Boo-laakalaali 5:18 - LAWA A BOO SONBORE

¹⁸ Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

LAWA A BOO SONBORE 2011

¹⁸ Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

Boo-laakalaali 5:18 ပူးပေါင်းရင်းမြစ်များ

Loen 42:8

Ma gɔ́ɔ̃ nə́ n lɔlɔkɔn ka mu bɛ́ lɔn. A wuu n boe lon bɛ̀ a kaa, a nə n duwii tán miɛ̃, a n birikəə̃. Bɛa foo-ziziɛ̃ lɛ, n din nə́ n toa a ma mui ka mu bɛ́ min mui lɔn.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 2:10

Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Boo-laakalaali 2:3

Má bɔ ma foo ne, máa man die n din koe duvɛ̃ la. A ma yii toa kɔɔ̃nɛ, má n sii doɛ̃, máa man die n gɔn parɛɛ gàãnaabaa ganaa, yǎa ma doɛ̃, sii mɛn bɛ́ siĩni, minbuiin nɛn nə zɛnaa ǹ yiikoonaabaa biikoo li, kanaa kɛ nɛ.

Boo-laakalaali 3:22

Má tɔ́n yɛ, máa màn kɔn din ba soɛ minbuiin nɛ ganaa wa. Bɛ̀ á n bɔ, a bɛ́ dín mɛnɛn nyɛɛ, a n nyɛnyɛɛ bɛn la. Bɛ lɛ na a wɔ gii lɛa, a giala sii mɛn bɛ́ re n zɛnɛɛ a gɛ̀ kio, die n die kuĩ a da bɛ nyaa nɛ?

Boo-laakalaali 6:2

Min nə ke, Lawa naforo kɔ la, ka gɔn màn laanka yii gugurubaa nɛ. Màn woo màn sii tá a ganaa, bɛ kɔn wɛɛ̃ ba a ganaa wa. Sɛnɛ, Lawa na a bii ǹ lɛ kɔ la wa, a giala min kɔsɔ n die bii. Bɛ dɔ giala banban, a n koe sii kaka lɛa.

Boo-laakalaali 8:15

Má tɔ́n pɛ máa nyɛnyɛɛ n sii sonbore lɛa a tɔ-a, a giala, màn kɔn din ba soɛ minbuiin nɛ ganaa, kanaa kɛ-n wa. Bɛ̀ á n bɔ, a màn bii, a màn mi, a n nyɛnyɛɛ. Bɛ lɛ na a dí lɛ a là lɛa, a tá kanaa lɛawaan kɛn gɔ́ɔ̃ nɛ, Lawa nə́ ǹ kɔ la.

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Zeremii 52:34

Bɛa yɔrɔ lɛ la, Zoakini laadoo goã màn mɛn tumaa ganaa baraabaraa a yiikoonaabaa tumaa gɔ́ɔ̃ nɛ, Baabiloniin kii bɛ tumaa kɔ la yǎa á woo kaa a gɛ̀ lɛ.

Korɛnti1 16:16

Bɛa min sonboren kɛn miãn laanka min mɛnɛn bɛ́ dí nyɛɛ kunun ǹ ni, ǹ nə́ ǹ nɔmaa gii kɔn, ka n doa ka bɛn lɛ si.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 26:11

Kaa Lawa, Dɛnaa Lawa bǐɛ̃ mɛn tumaa baa ka la, ka dinin laanka kaa kion minin ni, ka bɛa nyɛnyɛɛ wɔ kun ka *Levii tɔrɔn laanka gùlin kɛn nɛ, ǹ mɛnɛn lɛn bɛ́ giã-n ka bii.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.