Boo-laakalaali 3:19 - LAWA A BOO SONBORE

¹⁹ A giala sii mɛn bɛ́ minbuiinin yii, a din lɛ dɔ n tɔɔn yii. Sii goon nə ǹ dinin tumaa yii. Tɔɔn bɛ́ giɛ̃ lɔn, minbuiin nɛn dɔn man giɛ̃ miɛ̃. Fɔfoã mɛn bɛ́ ǹ nɛ, a n goon. Minbuiin nɛ ba soɛ tɔɔ-n wa. Sii kɔn din giala banban.

LAWA A BOO SONBORE 2011

¹⁹ A giala sii mɛn bɛ́ minbuiinin yii, a din lɛ dɔ n tɔɔn yii. Sii goon nə ǹ dinin tumaa yii. Tɔɔn bɛ́ giɛ̃ lɔn, minbuiin nɛn dɔn man giɛ̃ miɛ̃. Fɔfoã mɛn bɛ́ ǹ nɛ, a n goon. Minbuiin nɛ ba soɛ tɔɔ-n wa. Sii kɔn din giala banban.

Boo-laakalaali 3:19 ပူးပေါင်းရင်းမြစ်များ

Samayeli2 14:14

Minbuiin nɛ tumaa doamaa nɛ a gã sɛn. Bɛ̀ minbuiin nɛ dɔ́ gã, a n goon ka mu na á kaa tán, a ba n goɛ wa. Sɛnɛ, Abusalɔn wɔ kɛ bɛ́ a bie gɛ̀ lɛa wa. Á bɛ́ á min mɛn na á bɔ n ganaa, Lawa n giɛ li, bɛ nyan goã kanaa wa.

Loen 104:29

Sɛnɛ, bɛ̀ ń nə́ ǹ nu, koe na á bɔ ǹ ganaa. Bɛ̀ ń fɔfoaã si ǹ la, maǹ giɛ̃, maǹ wusii ǹ nə n baa tii lɛa.

Loen 49:12

A laanɛ ǹ nə́ ǹ dinin tɔn kɔ ǹ tánan ganaa, ka maǹ die goɛ̃ kanaa, ǹ bĩ ǹ yala nə ǹ giã ǹ kion lɛa yǎa duduu, bɛ lɛ nə n giã ǹ bǎã lɛa biikoo tumaa li.

Loen 49:13

Minbuiin nɛ laanka a tɔ golebaa yii ni, a beleboe wa. A n ka tɔɔ bɛ́ lɔn, boɛɛn bɛ̀ a lɛ kuru.

Loen 49:20

A laanka bɛ yii ni, a n woe ǹ digolon li, bɛn mɛnɛn bɛ́ ǹ ba re wɔlɔ fúlu yii ka ǹ yii-n doo wa.

Boo-laakalaali 1:14

Dí mɛn tumaa bɛ́ n nyɛɛ kanaa, má a yii yɛ. Sɛnɛ, á ke bɛ kɔn giala banban, a n ka min nə piɛ̃ lui.

Boo-laakalaali 1:17

Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.

Boo-laakalaali 2:14

Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

Boo-laakalaali 2:16

Sonbore, yiri bie re gisĩ ka sii-dɔ̃li ni miɛ̃ duduu wa, yiri bie re gisĩ ni a la gàãnaa-n wa. Sii mɛn bɛ́ n zɛnɛɛ, yiri n die boe ka bɛ tumaa-n gɔrɔ, lɛawaan kɛn gɔ́ɔ̃-n die. Gàãnaa bɛ́ giɛ̃ lɔn, sii-dɔ̃li dɔ n giɛ̃ miɛ̃, bɛ giala?

Boo-laakalaali 7:2

Gɛ̀ gã kion mɛn nɛ, bɛa woo á soɛ, kion kɛ wɔ nɛ, zɔ́n ná a nɛ. A giala, gɛ̀ lɛ n min tumaa a gɔn nyɔmɔɔ ǹ bǎã lɛa. Yǎa yiikoonaan nə n yiri koɛ bɛ li taãnɛ.

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Boo-laakalaali 9:2

A din sii goon nə min tumaa yii. A din sii goon nə min pepere laanka min baraa yii. Min mɛn bɛ́ wúlu boe, a n bɛ yii, min mɛn bɛ́ a wúlu boe wa, a n bɛ dɔ yii. A n min bǐɛ̃ yii, ka sii baraa-zɛnaali dɔ nɛ. Min mɛn bɛ́ n liɛ, a n bɛ yii, min mɛn bɛ́ a n liɛ wa, a n bɛ dɔ yii.

Minin nimi 16:29

Bɛa minin kɛn lɛn gɛ̀ wɔ ǹ gɔn goã goon ka min tumaa wɔ nɛ, bɛ̀ ǹ giala nyɔmɔɔ goã goon ka min tumaa wɔ-n sɛn, Dɛnaa Lawa bie á masɛ dia wa.