Boo-laakalaali 11:1 - LAWA A BOO SONBORE

¹ Bɛ̀ n tá re sii mɛn zɛnɛɛ, n yii tã n zɛnaa, n wɔ á re yii a-n biɛ̃.

LAWA A BOO SONBORE 2011

¹ Bɛ̀ n tá re sii mɛn zɛnɛɛ, n yii tã n zɛnaa, n wɔ á re yii a-n biɛ̃.

Boo-laakalaali 11:1 ပူးပေါင်းရင်းမြစ်များ

Samayeli2 17:29

ka zoo nyɔɔ nɛ, ka bɔ̀nyaa guguru ni, ka diin nàari ni ka sèren ne. Davida laanka zaman mɛn lɛ goã kun, maǹ nə́ woo bɛ tumaa kɔ ǹ la màn-bii lɛa, a giala, maǹ nə́ goã taasɛ mà zaman lɛ nɔmaa, mà bòo laanka mu boro dɔ́ bɔ ǹ yii ni.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Suusun 22:9

Min mɛnɛn bɛ́ bǐɛ̃ biɛ, barka nə ǹ ganaa, a giala maǹ doobaa toe.

Boo-laakalaali 11:6

Baayɛlɛ, n màn tɔrɔ da, n baran n gɔn basã wa, yǎa wasamiɛ̃nɛ. A giala, màn mɛn bɛ́ re bǐɛ̃ koe, n ba bɛ doɛ̃ wa, kɛ-n hinlaa kɛ nɛ, hinlaa ǹ dinin tumaa n die siĩn koe kun?

Boo-laakalaali 3:6

Ga màn li biikoo tan, màn a papaã biikoo tan. Màn-koa biikoo tan, màn-daa biikoo tan.

Izayii 32:20

Sɛnɛ, ka foo á re kɔɔ̃n koe: Mu bɛ́ bǎã mɛn tumaa nɛ, ka á re màn diɛ walan. Ka á re kaa diin laanka kaa dundunun kiɛ ǹ nə n bibiə̃ ǹ dinin gɔn wii á lɛa.

Izayii 32:8

Sɛnɛ min mɛnɛn gɔ́ɔ̃ bɛ́ fu, bɛn man taasiɛ sonboren woe, ǹ nə́ sii bǐɛ̃ zɛnɛɛ.

Lawa a wúlu-bɔlen 19:25

A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.

Matiə 10:13

Bɛ̀ bɛa kion lɛ a minin doamaa-n ka là nyantoro ne, kaa fòo diɛ kɛ lɛ lɛ si ǹ ganaa; sɛnɛ, bɛ̀ ǹ doamaa bie-n wa, ka n moɛ̃ ka kaa là nyantoro fòo diɛ nɛ.

Matiə 10:42

Masɛ n pii ka nɛ, sonbore, bɛ̀ min mɛn nə́ mu nyantoto kɔ masɛ a kialandɛnan kɛn kiɛɛrɛdɛnaa mɛn la á mi, masɛ a kialandɛnaabaa lɛ taman yii, haalɛ ta paan yii goon ne, bɛa dɛnaa á die a saraa yii.

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Luku 14:14

A laan màn kɔ́n ba bɛn lon ǹ tá re n bǐɛ̃ lɛ dòo sarɛɛ-n wa, barka tá bɛ nɛ, a giala, Lawa din nə die n bǐɛ̃ lɛ dòo sarɛɛ min peperen yii kaa pinaa.»

Korɛnti2 9:6

Ka n yiri koa kɛ li: bɛ̀ min màn tɔrɔ boɛɛn da, a n màn boɛɛn kuri. Bɛ̀ min màn tɔrɔ gigiã da, a n màn gigiã kuri.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.