Boo-laakalaali 2:17 - LAWA A BOO SONBORE

¹⁷ Bɛ lɛ n ke, yiikoonaabaa tìĩ bɔ ma nɛ. A giala sii mɛn bɛ́ n zɛnɛɛ kanaa kɛ nɛ, má yɛ a ba siĩn wa. Ǹ kɔn giala banban, piɛ̃ loo ne.

LAWA A BOO SONBORE 2011

¹⁷ Bɛ lɛ n ke, yiikoonaabaa tìĩ bɔ ma nɛ. A giala sii mɛn bɛ́ n zɛnɛɛ kanaa kɛ nɛ, má yɛ a ba siĩn wa. Ǹ kɔn giala banban, piɛ̃ loo ne.

Boo-laakalaali 2:17 ပူးပေါင်းရင်းမြစ်များ

Kiin1 19:4

Yilii dinmaa lɛ sɛ pinin goon tɔ wɔ diə gole ne. Á giã tán da goon giulun, á nɔ̀n da gɛ̀ li bɛ̀ á n pii: «Sii lɛ ma gɔ̀nɔn bɔ kanna. Dɛnaa Lawa, masɛ nyín si ma la, a giala, ma ba soɛ ma digolon man wa.»

Zɔbu 14:13

E, bɛ̀ ma n lɛ koe dinin n ma duru geren piɛ, n ma lɛ tã walan, yǎa n busii kɛ nyɛɛ, yǎa bɛ̀ n yiri gisĩ ma nɛ biikoo mɛn li.

Loen 89:47

Dɛnaa Lawa, ma n die n duri miɛ̃, yǎa biĩ doo? N foo n die goɛ̃ yoo-n miɛ̃, yǎa biĩ doo?

Boo-laakalaali 1:14

Dí mɛn tumaa bɛ́ n nyɛɛ kanaa, má a yii yɛ. Sɛnɛ, á ke bɛ kɔn giala banban, a n ka min nə piɛ̃ lui.

Boo-laakalaali 1:17

Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.

Boo-laakalaali 2:11

Bɛ kio, ma goã má dín mɛnɛn tumaa nya, ma goã má fuu mɛn yɛ ka ǹ nya nɛ, má daa n yii wɔ bɛ nɛ má ga a ganaa. Sɛnɛ á ke! Bɛ kɔn giala banban, a n piɛ̃ loo lɛa. Là goon ba ǹ nɛ, kanaa kɛ-n wa.

Boo-laakalaali 2:22

Sonbore, minbuiin nɛ bɛ́ dí kaka mɛn tumaa nyɛɛ, màn mɛn tumaa bɛ́ a yii li ǹ sii lɛa, á n nɔmiɛ̃-n kanaa kɛ nɛ, a n wàa boe a nɛ?

Boo-laakalaali 3:16

Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

Boo-laakalaali 4:2

Bɛ lɛ n ke, masɛ á pii, máa min mɛnɛn nə saa lɛlɛ ǹ nə́ gã, máa bɛn dinin wɔ á soɛ yiikoonaan kɛn wɔ nɛ, tɔn nə ǹ tan.

Boo-laakalaali 4:3

Máa min mɛn bɛ́ a tɔn yɛ duduu wa, máa bɛ dɔ wɔ á soɛ doo, á la geren lɛn laanka yiikoonaan lɛn wɔ nɛ, a giala dí baraa mɛn bɛ́ n nyɛɛ kanaa kɛ nɛ, asɛ bɛ yɛ ka a yii-n wa.

Boo-laakalaali 6:9

Yii a màn yɛ á soɛ, yiri koa màn ganaa nɛ. Bɛ dɔ giala banban, a n piɛ̃ loo lɛa.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Zonaasi 4:3

Dɛnaa Lawa, masɛ nə n nyankoe máa n ma nyin bɔ gɔrɔ. A giala, gɛ̀ á soɛ masɛ ganaa tá kanaa nɛ.»

Zonaasi 4:8

Á ga gɛ̀ li bɛ̀ a n pii mà gɛ̀ á soɛ asɛ ganaa tá kanaa nɛ.

Abakuku 1:3

Wàa na á baa n tá toɛ ma yii á sii baraa yii? Wàa na á baa n yii á wɔa fuu ganaa, n nə́ n ba sii zɛnɛɛ dɔn wa? Bǎã tumaa nɛ, minin man kokoo we, ǹ nə́ kakaarɛbaa zɛnɛɛ. Kiri laanka zia n bǎã tumaa nɛ.

Minin nimi 11:15

Bɛ̀ n tá re masɛ kuĩ kɛnɛn, á soɛ n masɛ dɛ. Ń ta re bǐɛ̃ din koe masɛ-a bɛa yɔrɔ lɛ la, maa koe kɛ na á ba ma yii gɔ́ɔ̃ ǹ sii biɛ wa.