Boo-laakalaali 4:4 - LAWA A BOO SONBORE

⁴ Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

LAWA A BOO SONBORE 2011

⁴ Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Boo-laakalaali 4:4 ပူးပေါင်းရင်းမြစ်များ

Siin Giala 26:14

Á tɔɔ gigiãdɛnaa baa, sèren ne ka diin ni, bɛ̀rɛ gigiã dɔ́ goã a lon. Bɛ lɛ taman yii, Filisiti minin foo wuu pɛ Izaaki li.

Siin Giala 31:1

Zakɔba ma, mà Laban a nɛgiĩn man pii mà asɛ na á ǹ di Laban gɔn màn tumaa si, á n kɔ lɛ. Mà ǹsɛn di na á toa á pàãma baa.

Suusun 27:4

Kakaarɛbaa n nyɛ́ɛ da ǹ sii lɛa. Foo yoo n ka tà bɛ́ lɔn á pã á pisi. Die n boe la a gole foo yoo nyɛɛnɛ.

Boo-laakalaali 1:14

Dí mɛn tumaa bɛ́ n nyɛɛ kanaa, má a yii yɛ. Sɛnɛ, á ke bɛ kɔn giala banban, a n ka min nə piɛ̃ lui.

Boo-laakalaali 1:17

Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.

Boo-laakalaali 2:21

A giala min nə ke, á ná a dí nya, ka sii-doɛ̃ nɛ, ka doɛ̃ nɛ, á bǐɛ̃ kɔ: a màn mɛn yɛ, bɛ yoo a dɔ min kɔsɔ-a. A da yaa bɛa dɛnaa kɛ lɛ gɔn goã dí lɛ-n wa. Bɛ dɔ giala banban, a n foo busi a tɔ-a.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Boo-laakalaali 4:16

Zaman mɛn tumaa bɛ́ nɛginin lɛ ń die goɛ̃ ǹ mìi la, bɛn man die mɔnɛɛ a tɔ-a. Sɛnɛ, min kɔsɔn mɛnɛn bɛ́ kio die, bɛn nə́ boe la ǹ nə́ ǹ ba n nyɛnyɛɛ ka nɛginin lɛ a sii-n wa. Bɛ dɔ giala banban, a n piɛ̃ loo lɛa.

Boo-laakalaali 6:11

Bɛ̀ boo tá mɔnaa nɛ, a n die ka sii kooro gigiã nɛ. Minbuiin nɛ a wàa là n bɛ nɛ?

Boo-laakalaali 6:9

Yii a màn yɛ á soɛ, yiri koa màn ganaa nɛ. Bɛ dɔ giala banban, a n piɛ̃ loo lɛa.

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Nya ǹ dín 7:9

Foo wuu pɛ a lɛa, bɛa digolon kɛn lɛn nə́ ǹ diɛ̃ Zozɛfu sã minin la, bɛn nə́ woo ne Ezipti gána nɛ. Sɛnɛ, Lawa goã kun ka Zozɛfu ni.

Zaaki 4:5

Lawa a boo na á pɛ: «Lawa yiikoonaabaa ǹ fɔfoã mɛn da wɔ nɛ, a n zuũ boe bɛ la.» Ka n taasɛ mà boo kooro na á diɛ kən le?

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.