Boo-laakalaali 4:1 - LAWA A BOO SONBORE

¹ Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

LAWA A BOO SONBORE 2011

¹ Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Boo-laakalaali 4:1 ပူးပေါင်းရင်းမြစ်များ

Zɔbu 16:4

Toa bɛ̀ ka dɔn man masɛ a bǎã kɛ nɛ, bɛ̀ ma dɔ á boe la ma ka dɔn boo kɛ tɔrɔ da. Bɛ̀ man die boo gigiã kiɛ kun, ma da ka ganaa, bɛ̀ ma á n wìi yiɛ ka li.

Zɔbu 35:9

Bɛ̀ fuu la minbuiinin yii ni, maǹ gini. Bɛ̀ goledɛnan tá boe ǹ yii ni, maǹ nə n lɛ dii.

Zɔbu 6:29

Ka wusoo ka kio ne, ka nyan mɛnaa ma la wa. Ka wusoo ka kio ne, ka dɔ̃ sonbore, mà ma sii la wa.

Zɔbu 9:24

Kanaa lɛ n min baraan gɔn. Lawa din nə n gɔn koe kiri-kurulin yii lɛ. Bɛ̀ a din bie wa, die kɔsɔ nɛ?

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 142:4

Ma gù yii bɛ́ á gã ma din-a, n din tá doɛ̃, ma bɛ́ woe maa. Ma zii mɛn saa má n tɔ we la, ǹ nə́ kan koa maa zii la.

Loen 142:5

Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

Loen 42:3

Lawa yiikoonaa kɛ sii n ma ganaa. Man die we a kion kɛ-n biĩ doo, ma golee a yɔrɔ-a?

Loen 42:9

Baayɛlɛ, Dɛnaa Lawa na á goã a bǐɛ̃baa nyɛɛ. Tèlò-n, man má goã loe loe ma tá a tɔ boe ne, man má goã Lawa nyankoe, asɛ mɛn bɛ́ yiikoonaabaa koe ma la.

Loen 69:20

N tá doɛ̃, mà maǹ sɔ kiɛ ma la, ǹ nə́ ma puusə koe, ǹ nə́ sìi diɛ ma ganaa. N din yii tá maa zɔ́ɔn lɛn tumaa ganaa, n yɔrɔ-a.

Loen 69:21

Sɔ ma foo ziziɛ̃, yǎa á busu baa ma ganaa. Man yii da, máa min kɔn tá re sii lɛ doɛ̃ ma la, sɛnɛ, màn kɔn. Man yii da ma foo-taãli la, sɛnɛ, ma min yɛ wa.

Loen 80:5

Dɛnaa Lawa, Pàãyiidɛnaa, ma n die goɛ̃ wɔa nyankɔn lɛ sii, ka foo-yoo ne miɛ̃ yǎa biĩ doo?

Bɔ bɛ̀rɛbaa nɛ 1:16

«Bɛ̀ ka tá n doe Ebrəən lɛn lɔn lɛ, ǹ nɛ yɛ gɔ́ɔ̃ nɛ, ka ga nɛnyaan lɛ ganaa doɛ̃. Bɛ̀ nɛginin ni, ka dɛ a gã. Bɛ̀ nɛlɔ nɛ, ka toa a yii n koo.»

Bɔ bɛ̀rɛbaa nɛ 1:22

Bɛ lɛ nɛ, Faarahɔn pɛ a gána a zaman tumaa nɛ: «Ka Ebrəən lɛn nɛnyaan tiɛɛ̃n giĩdɛnaa tumaa zũ tà mu li, ka toa ǹ nɛlɔdɛnan yii goã koo.»

Suusun 19:7

Doobaa tìĩ n boe ne ǹ dɔɔ̃nɔn nyin ni. A giaáran manə n nyɛnɛɛ nɛ a la a lɛlɛ ǹ nɛ. Bɛ̀ á zoɛ̃ mà a boo da ǹ nɛ, a ba ǹ yii wa.

Suusun 28:3

Pàã zɛnaali mɛn bɛ́ mɛnɛɛ doobaan la, a n ka kaa-piɛ waáraa la bɛ́ lɔn màn tumaa ziziɛ̃.

Suusun 29:2

Bɛ̀ min peperen nə́ pàã saa, zaman nə n nyɛnyɛɛ. Sɛnɛ bɛ̀ min baraa pàã saa, zaman nə gungunun sii.

Boo-laakalaali 3:16

Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Boo-laakalaali 7:7

Sonbore, bɔ min yii-n nə sii-dɔ̃li biɛ baãnaa lɛa. Màn-gɔ na a yiri sii la.

Boo-laakalaali 8:9

Má bɛ tumaa yɛ. Sii mɛn tumaa bɛ́ n zɛnɛɛ kanaa kɛ nɛ, má n yiri kɔ li doɛ̃. Biikoo na a tan, minbuiin nɛ n boe ǹ miã minbuiin nɛ yii ni, a baa koe-yele lɛa.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 51:23

Min mɛnɛn bɛ́ boe n yii ni, man die paan lɛ we bɛn gɔn. Maǹ nə́ goã pii n ganaa kɛnɛn: «Waa tán, wɔ tɔ wɔ n la!» N dɔ̀ɔ̃ na á goã kiɛ̃ ǹ bǎã lɛa, zii lɛa ǹ nə́ tɔ we la.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Zeremii 16:7

Min kɔn ba re woe màn-bii koe gɛ̀dɛnan la màn mɛn bɛ́ toɛ ǹ nə ǹ foo basã wa. Min kɔn ba re ǹ foo wɛɛ ǹ din hinlaa ǹ daanan gɛ̀ taman yii wa.»

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 1:17

Siɔn nə n gɔnɔn diɛ á n giɛ dɔmalɛ li. Min banban a tá a foo wɛɛ wa. Dɛnaa Lawa na á baa ǹ miãkɛnɛn zɔ́ɔ lɛa. Zeruzalɛmu gɔ̀ da a din-a ǹ bii.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Amɔɔsi 3:10

Masɛ Dɛnaa-n kɛ pii: Samarii minin lɛn ba sii pepere zɛnaa ǹ gɔn doɛ̃ wa. Maǹ kakaarɛbaa ǹ sii zɛnɛɛ, ǹ nə́ mɛnɛɛ minin la, mànan sii kiɛ kɔn la ǹ kionən ne.

Amɔɔsi 3:9

Kion sonboren kɛn Asidɔdi kiwi, kion sonboren kɛn Ezipti gána nɛ, ka dii bɛn kala la, ka kɛ pɛ ǹ ma: Ka n lɛ sɔkɔn Samarii kiwi a kelen kɛn la, ka ga sii lɔlɔkɔn zaã kɛ-a ǹ nə́ zɛnɛɛ kiwi kɛ nɛ, ka ga kakaarɛbaa ǹ sii damata kɛ-a ǹ nə́ zɛnɛɛ a nɛ!

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 26:56

Sɛnɛ, kɛ din tumaa na á n zɛnaa, màn mɛn bɛ́ toɛ, Lawa a boo gii-dalin nə́ màn mɛn kiɛ̃ Lawa a boo ne, bɛ lɛ lɛ pã.» Bɛa biikoo li, a kialandɛnan tumaa baa si ǹ nə́ toa walan.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.