛnaa pɛ doo: «Bɛ̀ ma bɛa min pɔsɔɔ lɛ yɛ a nɛ, ma á kiwi lɛ toɛ walan.»

Siin Giala 18:32

Bɛ tumaa kio, Abrahamu mà Dɛnaa ganaa: «N foo baran yoo ma li wa. Toa ma maa boo giala-nyɔmɔɔ da n nɛ. Kɔntan, a fù á boe la a yɛ a nɛ!» Dɛnaa pɛ doo: «Bɛ̀ fù yɛ a nɛ, ma á kiwi lɛ toɛ walan.»

Siin Giala 28:20

Bɛ kio, Zakɔba nə́ n lɛ koa Lawa li á pɛ: «Bɛ̀ Lawa tá kun ka masɛ nɛ, ma bɛ́ zii tɔ mɛn we, bɛ̀ á ma tamaa bɛ gɔ́ɔ̃ nɛ, bɛ̀ á màn-bii kɔ ma la ka wɔ ǹ mɔnaa nɛ,

Siin Giala 28:22

Ma kɔlɔ doa bǎã mɛn nɛ, bɛa bǎã lɛ á re Lawa a kion biɛ. Lawa bɛ́ re màn woo màn koe masɛ la, ma á re a fùbaa ǹ wɔ boe a wɔ lɛa.»

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Suusun 10:19

Boo gigiã diɛ n die ka siɛ̃ nɛ. Min mɛn bɛ́ a boo gigiã diɛ wa, yiridɛnaa nɛ.

Suusun 20:25

Min mɛn bɛ́ pii ka baãnaabaa nɛ mà «Dɛnaa Lawa wɔ n ka kɛ nɛ», a n lɛ kɔ we a ná a ba n taasɛ wa, a n kan koe a din ni.

Boo-laakalaali 10:12

Sii-dɔ̃li lɛ gɔ́ɔ̃ ǹ boo á kiɛ foo la. Sɛnɛ, baãnaa lɛ na a din bɔ̀n biɛ.

Boo-laakalaali 10:13

Baãnaa a boo giala kɔ n baãnaabaa ǹ boo lɛa, a boo gɔn nyɔmiɛ̃ n gàãnaabaa ǹ boo taãn-taãn lɛa.

Boo-laakalaali 5:3

Bɛ̀ ń lɛ-kɔ wɔ Lawa nɛ, n baran n lɔlɔɔ a lɛ piɛ̃ li wa. A giala baãnaan sii ba kiɛ Lawa foo la wa. N bɛ́ ń lɛ-kɔ mɛn wɔ, bɛ lɛ pã.

Boo-laakalaali 5:7

Bɛ̀ ń yɛ gána nɛ, ǹ nə́ boe doobaa yii ni, ǹ nə́ sii yɔrɔ bɔ ǹ zii laanka peperebaa toɛ walan, bɛ baran kaãbaa da n-a wa. A giala, min mɛn nə́ ke nyɛɛn gole, min kɔsɔ tan gole bɛ dɔ mìi la, bɛn dɔn mìi la doo, minin tan dadara.

Izayii 55:9

Lon laanka tán wɔlɔ bɛ́ sɔsɔɔ kɔn-a lɔn, maa sii zɛnaa ǹ gɔn laanka kaa wɔ wɔlɔ n lui-n kɔn miɛ̃, maa taasiɛn laanka kaa taasiɛn dɔn man miɛ̃.

Lawa a wúlu-bɔlen 5:4

Bɛ̀ min lɛ sã á n liɛ a ná a n taasɛ wa, ta sii mɛn din ni, min a là ta a-n hinlaa a là ba a-n wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.

Matiə 6:7

Bɛ̀ ka tá Lawa nyankoe, ka baran boo gigiã da, ka min kooron bɛ́ zɛnɛɛ lɔn wa. Maǹ taasɛ mà bɛ̀ ǹsɛn nə́ boo gigiã da, mà bɛ lɛ n toɛ Lawa nə n too kɔ ǹsɛn lon.

Matiə 6:9

Ka doamaa nɛ ka Lawa nyankɔ kɛnɛn: Wɔ Di mɛn bɛ́ lon, toa n tɔ gole kɔ.

Marki 6:23

Á tɔ́n liɛ kɛ wɔ nɛ mà a bɛ́ re màn woo màn nyankoe asɛ lon, mà asɛ á die koe la, haalɛ ta asɛ a pàã lɛ a talɛɛ din ni.

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.

Sii yɔrɔ-bɔlen 11:30

Zɛftee nə́ n lɛ kɔ Dɛnaa Lawa la á pɛ: «Bɛ̀ ń Amɔn tɔrɔn kɛn wɔ ma gɔn sonbore,