Boo-laakalaali 2:10 - LAWA A BOO SONBORE

¹⁰ Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

LAWA A BOO SONBORE 2011

¹⁰ Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:10 ပူးပေါင်းရင်းမြစ်များ

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Loen 119:37

Ma yii saa n bɔ sii kooron kɛn la. Tɔ wɔ ǹ gɔn mɛn bɛ́ kɔɔ̃nɛ n ganaa, toa ma bɛ saa.

Loen 128:2

N din dí mɛn nya ka n gɔn nɛ, n tá re a màn bii. N foo á re kɔɔ̃n koe, n wɔ n ka yii-nyɛɛ nɛ!

Suusun 23:5

Bɛ̀ ń nə n yii saa ń ga-a lɔn gɔrɔ a woo á ke. A nə n nyàan dii doɛ̃ ka sia bɛ́ lɔn yui woe.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 2:1

Má pɛ ma din gɔ́ɔ̃-n máa: «Haya le! Man die n doe nyɛnyɛɛ bii, man yii doa yii-nyɛɛ dinsɔɔ̃ la.» Sɛnɛ á ke, bɛ dɔ n piɛ̃ loo lɛa.

Boo-laakalaali 2:22

Sonbore, minbuiin nɛ bɛ́ dí kaka mɛn tumaa nyɛɛ, màn mɛn tumaa bɛ́ a yii li ǹ sii lɛa, á n nɔmiɛ̃-n kanaa kɛ nɛ, a n wàa boe a nɛ?

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Boo-laakalaali 3:22

Má tɔ́n yɛ, máa màn kɔn din ba soɛ minbuiin nɛ ganaa wa. Bɛ̀ á n bɔ, a bɛ́ dín mɛnɛn nyɛɛ, a n nyɛnyɛɛ bɛn la. Bɛ lɛ na a wɔ gii lɛa, a giala sii mɛn bɛ́ re n zɛnɛɛ a gɛ̀ kio, die n die kuĩ a da bɛ nyaa nɛ?

Boo-laakalaali 5:10

Bɛ̀ gɔn màn mɔnaa, a biili dɔ n mɔnɛɛ. Wàa là nə ǹ dɛnaa wɔ lɛa? Bɛ̀ á n bɔ a yii mɛn bɛ́ a ganaa.

Boo-laakalaali 5:17

Ma màn mɛn yɛ siĩni, bɛ á ke: min nə siĩni, a màn bii, a màn mi. Lawa bɛ́ á lɛawaan mɛnɛn kɔ la kanaa, a bɛ́ dí mɛn tumaa nyɛɛ bɛn gɔ́ɔ̃ nɛ, a bɛ́ màn mɛn tumaa boe bɛ nɛ, a n siĩni, a n nyɛnyɛɛ bɛ la, a giala a wɔ gii n ka bɛ lɛ nɛ.

Boo-laakalaali 5:18

Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

Boo-laakalaali 6:2

Min nə ke, Lawa naforo kɔ la, ka gɔn màn laanka yii gugurubaa nɛ. Màn woo màn sii tá a ganaa, bɛ kɔn wɛɛ̃ ba a ganaa wa. Sɛnɛ, Lawa na a bii ǹ lɛ kɔ la wa, a giala min kɔsɔ n die bii. Bɛ dɔ giala banban, a n koe sii kaka lɛa.

Boo-laakalaali 6:9

Yii a màn yɛ á soɛ, yiri koa màn ganaa nɛ. Bɛ dɔ giala banban, a n piɛ̃ loo lɛa.

Boo-laakalaali 8:15

Má tɔ́n pɛ máa nyɛnyɛɛ n sii sonbore lɛa a tɔ-a, a giala, màn kɔn din ba soɛ minbuiin nɛ ganaa, kanaa kɛ-n wa. Bɛ̀ á n bɔ, a màn bii, a màn mi, a n nyɛnyɛɛ. Bɛ lɛ na a dí lɛ a là lɛa, a tá kanaa lɛawaan kɛn gɔ́ɔ̃ nɛ, Lawa nə́ ǹ kɔ la.

Boo-laakalaali 9:6

Ǹ kɔn-narɛɛ nɛ, ǹ baa zɔ́ɔbaa nɛ, ǹ foo a wuu pɛ nɛ, bɛn nə́ nya gɔrɔ. Màn mɛn din tumaa bɛ́ n zɛnɛɛ kanaa kɛ nɛ, ǹ ba re, ǹ wɔ gii yii bɛ-n doo duduu wa.

Boo-laakalaali 9:9

N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

Zaã1 2:16

A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

Sii yɔrɔ-bɔlen 14:2

A bɛ́ á n bɔyaa á woo piɛ, á ná a boo yɔrɔ pɛ ǹ di laanka ǹ dan nɛ mà asɛ nɛniɛ goon yɛ kun ka Filisiti nɛnɛn nɛ Timnaa kiwi. Mà ǹ wo a sii yɔrɔ bɔ, ǹ kɔ asɛ la lɔ lɛa.