Boo-laakalaali 5:10 - LAWA A BOO SONBORE

¹⁰ Bɛ̀ gɔn màn mɔnaa, a biili dɔ n mɔnɛɛ. Wàa là nə ǹ dɛnaa wɔ lɛa? Bɛ̀ á n bɔ a yii mɛn bɛ́ a ganaa.

LAWA A BOO SONBORE 2011

¹⁰ Bɛ̀ gɔn màn mɔnaa, a biili dɔ n mɔnɛɛ. Wàa là nə ǹ dɛnaa wɔ lɛa? Bɛ̀ á n bɔ a yii mɛn bɛ́ a ganaa.

Boo-laakalaali 5:10 ပူးပေါင်းရင်းမြစ်များ

Loen 52:1

LOE-saalin goledɛnaa loe mɛn lɔ. Davida a loe.

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Boo-laakalaali 1:17

Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.

Boo-laakalaali 1:8

Màn din tumaa n dí nyɛɛ, minbuiin nɛ ba boe a pɛ la wa. Ga ba yii nàn boe wa. Too bɛ́ màn mɛn miɛ̃, bɛa piɛ̃ wa.

Boo-laakalaali 2:10

Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:11

Bɛ kio, ma goã má dín mɛnɛn tumaa nya, ma goã má fuu mɛn yɛ ka ǹ nya nɛ, má daa n yii wɔ bɛ nɛ má ga a ganaa. Sɛnɛ á ke! Bɛ kɔn giala banban, a n piɛ̃ loo lɛa. Là goon ba ǹ nɛ, kanaa kɛ-n wa.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Boo-laakalaali 3:19

A giala sii mɛn bɛ́ minbuiinin yii, a din lɛ dɔ n tɔɔn yii. Sii goon nə ǹ dinin tumaa yii. Tɔɔn bɛ́ giɛ̃ lɔn, minbuiin nɛn dɔn man giɛ̃ miɛ̃. Fɔfoã mɛn bɛ́ ǹ nɛ, a n goon. Minbuiin nɛ ba soɛ tɔɔ-n wa. Sii kɔn din giala banban.

Boo-laakalaali 4:16

Zaman mɛn tumaa bɛ́ nɛginin lɛ ń die goɛ̃ ǹ mìi la, bɛn man die mɔnɛɛ a tɔ-a. Sɛnɛ, min kɔsɔn mɛnɛn bɛ́ kio die, bɛn nə́ boe la ǹ nə́ ǹ ba n nyɛnyɛɛ ka nɛginin lɛ a sii-n wa. Bɛ dɔ giala banban, a n piɛ̃ loo lɛa.

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Boo-laakalaali 4:8

Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.

Boo-laakalaali 5:9

Min mɛn bɛ́ paa narɛ, paa ba doe bɛ yii li wa. Min mɛn bɛ́ gɔn màn narɛ, bɛ ba a là yii wa. Bɛ dɔ giala banban.

Boo-laakalaali 6:7

Minbuiin nɛ a dí na a lɛ wɔ lɛa, sɛnɛ, a foo dɔ a nyɛɛ wa.

Matiə 6:19

Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã.

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.