Boo-laakalaali 2:14 - LAWA A BOO SONBORE

¹⁴ Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

LAWA A BOO SONBORE 2011

¹⁴ Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

Boo-laakalaali 2:14 ပူးပေါင်းရင်းမြစ်များ

Loen 19:10

Nyɛ́ɛ baa Dɛnaa Lawa-n lɛ n sii siĩn lɛa, bɛ lɛ n goɛ̃ yǎa duduu. Dɛnaa Lawa a sii yɔrɔ-bɔn man sonbore lɛa, a sii yɔrɔ-bɔ tumaa n pepere.

Loen 49:10

Min tá boe la a goã a yii n koo yǎa duduu? Min tá boe la a goã a ná a giɛ̃ wa?

Loen 49:11

Á ke, yiridɛnan dinin nə́ giɛ̃, ǹ nə́ bɔ̀n biɛ kun ka gàãnaan laanka baãnaan nɛ, ǹ nə́ ǹ gɔn mànan toɛ walan min kɔsɔn nɛ.

Suusun 14:8

Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 17:24

Sii-doɛ̃ mɛn bɛ́ kunu yiridɛnaa ganaa, a n giɛ bɛ li. Sɛnɛ, yiriwɛɛnaa sɛ n giɛ tán lɛ dan ganaa.

Boo-laakalaali 2:16

Sonbore, yiri bie re gisĩ ka sii-dɔ̃li ni miɛ̃ duduu wa, yiri bie re gisĩ ni a la gàãnaa-n wa. Sii mɛn bɛ́ n zɛnɛɛ, yiri n die boe ka bɛ tumaa-n gɔrɔ, lɛawaan kɛn gɔ́ɔ̃-n die. Gàãnaa bɛ́ giɛ̃ lɔn, sii-dɔ̃li dɔ n giɛ̃ miɛ̃, bɛ giala?

Boo-laakalaali 3:19

A giala sii mɛn bɛ́ minbuiinin yii, a din lɛ dɔ n tɔɔn yii. Sii goon nə ǹ dinin tumaa yii. Tɔɔn bɛ́ giɛ̃ lɔn, minbuiin nɛn dɔn man giɛ̃ miɛ̃. Fɔfoã mɛn bɛ́ ǹ nɛ, a n goon. Minbuiin nɛ ba soɛ tɔɔ-n wa. Sii kɔn din giala banban.

Boo-laakalaali 6:6

Ta goon kɛ lɛ din na á nyin sasa yɛ, á woo n timəə lɛ̀ duu goon la gunyin paa, a yii-nyɛɛ yii wa. Táa ǹ tumaa a woo ǹ bǎã n goon?

Boo-laakalaali 6:8

Sonbore, sii-dɔ̃li paǹ mɛn nə soɛ baãnaa nɛ? Doobaa mɛn bɛ́ tɔ we doɛ̃ minin yɔrɔ-a, bɛ dɔ wɔ paǹ mɛn nə soɛ?

Boo-laakalaali 7:2

Gɛ̀ gã kion mɛn nɛ, bɛa woo á soɛ, kion kɛ wɔ nɛ, zɔ́n ná a nɛ. A giala, gɛ̀ lɛ n min tumaa a gɔn nyɔmɔɔ ǹ bǎã lɛa. Yǎa yiikoonaan nə n yiri koɛ bɛ li taãnɛ.

Boo-laakalaali 8:1

Die n sii-dɔ̃li taãn lɛa? Die yii n doe sii gɔ́ɔ̃-n taãn-taãnɛ? Min a sii-doɛ̃ na a yɔrɔ diɛ tɛ pɛ-a. Ǹ dɛnaa yɔrɔ a babaraabaa dɔ nə n bɔyɛɛ.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Boo-laakalaali 9:16

Má tɔ́n pɛ, máa sii-doɛ̃ tá soɛ pàã nɛ. Sɛnɛ, maǹ pàã boe doobaa a sii-doɛ̃ nɛ, ǹ ba n too koe a lon wa.

Zaã1 2:11

Sɛnɛ, bɛ̀ min mɛn dɔɔ̃n tìĩ á boe-n a nyin ni, bɛ n tɔn wɔlɔ tì li, a n tɔ we wɔlɔ tì li. A bɛ́ woe bǎã mɛn nɛ, a bɛ doɛ̃ wa, a giala, wɔlɔ tì na á baa yii tere-a lɛa.