Boo-laakalaali 3:11 - LAWA A BOO SONBORE

¹¹ Lawa n sii tumaa zɛnɛɛ siĩni, a kɔnpɛ ka a biikoo ne. Ka bɛ dɔ nɛ, biikoo mɛn bɛ́ nyɛɛn sɔsɔɔ, Lawa bɛ dɔ din a doɛ̃ a taasiɛ wɔ minbuiin nɛ foo ne, a laanɛ ǹ ba boe la ǹ tá Lawa a sii zɛnaa giala miɛ wa, a saa a giala-kɔ ganaa, a wo kaa a gɔn nyɔmiɛ̃ lɛ.

LAWA A BOO SONBORE 2011

¹¹ Lawa n sii tumaa zɛnɛɛ siĩni, a kɔnpɛ ka a biikoo ne. Ka bɛ dɔ nɛ, biikoo mɛn bɛ́ nyɛɛn sɔsɔɔ, Lawa bɛ dɔ din a doɛ̃ a taasiɛ wɔ minbuiin nɛ foo ne, a laanɛ ǹ ba boe la ǹ tá Lawa a sii zɛnaa giala miɛ wa, a saa a giala-kɔ ganaa, a wo kaa a gɔn nyɔmiɛ̃ lɛ.

Boo-laakalaali 3:11 ပူးပေါင်းရင်းမြစ်များ

Siin Giala 1:31

Lawa màn mɛn tumaa zɛnaa, á yɛ mà ǹ tá siĩn parsiini. Wasamiɛ̃n yɛ, baayɛlɛ dɔ́ yɛ. A lɛawaa sɔrɔbaa ǹ wɔ n ka bɛ nɛ.

Zɔbu 11:7

N tá boe la n Lawa a sii zuzulun kɛn gɔsɛ n nə ǹ dɔ̃? N tá boe la n Pàãyiidɛnaa a siin kɛn lɛ-piɛ̃ giala ma?

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Zɔbu 5:9

A din lɛ n sii dadaran zɛnɛɛ, min ba ǹ giala miɛ wa. A n kaãbaa ǹ siin zɛnɛɛ lɛ ba la wa.

Loen 104:24

Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

Suusun 16:4

Mìi n Dɛnaa Lawa a sii zɛnaa tumaa la ka te. A na á min baraan dɔn zɛnaa koe pinaa taman yii.

Boo-laakalaali 1:13

Sii mɛn tumaa bɛ́ n zɛnɛɛ kanaa kɛ nɛ, má da ma foo ne, má bɛ yii gɔsɛ ka sii-doɛ̃ nɛ, máa ma a giala ma: dí kaka n ka kɛ nɛ, Lawa da minbuiin nɛ mìi ni.

Boo-laakalaali 11:5

N bɛ́ n ba piɛ̃ a kiɛ̃ ǹ zii doɛ̃ lɔn wa, ń nə́ n ba wen zɛnaa ǹ gɔn doɛ̃ lɔ nɔnɔ-a gɔ́ɔ̃-n lɔn wa, bɛa yɔrɔ kɛ lɛ dɔ la, n ba Lawa a nya ǹ dí giala miɛ wa, asɛ mɛn bɛ́ sii tumaa zɛnɛɛ.

Boo-laakalaali 7:13

Ga Lawa a nya ǹ dí ganaa: a màn mɛn pusu, die n boe la a bɛ tele?

Boo-laakalaali 7:23

Má bɛa sii kɛ lɛ tumaa lɛn zɔɔ̃ ka sii-doɛ̃ nɛ. Man má goã pii, máa man die sii-dɔ̃li biɛ. Sɛnɛ sii-doɛ̃ wɔlɔ goã lui-n ma ganaa.

Boo-laakalaali 7:29

Ma sii goon mɛn giala ma, bɛ á ke: Lawa na á minbuiin nɛ zɛnaa pepere, sɛnɛ, ǹ dinin man nə́ sii tumaa lɛ laa.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Matiə 13:22

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Marki 7:37

Minin nə́ goã n kaãbiɛ a zɛnaa ǹ siin ganaa á la yii ni. Bɛ lɛ nɛ, ǹ nə́ goã pii: «E, ka ga a zɛnaa ǹ siin ganaa dɛ! Ǹ tumaa n siĩn sɔɔ̃nɛ. A n too tere-an dinin diɛ boo ma ganaa, a n lɛ tere-an dɔn diɛ boo diɛ ganaa.»

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.