Boo-laakalaali 2:16 - LAWA A BOO SONBORE

¹⁶ Sonbore, yiri bie re gisĩ ka sii-dɔ̃li ni miɛ̃ duduu wa, yiri bie re gisĩ ni a la gàãnaa-n wa. Sii mɛn bɛ́ n zɛnɛɛ, yiri n die boe ka bɛ tumaa-n gɔrɔ, lɛawaan kɛn gɔ́ɔ̃-n die. Gàãnaa bɛ́ giɛ̃ lɔn, sii-dɔ̃li dɔ n giɛ̃ miɛ̃, bɛ giala?

LAWA A BOO SONBORE 2011

¹⁶ Sonbore, yiri bie re gisĩ ka sii-dɔ̃li ni miɛ̃ duduu wa, yiri bie re gisĩ ni a la gàãnaa-n wa. Sii mɛn bɛ́ n zɛnɛɛ, yiri n die boe ka bɛ tumaa-n gɔrɔ, lɛawaan kɛn gɔ́ɔ̃-n die. Gàãnaa bɛ́ giɛ̃ lɔn, sii-dɔ̃li dɔ n giɛ̃ miɛ̃, bɛ giala?

Boo-laakalaali 2:16 ပူးပေါင်းရင်းမြစ်များ

Samayeli2 3:33

Davida tɔ́n loe kɛ lɔ Abnɛɛrɛ li á pɛ: Bɛ̀ Abnɛɛrɛ doamaa nɛ a baãnaan gɛ̀ kɛ miã tɔrɔ wɔ?

Loen 103:16

Sɛnɛ, bɛ̀ piɛ̃ bɔ, a n papaɛ̃, a bǎã n goɛ̃ ka a bin tɔn buu pã wa.

Loen 49:10

Min tá boe la a goã a yii n koo yǎa duduu? Min tá boe la a goã a ná a giɛ̃ wa?

Loen 88:12

Geren lɛn tá boe la, ǹ nə n kɔn-narɛɛ gole kɛ pɛ ya? Hinlaa ǹ tá n bǐɛ̃ duduu kɛ boo diɛ geren piɛ?

Bɔ bɛ̀rɛbaa nɛ 1:6

Bɛ kio Zozɛfu daa á gã. Ǹ dɔɔ̃nɔn laanka bɛa biikoo minin kɛn lɛn tumaa daa ǹ nə́ gã.

Bɔ bɛ̀rɛbaa nɛ 1:8

Bɛ kio ǹ nə́ kii dii koa Ezipti gána lɛ mìi la, kii mɛn bɛ́ a Zozɛfu dɔ̃ wa.

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Boo-laakalaali 1:11

Siin mɛnɛn nə kiɛ̃, yiri ba goɛ̃ ǹ nɛ wa. A din yɔrɔ goon lɛ la, siin mɛnɛn bɛ́ re n zɛnɛɛ, min mɛnɛn bɛ́ kio die, bɛn dɔn yiri ba re goɛ̃ ǹ nɛ wa.

Boo-laakalaali 2:14

Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

Boo-laakalaali 2:15

Masɛ tɔ́n pɛ ma din gɔ́ɔ̃-n máa: sii mɛn bɛ́ re gàãnaa yii, bɛ lɛ n die ma dɔ yii, máa wàa na á baa má sii-dɔ̃li din baa kɛnɛn? Má pɛ ma din gɔ́ɔ̃-n, máa bɛ dɔ giala banban.

Boo-laakalaali 6:8

Sonbore, sii-dɔ̃li paǹ mɛn nə soɛ baãnaa nɛ? Doobaa mɛn bɛ́ tɔ we doɛ̃ minin yɔrɔ-a, bɛ dɔ wɔ paǹ mɛn nə soɛ?

Boo-laakalaali 7:2

Gɛ̀ gã kion mɛn nɛ, bɛa woo á soɛ, kion kɛ wɔ nɛ, zɔ́n ná a nɛ. A giala, gɛ̀ lɛ n min tumaa a gɔn nyɔmɔɔ ǹ bǎã lɛa. Yǎa yiikoonaan nə n yiri koɛ bɛ li taãnɛ.

Boo-laakalaali 8:10

Bɛa yɔrɔ lɛ la, má yɛ ǹ nə́ min baraan bĩ. Minin man nə́ goã n toɛ Lawa a kion, bɛ̀ ǹ woo bɛ̀ ǹ daa, ǹ nə́ bɛa min baraan kɛn lɛn tɔ boe kiwi gɔ́ɔ̃ nɛ, ǹ nya ǹ dín taman yii. Bɛ dɔ giala banban.

Boo-laakalaali 9:15

Sɛnɛ, giĩ goon goã kiwi lɛ nɛ, doobaa nɛ, sii-doɛ̃ ná a lon. Bɛa giĩ lɛ kiwi lɛ si á da, ka a sii-doɛ̃ nɛ. Sɛnɛ, min kɔn nə n yiri koa ka bɛa giĩ doobaa kɛ lɛ-n wa.

Boo-laakalaali 9:5

Sonbore, yiikoonaan tá doɛ̃ mà ǹsɛn tá re giɛ̃. Sɛnɛ, geren ba màn kɔn doɛ̃ duduu wa. Ǹ ba n yii diɛ màn kɔn la doo wa. A giala, yiri bɔ ǹ nɛ.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Ebrəə 9:27

A n minbuiin nɛ gogoonmaa mìi ni, a gã gunyin goon toto, bɛ kio kiri dɔ a ganaa.