Boo-laakalaali 3:17 - LAWA A BOO SONBORE

¹⁷ Má pɛ ma din gɔ́ɔ̃-n máa: Lawa á re kiri kuri min pepere laanka min baraa la. A giala, sii tumaa laanka a waáraa nɛ, dí tumaa laanka a biikoo ne.

LAWA A BOO SONBORE 2011

¹⁷ Má pɛ ma din gɔ́ɔ̃-n máa: Lawa á re kiri kuri min pepere laanka min baraa la. A giala, sii tumaa laanka a waáraa nɛ, dí tumaa laanka a biikoo ne.

Boo-laakalaali 3:17 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Loen 96:13

Ǹ nə n nyɛnyɛɛ Dɛnaa Lawa lɛ yɔrɔ-a, a giala, mà á die. A n die a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ. A n zɛnɛɛ a kɔnpɛ ka sonbore ne.

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Boo-laakalaali 1:16

Má pɛ ma din gɔ́ɔ̃-n máa: á ke, má màn gole baa, min mɛnɛn tumaa Zeruzalɛmu a kii baa ma nyɛɛnɛ, maa sii-doɛ̃ la bɛn wɔ nɛ. Má sii-doɛ̃ gole yɛ, ka doɛ̃ nɛ.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 12:14

Sonbore, Lawa tá re nya ǹ dí tumaa a kiri we, ka sii mɛn tumaa bɛ́ durii ni, ta bǐɛ̃ nɛ, hinlaa baraa nɛ.

Boo-laakalaali 2:1

Má pɛ ma din gɔ́ɔ̃-n máa: «Haya le! Man die n doe nyɛnyɛɛ bii, man yii doa yii-nyɛɛ dinsɔɔ̃ la.» Sɛnɛ á ke, bɛ dɔ n piɛ̃ loo lɛa.

Boo-laakalaali 3:1

Sii din tumaa laanka a waáraa nɛ. Màn din tumaa laanka a biikoo ne kanaa kɛ nɛ.

Boo-laakalaali 8:6

A giala, sii tumaa laanka a biikoo ne, ka a kiri kurii dɔ nɛ. Sɛnɛ koe gole tan, minbuiin nɛ wɔ lɛa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Zaã a sɛ́wɔ 5:22

Díi a kiri we min kɔ́n ganaa wa; a na á kiri wɔ ǹ sii tumaa toa a Nɛgiĩ lɛ gɔn,

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Tesaloniki1 5:1

Dɔɔ̃nɔn lɛn, siin lɛn bɛ́ re n zɛnɛɛ ǹ mɛn waáraa, ka laadoo ba a ganaa min sɛ́wɔ dia ka la a na a biikoo pɛ ka-n wa.

Sii-nyaan 11:18

Tɔrɔn foo yoo, sɛnɛ, n din a foo-yoo na á daa. Sisia, n geren kiri-wɔ biikoo na á dɔ, n dí-nyalin saraa biikoo dɔ na á dɔ, ǹ mɛnɛn bɛ́ n boo gii-dalin lɛa ka ǹ mɛnɛn tumaa bɛ́ n din wɔn lɛa, ǹ nə́ nyɛ́ɛ biɛ n nɛ, ta a boɛɛn nɛ, ta a gole ne. Min mɛnɛn dɔn bɛ́ ǹ nə́ goã tán-ziziɛ̃lin lɛa, ǹ dɔn ziziɛ̃ biikoo na á dɔ!»

Sii-nyaan 20:2

Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.