Boo-laakalaali 5:17 - LAWA A BOO SONBORE

¹⁷ Ma màn mɛn yɛ siĩni, bɛ á ke: min nə siĩni, a màn bii, a màn mi. Lawa bɛ́ á lɛawaan mɛnɛn kɔ la kanaa, a bɛ́ dí mɛn tumaa nyɛɛ bɛn gɔ́ɔ̃ nɛ, a bɛ́ màn mɛn tumaa boe bɛ nɛ, a n siĩni, a n nyɛnyɛɛ bɛ la, a giala a wɔ gii n ka bɛ lɛ nɛ.

LAWA A BOO SONBORE 2011

¹⁷ Ma màn mɛn yɛ siĩni, bɛ á ke: min nə siĩni, a màn bii, a màn mi. Lawa bɛ́ á lɛawaan mɛnɛn kɔ la kanaa, a bɛ́ dí mɛn tumaa nyɛɛ bɛn gɔ́ɔ̃ nɛ, a bɛ́ màn mɛn tumaa boe bɛ nɛ, a n siĩni, a n nyɛnyɛɛ bɛ la, a giala a wɔ gii n ka bɛ lɛ nɛ.

Boo-laakalaali 5:17 ပူးပေါင်းရင်းမြစ်များ

Siin Giala 3:17

Bɛ kio á tɔ́n pɛ giĩ ni: «Ma bɛ́ má pɛ má laa n ganaa, máa n baran da mɛn a nɛ bii wa, n bɛ́ ń nə́ n saa n lɔ a boo li ń bii, man die lɛn pipiã bíi tán li, n din lɛ taman yii. N yiikoonaabaa gɔ́ɔ̃ nɛ, n la n die paparɛ n tɔn nə n lɛ-a ǹ bii yɛ a nɛ.

Kiin1 17:12

Lɔ giɔɔrɔ lɛ ná a lɛ si: «N Lawa, Dɛnaa Lawa Yiikoonaa lɛ tɔ nɛ, màn-bii kɔn ba ma lon wa. Wùsu gɔn yii goon dinsɔɔ̃ n ke ma lon kunun ni piɛ, ka nyɔɔ boɛɛn kɔn nɛ tàan nɛ. Bɛ̀ má gɔn kɔn yɔ, man woe piɛ, ma bɛ lɛ zɛnaa, ma laanka maa nɛgiĩ a màn-bii lɛa, wɔ bii, bɛ kio wɔ tɔn gã.»

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

Kiin2 1:6

Ǹ nə́ kii lɛ lɛ si mà giĩ goon na á daa n da ǹsɛn lɛ, á pɛ ǹsɛn man kɛnɛn: – Kii mɛn ka dia, ka n bɔyaa ka wo bɛ li ka pɛ nɛ: «Dɛnaaa Lawa mà Lawa na a banban Izirayeli gána nɛ a tá nɔ̀n diɛ la wa, yǎa a woe Ekrɔn kiwi a dì Baali-Zebubu li? Bɛ lɛ nɛ, a mɛ tán piì mɛn la, a die yui a n bɔ bɛ la doo wa, a giala a n die giɛ̃ a giala yii li.»

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Zɔbu 21:25

Min dɔ n giɛ̃ foo-ziziɛ̃ gɔ́ɔ̃ nɛ, a ná a yii-nyɛɛ nɛ̀n da wa.

Loen 102:9

Baraabaraa, maa zɔ́ɔn man sɔ kiɛ ma la. Ǹ foo yoomaa nɛ ma li, maǹ baraa bíi minin li, ka ma tɔ nɛ, mà nɔmaa nə ǹ yɛ ka masɛ bɛ́ lɔn.

Loen 127:2

Kaa yoo lɛlɛ kɛ lɛ, ká n dí nyɛɛ ka a n susui wa, ká n giɛ màn-bii li ká n fuu yii, a là banban. Lawa bɛ́ min mɛn narɛ, a n toɛ nyuù ni, a na a laadoo bǐɛ̃ kɔ.

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa.

Loen 78:33

Bɛ lɛ nɛ, á ǹ tá kanaa a lɛawaan baa ka piɛ̃ nɛ, á ǹ tá kanaa a lɛ̀n ziziɛ̃ ka foo biɛ na ǹ siin ni.

Boo-laakalaali 2:10

Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:23

A giala, a lɛawaan tumaa gɔ́ɔ̃ nɛ, nɔmaa dinsɔɔ̃ nɛ. Taásiɛ na a dí lɛa. A laan tèlò-n, susui ba la wa. Bɛ dɔ giala banban.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Boo-laakalaali 7:14

Nyɛnyɛɛ biikoo li, n nyɛnyɛɛ. Nɔmaa biikoo li, n taasɛ. Lawa bɛ́ á yii-nyɛɛ lɛ zɛnaa lɔn, a na á nɔmaa lɛ dɔ zɛnaa miɛ̃, màn mɛn bɛ́ toɛ, minbuiinin baran ǹ dinin biɛ̃ ǹ sii kɔn dɔ̃ wa.

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.