Boo-laakalaali 12:1 - LAWA A BOO SONBORE

¹ Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

LAWA A BOO SONBORE 2011

¹ Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

Boo-laakalaali 12:1 ပူးပေါင်းရင်းမြစ်များ

Siin Giala 39:2

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Siin Giala 39:23

Kòso kion-lɛduə̃li lɛ dí mɛn toa Zozɛfu gɔn, a din goã giɛ ǹ kɔn walan doo wa, a giala, mà Dɛnaa goã kun Zozɛfu ni. A bɛ́ á goã dí woo dí nyɛɛ, Dɛnaa goã a tumaa bǐɛ̃ koe a gɔn.

Samayeli2 19:35

Barzilayii tɔ́n pɛ kii ni: «Lɛ̀ gia n tɔn masɛ gɔn má n zɛnɛɛ kanaa doo, ma tɔn wo kunun n ni Zeruzalɛmu?

Samayeli2 19:36

Ma lɛ̀ pɔkiwisi n ke pelo. Máa màn sonbore laanka a baraa bɔkɔnlɛ doɛ̃ doo? Ma bɛ́ màn mɛn bii, ma bɛ́ màn mɛn mii, ma á boe la, ma bɛa kɔɔ̃nbaa dɔ̃ doo? Ma á tɔn boe la, man too kɔ giĩ kɔlɔn laanka lɔ kɔlɔn loe ganaa doɛ̃ doo? Maa dɛnaagiĩ kii, ma ba li ma wusoo ma guĩ baa n mìi-n wa.

Kiin1 14:13

Izirayeli minin tumaa tá re a gɛ̀ koɛ, ǹ na a gere bĩ. Sonbore, a dinsɔɔ̃n n Zeroboamu a kion min lɛa, a gere n die n diɛ yala-n. A giala, a dinsɔɔ̃ n Zeroboamu a kion min lɛa a sii n siĩni, Izirayeli a Lawa, Dɛnaa Lawa yii li.

Kiin1 18:12

Sɛnɛ, ma bɛ́ re kiɛ̃ man bɔ n li lɔn gɔrɔ, táa Dɛnaa Lawa yiri n die n siɛ a wo n ne n wooǹ bǎã nɛ, bǎã mɛn bɛ́ masɛ n ma ba doɛ̃ wa, bɛ̀ má pɛ Akaabu ni, máa n tá kànaa, yǎa Akaabu kiɛ̃ a da bǎã kooro yaa, a n masɛ nyín boe. A da yaa a kũ maa tenmaa ganaa, man nyɛ́ɛ biɛ Dɛnaa Lawa yii ni.

Nehemii 4:14

Ka bɛ́ re bɛn wuu miɛ boe bǎã mɛn li, ka da n sɔkɔn wɔ li walan. Wɔa Lawa lɛ á die zia diɛ wɔa lɛa!»

Zɔbu 30:2

Ǹ dinin pàã bɛ́ á goã á nya, maǹ nə́ goã boe la ǹ tá wàa mɛn bǐɛ̃ koe masɛ nɛ?

Loen 119:55

Tèlò-n, ma nə n yiri koe ka n din tɔ kɛ-n, Dɛnaa Lawa. Ma nə n landa boon kɛn tamaɛ.

Loen 34:11

Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Loen 63:6

Man die kiɛ̃ ka man má màn kɔɔ̃n bii. Yaa n die goɛ̃ ma lɛ-a, ma á re loe loe ma Dɛnaa tɔ bɔ nɛ.

Loen 90:10

Wɔa belebɔ kanaa n lɛ̀ pɔsɔbaa. Bɛ̀ min mɛn a bɔ ǹ gɔn tá siĩni, lɛ̀ pɔkiwisi. Sɛnɛ, a din-dɛdɛ a màn kɔn lɛa wa, yǎa nɔmaa laanka fuu dinsɔɔ̃. Minbuiin nɛ á papaɛ̃ fufuu, boɛɛn nɛ, a n woe.

Suusun 22:6

Sɔ̀n sonbore wɔ nɛnyaan nɛ a yoo tán waáraa. Ta á zizi kɔ, a ba n niɛ̃ a ganaa wa.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Boo-laakalaali 11:10

Taásiɛ bɔ n bɔ n foo ne, baraa wɔlɔ lui n gɔ̀nɔn ganaa. A giala, tɔntɔraabaa lɛ n kiɛ̃ fufuu, ka wɔlɔ fulii biikoo bɛ́ lɔn.

Boo-laakalaali 11:2

Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Boo-laakalaali 11:8

Bɛ lɛ n ke, bɛ̀ min yii á koo lɛ̀ didi gɔ́ɔ̃ nɛ, a doamaa nɛ, a n nyɛnyɛɛ bɛa lɛ̀n kɛn lɛn tumaa gɔ́ɔ̃ nɛ, a n yiri dɔ kɔ, mà lɛawaa kakan tá mɔnaa nɛ, mà sii mɛn yii bɛ́ die, mà yii ba doe a-n wa.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Busii pɛ 3:27

N sii si n ganaa n tenmaa waáraa, sii sonbore ne.

Ozee 7:9

Tiin manə ǹ kakabaa a là bii, sɛnɛ, ǹ ba doɛ̃ wa. Ǹ mìi ka na á fulu sɛnɛ, ǹ dinin ba doɛ̃ wa.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 18:16

Sɛnɛ, Yezu mà ǹ da ka nɛnyaanan lɛn nɛ, á pɛ: «Ka toa nɛnyaanan nə da masɛ ganaa! Ka baran ǹ kurəə wa. A giala, min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.

Efɛɛzi minin 6:4

Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

Timəə dí-pɛn 8:18

Sɛnɛ, ka n yiri koa li ka dɔ̃, mà kaa Lawa, Dɛnaa Lawa na á pàã kɔ ka la, ká tɔ́n bɛa gɔn mànan lɛn yɛ. A na á bɛ zɛnaa á nyaa, mà asɛ lɛ kɔ kɔn la mɛn wɔ ka ka digolon ne, mà bɛ á tɔn a giala la, haalɛ pelo.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Samayeli1 1:28

Ma dɔ n wusii bɛ siɛ koe Dɛnaa Lawa la. Maa yiikoonaabaa tumaa gɔ́ɔ̃ nɛ, a n die goɛ̃ Dɛnaa Lawa wɔ lɛa.» Bɛa bǎã kɛ lɛ nɛ, ǹ nə́ Dɛnaa Lawa guguru kɔ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»

Samayeli1 2:18

Samayeli sɛ na á goã dí nyɛɛ Dɛnaa Lawa yɔrɔ-a. A bɛ́ nɛnyaan lɛa, dí nya ǹ mɔnaa yii nɔnɔɔ sonbore na á goã a ganaa.

Samayeli1 2:26

Samayeli sɛ bɛ́ nɛ ten lɛa, á goã gole koe woe nyɛɛnɛ, a sii goã kɔɔ̃n Dɛnaa Lawa laanka minbuiinin ganaa.